مثلا : وحدة أعرفها اتحب تتفشخر .. وماعندها .. يعني راتبها يادوب يأكلها..
وراحت اتسلفت من صديقتها علشان تشتري شنطة شانيل أصلية ومحفظتها تقريبا بـ 5500 درهم . (( شوتسمونها هاذي مب خقاقة ))
مع ان الفلوس اللي صرفتها في الشنطة عيالها وبيتها أولى فيها ..صح ولا خطأ ؟
أنا أقول اللي عندها فلوس تصرف قد ما تقدر لأن عندها والله ميسر عليها وفي متناول يدها اللي بتشتريه ..
واللي ما عندها تكتفي بالبديل من الماركات الأرخص ..ولو تمد ريولها على قد لحافها يكون أحسن ولا تتطالع اللي في ايد غيرها ..
شورايكم يا جماعة باللي أقوله ؟؟؟؟؟؟؟؟ :cool2:
رايج وهداية الله
انا معاج اختي واهي وايد غلطانه بصراحه
الله يسامحها ويهديها ان شالله
وانا وياكم ،،
وماحب الناس اللي مهتمين بزياده بالماركات ،،
مايعجبوني
.. بالفعل هالشي ظاهر الحين.. وكل وحده تحب تتفشر جدام ربعها واهلها وحتى جيرانها.. يعني قولي اي حد ياه في دربها تحب اتراويه الي عندها..
اذكر مره وحده الله يستر عليها كانت تتفشر بساعت اليد لانها كانت ماركه وغاليه.. من كثر ما هي تتخقق وكل شوي تطالع الساعه وكل شوي اترفع ايدينها عشان الي حواليها يتطالعون والله ان طاح من ايدها وانكسر تمت ماده بوزها شبرين طول الوقت!؟
ومب بس جيه بس.. في بنات يكنسلون روحوتهم الاعراس والا اي مناسبه بدون ليلبسون شي راقي ويكون جديد!؟ يعني همهم انهم يتفشرون ويتخققون جدام الخلق!؟ الله يهديهم..
أنا أأيد كلامج يا الغاليه.. وكلامج 100% صح..
لين متى بتم اتسوي جيه..؟!
وآخر شي هي الخسرانه مب الي حواليها..!؟
انا بصراحه مااروح لسوق الا اذا كنت محتاجه شىء مهم ……. ولا غير جذي مااروح او ابي اتمشه بس
شكرا لج حبيبتى
النونه
ويعطيكم العافيه
اما ان الوحده ما عندها و على قد حالها تروح تتسلف لا
هذي طبعا رايي 😮