بنات أفكر أدخل بنتي بداية السنة الدراسية الجاية مدرسة عبدالرحمن كانو الخاصة اللي بسلماباد مستوى KG . يعني بتكون بنتي عمرها 3 سنوات ونصف.
بنات من منكم دخلت عيالها هالروضة أو هالمدرسة؟؟
أبي أعرف شرايكم في تدريسهم وكل شي عنهم؟؟؟
لأن التسجيل راح يبدأ الشهر الياي.
حبيباتي أترياكم.(f)
ولو انج تعبانة
أتمنى أنج تقومين بالسلامة عن قريب:9_33:
انا بنتى في مدرسة عبدالرحمن كانو في Nursary والسنه الجاية KG1 ان شاء الله بس مرتاحه من تدريسهم واهتمامهم بالطفل وكل شي اوكي بس فيه مشكله وحده ان الدوام طويل من الساعة ست او اعشر يجي الباص و تدخل البيت الساعه 2 الظهر احسها تتعب بس ماترضى تنام وتقعد تلعب مع اخواني بس احسها مستفيده ووقتها منظم يعني كل يوم ايام المدرسه تنام الساعة سبع وتاكل في المدرسه وترجع تتغدى وتتعشى احس نظام المدرسة نظم حياتها ومن ناحية المدرسة كل شي اوكي بس الاسعار غالية بس ما تغلى على عيالنا..
وإذغ تبغين اي سؤال انا حاضرة..
ام حلا
كم عمر بنتج؟
وكم الرسوم كاملة؟
أبغي كل التفاصيل عن الرسوم والتسجيل وبدء الدراسة الله يخليج
هل يعطون اليهال واجبات منزلية، ياريت لو تعطيني نبذة عن الجدول الدراسي لبنتج.
أنتظرج حبيبتي
طبعا انا دخلت بنتى هذي المدرسة بعد ماشفت اولاد عمها كيف مستواهم في المدرسة واهتمامهم بالطفل والتعليم بس ترفيه في نفس الوقت يعني كل اسبوع فعالية : يوم الشجره ، يوم الاسكريم، يوم اللون الاخضر، يوم قوس قزح يعني يتعلم الطفل ويلعب عندهم وفيه حديقتين يعني طول اليوم مو بس دراسة لعب بعد .
عمر بنتي الحين 3 سنوات و 8 شهور يوم تدخل كانت 3 سنوات و3 شهور ..
رسوم المدرسة كامله للسنه 870 دينار غير 80 للقرطاسية والملابس وإذغ تبين موقعهم بحطه ليش
طبعا يعطونها واجبات بس في الاسبوع مره او مرتين ..
مستوى حلا الدراسي تطور واجد طبعا المدرسة ماتركز على الانجليزي بس حتى العربي الحين اهيه حافظه 5 سور قرآنية و نشايد واجد والالوان والاشكال بالعربي والانجليزي والارقام بعد يعني ماشاء الله للحين ما كملت السنه وعطوهم اشياء واجد ..
وطبعا كل شهر يرسلون ليش نشرة عن شنو بيعطونهم في الشهر بالعربي والانجليزي
وفيه شي حلو بعد نص اليوم عربي ونصه بالانجليزي والاسبوع اللي بعده بالعكس الصبح انجليزي والظهر عربي…
ان شاء الله افدتش بس اذا تبين تسجلين بسرعه لان المقاعد بسرعه تخلص ويخلونش على الويتنق ليست..
أم حلا
بغيت أسأل شلون عن دوامهم في شهر رمضان ؟؟؟
والسنة دوامهم من تاريخ كم بالضبط ؟؟؟
وشكرا مقدما
بنات حماتي بهالمدرسة و مثل ما الكل يمدحها اهي بعد تمدحها … و اكثر شي عجبني أنهم يعلمونهم سباحة..
بالنسبة للدوام في رمضان يداومون حالهم حال المدارس الخاصة بس ما تفرق وايد عن الدوام العادي يعني يروحون سبع و ربع الظاهر و كأن الكي جي يبتدون من تاريخ 8 أو 10 |9
و المرحلة الأكبر يبتدون قبلهم بعد …أتمنى اني أكون أفدتج