خواتي الغاليات بقولكم قصتي باختصار وببدا من اليوم اني احاول اخفف وزني وبتشجيعكم راح اوصل للوزن والجسم الي اتمناه
قصتي من البداية أن وزني كان 52 قبل ما ازوج وجسمي كان يجنن وروعه مع اني كنت اكل طبيعي واكل فاست فود بس ما يأثر فيني .. تزوجت سنه 2024 وكنت وايد فرحانه بنفسي ان جسمي حلو لا ضعيفه ولا متينه بالعكس جسمي روووعه .. وخصري اروع .. حملت وبدت المشاكل … طبعا وحامي كان فضيع وزني رجع لل 49 وبعد الشهر الثالث رجع وزني يزيد طبعا وصل يدوب للــ 62 وكرشي كان صغيييييييير جدا … حتى كل حد كان مستغرب وانا سايره اولد لان كرشتي صغير ه… بعد الولاده عانيت شويه من كرشه بسيطه ووزني رجع للــ55 طبعا كل شي كان طبيعي وانا ارضع للكن من ودرت الرضاعه بسبب الجامعه وولدي تعود على المرضعه بدا وزني يزيد مع ان اكلي ما تغير عن لما كنت بنت بالعكس ..
المهم حاولت اسير نادي بس ماشي فايده .. يوم يومين واترك .. سويت رجيم اسبوعين وتركت ..
فوقفت عشان ما اخربط نفسي زيادة ..
وحاليا انا هني عشان ابدا اكتب يومياتي مع قراراتي اليديده …
1- وقفت ببسي من قبل رمضان باسبوعين .. يعني جد حارمه نفسي من الغازات لان مامنها نفع … ما اقولكم ساعات عن خاطري اسرق رشفه او رشفتين عن خاطري بس مره في الاسبوع …
2- خففت اكل الرز … العيش هذا نسيته تقريبا اكله مره وحده اسبوعيا في بيت اهل زوجي ..
ولها الحد وصلت قراراتي لليوم .. ومن باجر ببدا اتخذ قرارات اغير فيها نظام حياتي …
طبعا جدول حياتي كريه ومافيه وقت …
اروح الجامعه .. ارد البيت اريح ساعتين واقعد مع ولدي وبعدين اروح الشغل ( انا اشتغل دوام جزئي ) لحد الساعه 9 … ارد البيت اسبح والعب مع ولدي واغير له وانومه .. وانام وراه …
طبعا ما بقول لكم شكثر انا متعقده والله حتى الصباح سااعات اصيحه من كثر ما متعقده من جسمي وخاصه لما اشوف صوري وانا رشيقه..
فعلشان جي ناويه استغل لو ساعه من جدولي علشان الرياضه ولاني ابا ازيل الكرشه وارجع مخصره ….
عموما .. هاي اول صفحه من مذكراتي
وباجر ان شاء الله بنبدا المذكرات .. وبنبدا اول الخطواط لحياة افضل …
باجر بحط لكم وزني وقياسات خصري واردافي …
وبقولكم شو سويت طول اليوم 
وان شاء الله استفيد وينزل وزني و احصل على الجسم المثالي الي ابيه …
لا تنسونا من دعواتكم وتشجيعاتكم
اختكم
أول شي أهدافي ..
1- أن زال وزني من 63 إلى 58
2- التخلص من الكرشه والارداف
3- شد الصدر وتصغيره
كل اسبوع بدخل لكم الاوزان والمقاسات وان شاء الله يكون فيه تغير وما انحبط ..
اليوم : الاثنين
تاريخ : 13/10/2008
الوزن 63
محيط الخصر ( فوق السر ) 32 inch ( القياسات بالانتش ما اتعامل مع السانتي يسبب لي احباط )
محيط الخصر ( تحت السره ) 36.5 inch
محيط الفخذ ( الواحد ) 23.5 inch
دعواتكم
للعشاء واذا لازم منه فخليه بدري والنوم بعد الاكل بفترة 2ساعه على الاقل :Zd_bye_3:
هلا والله اختيه
حبيت اقولج :: بالتوفيق اختيه
حلو الواحد يبدأ صفحه جديده في حياته علشان يوصل حق اللي يبغيه
الله ينوولج ماتتمنينه حبيبتي
وبالتوفيق إن شاء الله الغاليه
اخيت محرومة حب مشكورة على التشجيع
ارادتج تقوى اكثر واكثر مع الوقت
وتفرحينااا يا رب بالنتيجه
اليوم طبعا ع الحظ الحو مرضت وصابني زكام وبلاعيم .. بس طبعا بديت يومي اني شربت نص لتر ماي قبل اي شي .. وبعدها رحت الجامعه وعلى الساعه 11 كلت سيزر سلط ( بس ما كملته طعمه كان اي شي ) وشرب نص لتر ماي ثاني على الساعه 3 شربت لي كوفي بدون كريمه او اي نكهه وشوية سكر ورحت الشغل هناك شرب لي تقريبا كاسين ماي … كنت ناويه وانا راده البيت امر اخذ لي اناناس واشرب شوربة في البيت بس طبعا من كثر ما المرض هدني رجعت البيت ولا فكرت بالاكل وكنت ناويه امشي واسوي تمارين بطن بس للاسف ما قدرت اسوي شي بس باجر ان شاء الله اصح صح واسوي هالتمارين …. طبعا الحين قاعده اشرب ماي نص لتر تقريبا يعني جي بكون تقريبا شاربه اقل من لترين بشوي مع أن هدفي اني اشرب لترين ماي في اليوم من فوائد الماي
1- يمنع الامساك
2- ينقي البشره
3- بحد من الشره للطعام في حالة أن لو شربناه قبل الاكل
4- تحمي المفاصل
طبعا اول يوم كان سيء لحدٍ ما بس ما شي مكان لليأس وبكره يكون احلى
اختكم …
1- استريت ب شرب الماي ( لترين ) ولازم اشرب نص لتر اول ما اصحى من النوم
2- أفطر فطور الامراء ( فطور رااهي ) طبعا ابتعد قد ما اقدر عن الصمون … بس اكل توست بني وخبز اسمر .
3- أخر شي اشربه بليل هو عصير اناناس وكيوي ( خذت طريقته من المنتدى ما اذكر الاخت الي ذكرته بس جزاها الله خير ) فايدته انه يحرق السعرات ,, ( حبة كيوي + شريحه او شريحتين اناناس + عصير اناناس تروبيكان .. أو ربيع ) وتخلطينهم في الخلاط وتشربينه بس طبعا ما أكل اي شي بعده ابدا ..
4- أصعد الدرج وانزل منه 5 مرات يعني ( صاعد نازل مره وحده ) وناويه ازيدهم للعشر بس بالتدريج
5- بديت استخدم السيكل 20 إلى 30 دقيقه ..
وفيه تمرين اسويه بعد قريته في المنتدى … أنج توقفين بطريقه كأنج تحبسين البول عزكم الله وبعدين تشفطين بطنج أطول مده ممكنه
وها كل شي .. طبعا بالنسبه للاكل مثل ما قلت لكم اتريق عدل وبعدين ما أكل شي للساعه 7 وأحيانا 5 يكون هو غداي وعشاااي
اختكم