السلام عليكم خواتي انا مسجله ولدي وبنتي فمدرسة دبي للتربية الحديثه بس ابا ارائكم لاني تخوفت يوم سمعت كم راي يذمها
على فكره هيه فيها نظامين وزاري وامريكي وانا سجلتهم بالامريكي وابا راايكم للضرووووووره ومن اي ناحيه هي مب زينه ابا توووضيح الله يخليكم كان خاطري فالشويفات بس للاسف االتسجيل خلص
على فكره هيه فيها نظامين وزاري وامريكي وانا سجلتهم بالامريكي وابا راايكم للضرووووووره ومن اي ناحيه هي مب زينه ابا توووضيح الله يخليكم كان خاطري فالشويفات بس للاسف االتسجيل خلص
حبيبتي المدرسه وايد زينه أنا مرتاحه لها وايد وكل مدرسه يبالها وقت لين تتطور وهالمدرسه كبدايه وايد أوكيه والمدرسين ممتازين وملتزمين بصراحه ولاتصدقين هالكلام أنا بروحي شايفه كيف يجتمعون مع أولياء الأمور ويكلمونهم عن درجات عيالهم اذا نازله أو في مشكله عند الطالب بالعكس وكفايه أن المدرسه صاحبتها مواطنه بنت البلاد أنا عن نفسي لما أسير أسأل عن بنتي أحس أني في بيتي من كثر ما جو المدرسه حميم وتعامل المدرسات والأداره بنتي بتروح صف ثاني وهي شاطره ماشا الله عليها وعندي صديقات عيالهم مش نفس المستوى درجاتهم في الأمتحانات مش أوكيه عيل ليييييييش محد غششهم وزود درجاتهم تدرين رغم الحرب القائمه على هالمدرسة والكلام اللي يقولونه أبدا ماهزني شي ولاطلعت بنتي لأني مرتاحه من المدرسة وبنتي مرتاحه منها وهذا أهم شي بقولج سالفة ربيعتي العام طلعت بنتها وسجلتها في مدرسه بريطانية وغاليه بعد تدرين شو اللي صار البنت كل يوم تصيح ماتبا تروح المدرسة تبا ترد التربية الحديثه ياما نصحتها ماتسمع كلام حد وهي الحين ندمانه ندم لأنها طلعت البنت وغير جذيه المدرسه البريطانيه كل المدرسات أجانب أغلبهم والطلاب بعد والبنت الفقيره ضايعه وياهم حتى الأم مش قادره تتواصل مع المدرسات فلييييش الوحده تتفلسف وتدخل عيالها مدارس أجنبيه وهي روحها مش عارفه شو السالفه نحن مشكلتنا كلام الناس يودينا وييبنا وكل سنه نغير من مدرسه للثانيه فكرو في هاليهال شو ذنبهم المرمطه هذي والله أنا أشوف ان الطالب الشاطر يفلح في أي مدرسه مايخصه شوفو عيال الوافدين في مدارس خاصه رخيصه وتعليم عادي لكنهم نوابغ لييييييييييش ؟؟؟؟؟ من متابعة الأهل وأهتمامهم مش المدرسه بس الحين اللي صاير أن كل وحده تبا تحط عيالها في أرقى وأغلى وأحسن مدرسه وتباه يطلع عالم بعد كل هذا حق الفشره بس صدقوني كل المدارس نفس الشي والمناهج سواء بريطانيه أو أمريكيه ترى كلهن نفس الكتب من نفس الشركات الأجنبيه اللي مرخصتنها وزارة التربية والتعليم الخاص بس اللي يختلف أدارة المدرسه والمبنى بس ……….
شو رايكم في التربية الحديثة — بليز قولولي شو رايكم في المنهج الوزاري (ثانوي) شغايل نظامهم الله يخليكم قولولي انا محتارة
ام بصراحة المددرسة مش اوكيه مانصحج ولد اخوي فيها بصراحة واايد اختي ندمانة والحين طلعته
سووري مش ولد اخووي ولد اختي هه
السلام عليكم .. انا يوم كنت اخر سنه في الثانويه العامة كنت بسجل فيها …
بس صدقيني الدراسة فيها مب شي .الي يبون يمشوون عماارهم .. ….
كلهم حذروووني …
في مداارس حوووولها وااايد زينة … انا عيال اختي في مدارس واايد زينة ..وفي نفس المنطقة … ونظام دراستهم حلوة واايد
جووووفي حووولها بتحصلين مداارس تستااهل الدراسة فيها … ودخليهم نظام انجليزي وااااايد افودلهم …لو هم مب اوكي في الانجلش بيستوون توب فيها ..
السلام عليكم الغاليه
حبيت أسألج عن مدرسة دبي للتربية الحديثة
حبيت أسألج عن مدرسة دبي للتربية الحديثة
هل هذه المدرسة خاصة؟
هل فيها منهج حكومي الرياضيات وعلوم بالعربي؟
حبيت أسألج عن الساعة الدوام؟ من الساعه كم إلي الساعه كم؟
وكم الرسوم الصف الخامس الأبتدائي؟
وهذه المدرسة فيها لين الصف كم؟
متي تسجيل عندهم؟
هل مدرسين ومدرسات
يدرسون الصف الخامس؟
هل يوجد أختلاط يعني البنات والأولاد في الصف الخامس؟
لأن أختي بدخل ولدها فيها هل زينه المدرسة؟
أنتظر الرد حياتي
وينكم؟