السلام عليكم ورحمة الله وبركاته
شحالكم يا بنااات عروووووس
اليووووووم يبتلكم طريقة مرقة اللحم البدويه اللذييييييذه ..من متى في خاطري اتعلمها دووووووم لما نطلع البر خالتي تطبخلنا اياها وماااصدقت لما يت مزرعتنا وسوتلنا اياها 
مشكوره خالتي 
لانها اكيد بتقرا موضوعي هيهيههيهي 
مشكوره خالتي لانها اكيد بتقرا موضوعي هيهيههيهي
نبدأ بسم الله
طبعا في البدايه لازم تعرفون ان اهم شي في المرقه هي نوع الذبيحه ونحن دوم نختار العربيه ومن مواصفات الذبيحه ان
تكون اعمارهم من خمس لست شهور
تيوس صغار
معرفة صلاحية الذبيحه(يكون فيها لحم ونمسكها من ظهرها لان الظهر يبين اذا كان فيها لحم ولا لاء )
ننتبه اذا هي تكح ولا لاء مانبا وحده فيها انفلونزا خخخ
نشوف شكلها اذا هي هزيله ولا لاء بالذات الضلوع
عينها صافيه مافيها اصفرار
وطبعا الفرق بين الصغيره و الكبيره ..ان الكبيره يكون لحمها يابس اما الصغيره يكون لحمها طري
و عقب مانشتري الذبيحه نجي
تكون اعمارهم من خمس لست شهور
تيوس صغار
معرفة صلاحية الذبيحه(يكون فيها لحم ونمسكها من ظهرها لان الظهر يبين اذا كان فيها لحم ولا لاء )
ننتبه اذا هي تكح ولا لاء مانبا وحده فيها انفلونزا خخخ
نشوف شكلها اذا هي هزيله ولا لاء بالذات الضلوع
عينها صافيه مافيها اصفرار
وطبعا الفرق بين الصغيره و الكبيره ..ان الكبيره يكون لحمها يابس اما الصغيره يكون لحمها طري
و عقب مانشتري الذبيحه نجي
للمقادير
بصل مقطع
طماط مقطع
بطاط مقشر بدون تقطيع
6 فصوص ثووم
فنجان زنجبيل مبشور
ليمون اسود
ورق غار
فلفل اسود
مسمارجرفههيل كلها بهارات صحيحه
سبع ملاعق بزار (بهارات مطحونه)
ملعقة كبيره كركم مطحون
ملح مقدار كبير(غفتين ونص باليد)
الطريقه
نبدا اولا
بتنظيف اللحم من الشحم ومن الحيفه وتتواجد في الظهر والرقبه وفي الكتف ونادرا ماتكون في الضلوع اذا كانت سمينه..وطبعا مب تشلون كل الشحم عشان تطلع نكه وريحه حلوه..وهذي صورة الحيفه
نحط الجدر على نار متوسطه وفيه ماي ونخليه لييين يغلي ولما يغلي نضيف اللحم
ماعدا الرأس نفوره في جدر ثاني لانه فيه ازفره اكثر وطبعا لا ننسى الجبد نخليها على جنب عقب بنضيفها
ونبدا نشيل الرغوه الي بتطلع,, ليييييييين مانحس انها خفت
عقب نضيف البهارات الصحيحه ونتركها لفتره وبعدها نضيف البصل والطماط + البزار+الكركم ونتركه لمدة نصف ساعه
ثم نضيف البطاط + الليمون اليابس + الجبد+الملح
صورة الجبد
ونخلي المرقه تغلي لمدة ساعه الا ربع ونطل عليييها عشان مايتفتت اللحم (يعني من تلاحظون ان اللحم تفجج يعني استوا والافضل تذوقونه)..وهني خالوتي تراويني راس الذبيحه
وطلّعتلي اللحم اللذيييييييييييييييذ عشان تغريييييكم
والحيييييين نبدا نسوي العيش(الرز)
المقادير
سبع جيلات عيش
فنجان ملح
فنجان سمن بلدي
ماء
الطريقه
نغسل العيش ونودنه في الماي ونضيفله شوية ملح وعقب نجب الماي عنه بدون مانفرك العيش لانه بيتكسر وعقب هالخطوه نجيب جدر ونصب فيه الماي طبعا مانمزره(قد انج واحد فوق العيش بس) لان نحن مابنشخل العيش ,,نضيف الملح ونذوق الملوحه اذا مناسبه ولا لاء وعقب مايغلي الماي نضيف العيش
وهني اضفنا السمن البلدي وتقدرون تاخذون طريقته من موضوعي
وهذا الرابط
وهذا الرابط
ونغطي الجدر ونخليه مدة عشر دقايق بيكون العيش استوا
وعقب ماخلصت خالتي من الصالونه والعيش بدت تغرف للضيووووووف الله يعطييييييها الف عافيه كانت غدوه لذيذه في مزرعتنا وكااان يووووووووووم راااااائع للغايه
عطوووووني رايكم يابناااااااات ولاتنسون تدعون لخالتي بعد عمري تعبت وهي تشتغل وانا بعد تعبت وانا اصور واكتب واعدل الصور واصغرهم :060::095:
روووووعه يعطيك العافيه والله يسعد خالتك ويعطيها الصحه والعافيه
الله يعطيج العافيه
تسلموووووووووووون عالرد فديتكم ماتقصروون
بس زعلت 48 مشاهده وبس ردين =(
تجنننننننننن اموت بمرقة البدو وخصوصا بالبرد وحنا عندنا بالشمال لسا الجو فيه برد وانا صايمه اليوم ارجو من الله ان يتقبل الله يرزقك ويوفقك ويعافيك انت وخالتك وانشاء الله مايشوف رجالها غيرها
 |
اقتباس |  |
 |
المشاركة الأساسية كتبها شجرة السدر  |
 |
 |
| تجنننننننننن اموت بمرقة البدو وخصوصا بالبرد وحنا عندنا بالشمال لسا الجو فيه برد وانا صايمه اليوم ارجو من الله ان يتقبل الله يرزقك ويوفقك ويعافيك انت وخالتك وانشاء الله مايشوف رجالها غيرها | ||
 |
 |
الله يتقبل صياااااااامج حبيبتي ..آآآآآمين يارب تسلميييين
◘●◘
شكلها لذييييييييييذ
تسلم الايادي ياقمر
تسلم الايادي ياقمر
يسلمو يا قمر ما في احلى من الاكل التراثي
على طرق اهلنا وتسلم ايدك وايد خالتك ما شاء الله عليها اكله روعه
يعطيكي العافيه يا قمر
على طرق اهلنا وتسلم ايدك وايد خالتك ما شاء الله عليها اكله روعه
يعطيكي العافيه يا قمر
مشكوريييييييييييين وماقصرتوا عالردووووووووود
|
اقتباس | |
|
المشاركة الأساسية كتبها % عطر المسك % |
|
|
| روووووعه يعطيك العافيه والله يسعد خالتك ويعطيها الصحه والعافيه | ||
|
|