مراكز التغذية في قطر 2024.

السلام عليكم بنات

شخباركم عساكم ان شاء الله طيبين
بغيت اسالكم عن مراكز التغذية في قطر. انا جربت Diet Center بس ما رتحتلهم وابي احول على مركز ثاني.

اذا تعرفون اي مركز ثاني بكون شاكره لكم

Renji (f)

هلا حبيبتي
في عندك مركز سليم أن لايت فضييييع (y)
وأكلهم يجنن وماتملين منه أبد متنوع بين فتره وفتره يدخلون لج أكل جديد.
ومعاملتهم جدا راقية وفي المناسبات يطرشون لج هدايا بعد (g) مثل عيد الأم والعيدين ورمضان ,,وفي عندهم دكتوره لبنانية وايد شاطره اسمه ليلى..تساعدج فعلا انج تنقصين وزن بس اهم شي المتابعه معاها..وبالتوفيق حبيبتي واتمنى اني أكون أفدتج(f)

دااايت سنتر كلش لاتفكرين ترجعييين لهم

اكلهم استغفر الله ….

وامدحوا لي سلم اند دايت … بس ماجربته

والله مشكورين انا الصراحه كنت محتارة وين اسجل ولقيت الحل عندكم

ماقصرتوا حبايبي

فطومة 2024 و قطرية كوول
مشكورين حبيباتي على الرد انا سمعت عن سلم اند لايت بس ماكنت متاكده من اسمه ولا مقتنعه فيه كنت خايفة يطلع مثل دايت سنتر بس الحمدلله كلامكم شجعني اني اروح واسجل

تسلمون ما قصرتوا

سلم اند لايت وين ذي ؟؟؟

انا عن نفسي اشتركت في مركزين الاول الغذاء المثالي ونزلت فيه وايد مع الرياضة واكلهم يعني حلو , واشتركت بعدين في سليم لايت بس مانقصت وايد مع اني كنت متقيده فيه يمكن نقصت 2ونص في الشهر ، بس الفرق بين هالمركزين ان سلم لايت يخيرونج فالوجبات مثلا اذا جابو وجبه ماعجبتج تقولين لهم ومرة 2 مايحطونها لج عكس الغذاء المثالي اجباريه الوجبة لدرجة انج تقطين الوجبة فالزبالة انا اشتركت عندهم يوم كانت ادارتهم اسيويه بس نقصت معاهم مع رياضة 8 كيلو في الشهر عكس سليم لايت , والفرق الثاني ان سلم لايت يخلونج براحتج فالبيت تشربين شاي اوحليب مع الوجبات عكس الغذاء المثالي الشاي هم يبونه ماتشربين الا الماي يعني تتقيدين اللي بالعلبه بالضبط ..

وهاي ارقامهم الغذاء المثالي :4887745 والاشتراك ب 2650
سلم لايت : 4697840 والاشتراك ب 2500

وانا عن نفسي افتكيت الحمد الله منهم بس باقي لي الشد وقررت هالشهر ابدا في سلم لاين عشان الشد

اتمنى اني افدتج ..

انصحج بسليم ان لايت انا جربته في رمضان وغير ه

نزلت بس لازم تتقيدين بالرياضه والاخصائيه ليلى حتى مديرتهم وايد حليوين

ومعاملتهم راقيه جدا ,,

حتى عقب ما يخلص الاشتراك تقدرين تطلبين منهم فطور وحلويات وتروحين
تاخذينهم من المطبخ في المرخيه عند مكتبة الفرابي ..

وانا طلبت منهم حلويات للعيد هلي جنوا عليهم ..

وفي مركز ثاني امس مكتشفته حاطين له دعايه
في اللاند مارك / اسمه : Diet cafe
والاشتراك بعد 2500 ..
وهذا رقمهم /4361721
مكانهم في النصر ..

وتقدري بعد تطلبين منها طلبات خارجيه
مثل ماقالوا لي ..

روز ..

حتى انا جربت دايت سنتر بس لاسف مانزلت عليه اسبوعين بعدين تمللت واكلهم مب حلو يجيج مب مستوي كامل نفس الدجاج لاعت جبدي انا احبه مستوي بس مب حلو عندهم الدجاج ولاسف انا ما اكل الا دجاج …
انشالله بجرب اسلم اند لايت بس يمكن من شهر واحد…
مشكورين ما قصرتوا

نفس كلاام الاخوات .انا اشتركت بسليم اند لايت وايد معاملتهم زيينه وحتى الاخصائيه ليلي حبووبه وتشجع بس اشتركت لمه شهر بس بدوون ريااضه بس مشي قليل ضعفت 3 كيلو بس بالشهر مااكنت مشتطه واايد

وان شاء الله برجع اكمل ويااهم …….اكلهم يجنن…..

ولا يعلى علييه الصرااحه ؟؟؟؟

بس شسالفه الاسعاار كل مره تزييد خخخخخخخخ

اختي مشتركه 1600 .وانا 2000 واللحين 2500 ماايسوى علينا خخخخخخخخخخ
موفقيين ان شاء الله