السلام عليكم
طبعا هذه الطبخه اكثر شي تجي في رمضان عشان الثريد يمي يمي
احنا في الخليج نسميها المرق
انا سويتها على خضار ودجاج
واحيانا نسويها على جمبري (ربيان)
واحيانا سمك وساعات لحم
واحيانا بس خضار
نجي للمقادير
طبعا تقدري تحطي اي خضار يعجبك
انا حطيت كالاتي :
بطاطا حلوه
بطاطا عاديه
جزر
قرنبيط
طماطم
بصل وثوم مفروم
مكعبين خضار ماجي
فلفل رومي اخضر مقطع وسط
بقدونس وسبنت وكزبره
صلصلة طماطم
ملح وبهارات مشكله وليمون اسود
وماء
الطريقة :
اولا انا شوحت البصل والثوم لحد ماتغير لونه واضفت عليه الخضار بالكامل والدجاج حتى يكتسب ريحة وطعم البصل والثوم …
اجيب الخلاط الكهربائي واقطع الطماطم واخليه داخل واحط معاه ثلاث فصوص ثوم صحاح مو مفرومه وبصله كبيره مقطعه وجزره وبطاطا واحده مطبوخين نصف استواء وشوية ماء وصلصة طماطم كامله والملح والبهارات المشكله …
طبعا انا استخدم هالطريقه عشان تعطي للمرق نكهه وطعم مختلف والكل عجبه ترى هههههه
وبعدين نحط العصير اللي في الخلاط اللي يكون قوامه غليط شوي على البصل والثوم والخضار اللي تركانهم عالنار ونضيف عليهم كوبين كبار ماء ونتركهم عالنار حتى يغلوا ويستوا وبعد مايوصل للغليان نوطي عالنار ونخليها خفيفة ونتركها لحد مايستوي كل المكونات
وتكون بهالطريقة
وطبعا تقدري تصبيها عالرغيف العربي او خبز الرقاق او الرز انتي وذوقك
وهذا خبز الرقاق للي مايعرفه
وهنا وعافيه وصحه على قلبكم
تسلم الايادي …
رووووووعة ماشاءالله
يعطيك العافيةياقمر
طبق لذيذ
احب المرق وايد
تسلمين حبوبه
يعطيك العافية يارب