كيف الحال
من زمان ما شاركت بموضوع في الركن لكن هالمرة حابة تشاركوني وتفيدوني بمخاوفي اللي كل ما حاولت اتغلب عليها افشل ..
انا حامل بالطفل الثالث وحاليا صرت في الشهر الثامن
الحمل صار بدون تخطيط ورغبة وكان صدمة عنيفة جدا زعلت وتضايقت لاني حسيت انه ابدا مو وقته ..
وفي الاشهر الاولى ما تقبلت الحمل ولا اهتميت بنفسي او بالجنين وكان اكثر شي يقلقني هو فترة ما بعد الولادة والعناية بطفل 3 والرجوع من الجديد الى الرضاعة والسهر والتعب وبعدها الفطام والتدريب ع الحمام والمشاكل ما بين الاطفال وبعدها الدراسة وووو ………. احسه مشوااار طويل ابتدى مع الحمل وما راح ينتهي طول عمري ، وهالاشياء مثل ما قلت كانت تقلقني اكثر من موضوع الحمل والنساة والثقل والولادة نفسها !
بعد مرور كم شهر ع الحمل بديت اتقبل الحمل شوي لكن مخاوفي ما زلت مستمرة وتسبب لي اكتئاب وحالة نفسية كل ما فكرت فيها ،، والى الان رغم ان ما باقي غير شهر ونص على ع الولادة الا اني كل ما فكرت فيما بعد الولادة احس بخوف واكتئاااااب ولما احاول اشغل نفسي بتجهيزاتي للولادة وافكر بالموضوع من ناحية ايجابية واغير من نفسيتي ما تطول هالفترة وأرد ارجع لحالتي النفسية السابقة من جديد ..
هو انا لما كنت حامل بالطفل الثاني ( رغم انه ايضا صار بدون رغبة وتخطيط ) الا اني بعدين تحمست له وما تخوفت لما بعد الولادة لكني بعد الولادة تعبت جدااااااا من جميع النواحي جسديا او نفسيا واصبت باكتئاب لمدة 9 شهوووور بعد الولادة ..
اما هالحمل فما زلت غير متحمسة ومخاوفي كبيرة من الفترة القادمة << طبعا ما اقول اني اكره البيبي لان ما في ام ما تحب جنينها لكني خايفة من المسؤولية الجديدة ..
هل في طريقة اقدر اتغلب على مخاوفي من خلالها ؟!!
المشكلة ايضا ان ولادتي بتكون في وقت غير مناسب حيث ان عندي ولد في المدرسة وانا مهتمة بتدريسه بشكل يومي وخايفة اهمله بعد الولادة او ان اواجه صعوبات ومتاعب شديدة علشان اركز معاه في الدراسة وفي نفس الوقت ما اهمل مسؤولياتي الثانية << كنت افكر مستقبلا لو فكرت في الحمل راح اخطط ان ولادتي تصير في العطلة الصيفية اما بما ان الحمل صار بدون تخطيط فللأسف ولادتي بتكون ايام مدرسة وحتى لو ريحت شوي اول الايام لازم برجع بعدين للاهتمام بتدريس ولدي ..
وفي نفس الوقت احاتي ولدي الثاني اخاف اركز على تدريس اخوه والاهتمام بالطفل الجديد ويضيع هو بالطوشة مسكين وطبعا هالشي ممكن يأثر عليه ويغار من اخوانه ويصبح عدواني معاهم !
قعدت افضفض في كل شي خايفة منه واحاتي لانكم مثل خواتي ..
ياريت تساعدوني بأفكاركم علشان اتجاوز هالازمة على خير ،، واللي مرت بنفس التجربة اتمنى تفيدني 
دايما لاتفكرين وايد بالمستقبل لانك ماتدرين الله شنو كاتب
احنا دايما نتخيل المستقبل ( و اغلب الاحيان ) مستقبل أسود و بنتعب و بنسهر و بيصير كذا و بيصير كذا
خليها على الله لاتسبقين الاحداث عيشي هالايام ولاتشيلين هم باجر لانه علمه عند الله
ماتدرين هالياهل اللي جاي يمكن قدمه عليكم يكون احسن و احسن
يمكن يطلع اهو الهادي في عيالك و مايتعبك وايد في رباته
يمكن و يمكن ويمكن
تفائلي بالخير وبتلقينه قدامك
انا كنت نفسك حملت على ولدي بدون تخطيط كان عمره سنتين صحت و قلبت الدنيا لاني فكرت بالسهر و التعب و الربا
مافكرت بالنعمه اللي الله عطاني اياها و ناس محرومه منها
اخرتها ماتم الحمل و نزل و تحسفت عليه ( هاللي ماكنت ابيه بالاول ) و تعلمت درس بحياتي
الله يعطيش الف عافيه ماما حسون
ومثل ما قالو الي قبلي خليها على الله سبحانه وتعالى وسبحانه عالم بالحال ولو ماانتي تستاهلين ما عطاج هاذي النعمه
وحطي في بالج التنظيم وانتي قويه وتقدري على هذا الأمر
حطي بالج صحتج وتغذيتج وبتشوفين انج تقدري عليه اهم ال3 إن شاء الله
خذي لج راحه سبوعين في بيت الوالده واكيد بترتاح نفسيتج
عودي عيالج على النوم من وقت وسون النظام لدرجه انه حتى الاب يمشي عليه
اختي ما شاء الله عليها جذيه خلت نظام البنت الأولى على الثانيه الصغيره ليما كبرت شويه
وحطي في بالج في البيت إنتي المسيره لامور البيت والله يكون في عونج
عيشي حياتك والحمد لله على نعمته لك
الاخوات ماقصروا بردودهم
 |
اقتباس |  |
 |
| شوفي يا اختي
دايما لاتفكرين وايد بالمستقبل لانك ماتدرين الله شنو كاتب احنا دايما نتخيل المستقبل ( و اغلب الاحيان ) مستقبل أسود و بنتعب و بنسهر و بيصير كذا و بيصير كذا خليها على الله لاتسبقين الاحداث عيشي هالايام ولاتشيلين هم باجر لانه علمه عند الله ماتدرين هالياهل اللي جاي يمكن قدمه عليكم يكون احسن و احسن يمكن يطلع اهو الهادي في عيالك و مايتعبك وايد في رباته يمكن و يمكن ويمكن تفائلي بالخير وبتلقينه قدامك |
||
 |
 |
هلا بأم حسون أختفيتي من المنتدى
الله يكون بعونش
ورأيي من رأي مراوي
انا كنت مثلش حملت بولدي الثاني من غير تخطيط واسودت الدنيا في عيني وقلبت الدنيا فوق تحت وتمنيت حملي ينزل لين تقريبا 7 اشهر من حملي يالله يالله بديت أتأقلم على الوضع الجديد نفسياً لكن عقلي مثلش مو راضي يقتنع بأني بكون قد المسؤلية وبقدر اربي طفلين من نفس العمر تقريبا (سنتين ونصف فرق بين بنتي وولدي )
لكن ربش كريم ورحيم وعالم بحالي
سبحان الله بعد ولادتي أنقلبت الموازين وتغير الحال
ولدي اللهم صلِ على محمد وآل محمد
الحمد لله رب العالمين هاديء
عكس أخته تماماً اللي ماتقعد ولا دقيقة هادئه كل الوقت عندها لعب وبس
حتى في تطوراته صحيح ان ماحبى للحين توه مبدي يزحف
لكن حتى هذي لما اجي أنظر ليها الاقيها رحمة من ربي لو كان يحبي زي أخته من 9 شهور خلاص مي مخليه شيء إلا على طول في فمها وكل ملاحق وراها كان بيكون حالي غير أكيد
يعني تخيلي بنت حركيه وكل شوي تلاقيها راكبه على شيء ولا بتطيح من فوق شيء وولد يزحف ويلقط من الأرض
لكن الله رحيم بعباده
حتى الأكل سبحان الله بنتي لان كنت فاضيه ماعندي إلا هي كل يوم اسوي لها أكل بالخلاط واتعب عليه لان ماسننت بدري قريب السنه تقريبا يالله سننت
وولدي الحمد لله سنن بدري من دخل السادس يعني من بدأ وقت الأكل بالنسبه له ولهذا ماتعبت في موضوع الأكل ياكل من أكلنا عادي اشيل له شوي من غير بهارات وانتهت السالفة
يعني لاحظي رحمة الله بعباده مهما حاتيتي السالفه وفكرتي ربش بهيأ لش الأمور وبتحسي ان حياتش سهلة جداً
انتي توكلي على الله وفوضي أمرش لربش وان شاء الله مابتشوفي إلا الخير
أهم شيء انش قبل لاتولدي بالسلامة تكوني مرتبه لش ولأولادش جدول وبعد الولاده تمشي عليه
واهم شيء النوم إذا اولادش نومهم مخربط من اللحين رتبي نومهم
اني بصفة بنتي كانت صغيره تعبت في تنظيم نومها لكن الحمد لله مع المحاولات انتظم نومها والحين 10 ونصف أو 11 بالكثير هي نايمه وولدي متى ماشاف أخته نايمه عودته ان اطفيء الليتات وخلاص هذا وقت النوم وينام وي اخته
مااقول لش مايصحى في الليل لان هذا الطبيعي يصحى لكن يرضع ويرجع ينام مره ثانيه
حتى زوجي أول ماولدت يقول ليي مع ان لما عندش بس جود كان الوضع غير والحين عندش اثنين والحمد لله ممشيه أمورش تمام وكل شيء منظم ومرتب
صحيح كل شيء مرتب لكن تعالي شوفي الدوخه اللي اني فيها تجيني اوقات احس نفسي بطيح من الدوخه
لكن انتين عاد لاتسوي زيي رتبت كل شيء وحطيت له جدول إلا أكلي ماني مهتمه به ومهمله غذائي
اعتمدي لش جدول ونظمي وقتش عليه وان شاء الله مابتتعبي وياهم
لان أهم شيء الوحده تكون منظمه جدولها التنظيم يعمل دور كبير عشانش وعشان أولادش
وأهم شيء مساعدة الزوج لان إيد وحده على قولتهم ماتصفق
وصحيح الحمد لله اني منظمه اموري حالياً لكن لازلت أعيش خوف وخوف فظييييع وكوابيس من الحمل للمره الثالثه
إذا عندش حل يخلي الوحده تتطمن من هالناحيه اسعفينا
كل شهر قبل لايجي حتى موعد الدوره لازم اسوي تحليل حمل
ههههههه
يعني المشكله مو في العيال المشكله فينا سببوا لينا عقده وخوف من تجربة الحمل مره أخرى
الله يكون بالعون
واسمحي ليي طولت عليش بس حبيت أذكر لش تجربتي القريبه من تجربتش
وأتمنى لش ولادة سهله بإذن الله تعالى والله يحفظ لش أطفالش ويحميهم ويخليهم لش يارب