شخباركم عرايس عروس؟
عندي لكم سؤال حابته تردون علي !
السؤال :
هل حضرتي عرس وصار لج موقف ، اذا اي شنو اهوه؟
أرجو التفاعل
يلا
بنتظار ردودكم
مرة كنا بعرس انا واخواتي وخالاتي
فدخلنا سوا وقفنا عند المرايات وجلسين نتضبط قبل ماندخل القاعة
في وحدة جمبي فاتحة شنطتها ومطلعة العطر وحاطة على جنب
العطر نفس حق خالتي ((( هوت جيفينشي )))
المهم انا خلصت وتضبطت واخت العطر وروشت نفسي فيه
لان هذي عادتي ابخ عطر كثير
والي كنت مستغربته ان البنت كانت تطالع فيني بنظرات غريبة
المهم خلصت واخذت العطر ابي احطه في شنطة خالتي
الا قالت لي هذا مو حقي انا جبت العطر الثاني
عاد شوفوني كيف
دوروني ماتلاقوني
فشلللللللللللللللة شي مو طبيعي
اتاسفت منها
ورديت لها العطر
وهيا كانت شوي معصبة ووشوي تضحك
موقف الله لايحط احد فيه
موقفج عالمي صراحة!!! ضحكتيني اتخيل وضعج!!
أنا صادني موقف بس مو محرج قد ما خلاني أنا أتنرفز
تعرفوا كل بنت تحب تكون متميزة في عرس
أنا عادةً أصمم موديلاتي بنفسي أو إذا شفت موديل عجبني آخذ الجزء اللي عجبني منه وأعدل عليه يعني أغير في الموديل شوي
مرة عجبني فستان كله على بعضه في النت.. وقلت لازم أسويه
وطلعت روحي على القماش والإضافات ومتابعة مع الخياط
ولما رحت العرس به انصدمت أن في وحدة عليها نفس الفستان بس لون مختلف !!!!!!!!!!!!!!!!!!!!!!
انا كنت لابسة أصفر وهي لابسة أخضر!
كنت أبي أطلع من الحفلة وأرد البيت أغير فستاني! وأمي قالت لي خلج انتي تبينين احلى منها عشان الأصفر فاقع لونه ويلفت في حين الأخضر تبعها كان قاتم شوي
هدأتني أمي وجلست.. بعدها بشوي إلا الأخت جت وجلست جنبي وتقول لي وهي فرحااااااااانة مرة
فستانج مثل فستاني 
وأنا بقهر أقولها إيه!! وانتي من وين فستانج؟
قالت لي أنها شرته من السعودية جاهز!
قلت لها أنا فستاني مفصلتنه
انصدمت أن الفستان كوبي بالضبط يعني مستحيل يكون مفصل.. وما كانت مصدقتني
وأنا أقول لها انه مفصل عند خياط كذا وبسعر كذا
وهي مصدومة
عموماً بعدين ارتحت نفسياً أن فستاني طلع أرخص من فستانها بوايد وبينت مبدعة يعني كان انجاز أني اسوي الفستان بالضبط نفس الأصلي وما يتفرق
لكن اللي قهرني أني البنت ما اعرفها ومن صار ان فستاني نفس فستانها صارت ورايي في كل مكان! وطول الحفلة لازقة جنبي! رحت يمين لحقتني يمين رحت يسار لحقتني يسار جلست جلست وقفت وقفت رقصت رقصت!!!!
البنت طيبة وحبابة وحلوة صارت صديقتي بعدها بس وقت الحفلة كنت متضايقة مرة منها .. هي ما صدقت على الله أن في وحدة لابسة مثلها وجالسة جنبها مو راضية تتحرك
وأنا ابيها تبتعد عشان ابين شوي غير عنها أن لا تصير مقارنات واضحة بيني وبينها!
ألحين لين أذكرها بالموضوع تضحك
بس كسبت صداقة حلوة
موقفك يضحك مرة
قاعدة اتخيل الموقف
———————————–
oriana
هههههههههههه والله حالة
وعليه تعبانة على التفصيل اخر شيء وحدة تلبس مثله :ss:
ههههه والله موقف
بس يوم بتذكر ان شاء الله ما ببخل عليكم
انا ماتذكر حاليا
بس اذا تذكرت بقولكم