ابغي منكم مساعده!
تعرفون المحلات اللي يطبعون صور على رخام او كوبه او او او و يطبعون اي شي تبونه من كلام
انزين رحت محل بسوون لي على شكل قلب او اي شكل ابغيه وطبعاً بالفخااار عجبتني الفكره انزين بس ابغي كلام شنو اكتب له
بتكون الهديه حق خطيبي بمناسبة كملنه سنه على خطوبتنه ؟؟
ممكن تفيدوني؟؟؟
هلا فيج حبيبتي
والله جان تعرفين كبينه في مجمع الدانه او السيف يسووون ويطبعون لج على كل شي
بس اعرف محل قريب لي بس ابغي كلام او مسج او شعر او اي شي عندكم مادري لآني متحيره!!!
مادري بصراحه شنو تكتبين ..
مافي بالي الحين غير انج تكتبين اسمه و الله يخلك لي طول العمر ..
وبعد شغلهم مرتب وحلو وهم اعتقد اسمهم النجوم شي جذي اييج بعد مخبز الأهالي بس على الشارع اللي مجابلة
وعن الكلام الي تبين تكتبين له كتبي مثل :
ممكن تكتبين له اسمه
او كتبي له بيت شعر في الحب مثل :
) نقل فؤادك حيث شئت من الهوى
ما الحب إلا للحبيب الأول.
إذا ما رأت عيني جمالك مقبلاً
و حقك يا روحي سكرت بلا شرب
) أحبك حُبين حب الهوى
وحباً لأنك أهل لذاكا
) رأيت بها بدراً على الأرض ماشياً
ولم أر بدراً قط يمشي على الأرض.
قد تسربت في مسامات جلدي
مثلما قطرة الندى تتسرب.
وعندج بيوت الغزل شكثرهم :
وإني لتعروني لذكراك هزة ………… كما انتفض العصفور بلله القطر
ليس عندي شيء أعز من الروح * * وروحي مرهونة في يديكِ
وبعد تقدرين تكتبين يوم عرسكم
يعني لتاريخ
وبعد كلمات مثل
احبك
اهواك
………
وممكن تكتبون اساميكم انتو الإثنين
يم بعض
او تقدرين بعد تحطين صورته
اتمنى اني ساعدتك
وعقبال اني اساعدكم في اي شي