مساعده من الاخت عوس مغتربه وكذلك الخوات في المنتدى 2024.

الى اخواتي الكريمات انا باذن الله في شهر ثلاثه راح يكون منتصف الشهر هو عيد زواجي السنه السادسه وماقد احتفلت بهذه المناسبه لانه من التشبه لكن جاي على بالي ذي السنه احتفل لكن بعده بيوم والمشكله ماعندي فلوس لاني مو موظغه لكن ناويه ابيع طقم الذهب اللي عندي يعني تقريبا بالفين والاخوات كبرو هذي الفكره في راسي وخاصة الاخت عروس مغتربه لكن ابغى انكم تفيدوني وتساعدوني انا في الطائف ولا اقدر انزل السوق لوحدي لان زوجي مايسمح المهم

ابغى اعرف كتاب التدليك اللي تكلمت عنه الاخت عروس مغتربه بالعربي

ثاني شي مين تعرف اكاكن تبيع مفارش للسرير يعني بحدود الخمس ميه وفي الطائف وتكون مضبوطه يعني ناعمه وما تنمش

وكذلك ابغى روب للحمام كامل مع اغراضه افضل نوع

وكذلك ابغى اعرف من وين اجيب اغراض المساج

بنات الله يسعدكم ساعدوني والله اختكم محتاره مو عارفه تسوي شي نفسي اسعد زوجي واسوي له ليله مميزه

وفي راسي فكرة اني استأجر فستان ابيض وش رايكم وابغى هديه حلوه له بهذي المناسبه ترا يابنات انا ماعندي اولاد

طولت عليكم لكن انا طلبت العون من الله ثم منكم

ما أعرف أختي شو أقولج بس ليش تبيعين ذهبج خليه حق وقت الحاجه يمكن تحتاجينه في شي أهم من هذا من يعلم ….. من رايي انج توفرين فلوس لو حتى لمدة كم شهر… الحفله مش لازم تسوينها في وقتها (لأنه من التشبه) وإذا في خاطرج أنج تسوين الحفله أجليها لو حتى كمن شهر لين ما توفرين فلوس وتقوليله أنها تعبير عن حبك له مش لازم يكون سببها عيد زواج بالعكس حتى أكثر بتعجبه إذا قلتيله أنها بمناسبة حبك له وشكرك لحبه وحنانه لك وبعدين في مفارش للسرير أرخص من السعر اللي قلتيه وأحلى حسبي حسابج ووفري لا تبذرين على أشياء إلها بديل أحلى وأرخص وأغراض المساج من الجمعيات ومش لازم تشترين منها وايد ويمكن حتى تكون عندج في البيت وانتي مش منتبهه وتقدرين حتى أنج بالمره ماتشترينها و اتسويلها بديل بأشيا متوفره في البيت وتعدلينها وتزينينها في سله أو صندوق أو حتى صحن بس بالتزيين (ومن أشياء البيت بعد) بيطلع وااااااايد حلو وما يحتاج تشترين كل شي دوري البدائل في بيتج وانتي وذكائج وتوفيرج واذا تبين أي شي أنا حاضره وفالج طيب وسئلي ولا تستحين أترياج

لا ما انصحج اتبيعين ذهبج.. راح تحتاجينهم يوم من الايام..

الكتاب بالانجليزي موب بالعربي.. بحاول اطرشلج مقطع عن المساج .. بس عطيني كم من يوم وبنزلج ان شاء الله..

اما عن المساج عند ذا بدي شوب احسن مكان لعدة مساج قوليلها ابي عدة كاملة للمساج وان شاء الله ما راح يقصرون معاج.. اممممم حاولي تستغلين .. استخدمي اغراض اللي عندج بالبيت مو لازم تشترين زيت للمساج ممكن تستخدمين زيت الزيتون.. وانا بحاول اطرشلج ع الخاص.. بس ممكن تعطيني فرصة تقريبا اسبوعين.. لان حاليا مشغولة برجوع زوجي..

حبيبتي هايدي مشكلتي اني اموت في المفجأت وهو مو راضي يعطيني فلوس غير المصروف والمصروف مايتجاوز الميتين ريال وهذا منه كسوة العيد والعطر والمكياج والحن جايين على وجه صيفيه يعني عزومات وزيارات واحسبي

اختي عروس مغتربه الله يرزقك الجنه والله كل ماتذكرت اني مااقدر احقق اللي في بالي اتحسر هذا اذا مابكيت خليها على الله شكرا لكم

غاليتي جوريا …

مب شرط المفاجأة تكون ذا مبلغ مالي كبير …. حاولي كل مرة اتجمعين من مصروفك حتى لو 10 ريالات … ولما اتفاجئينه يكون بشيء عليك أنتي من ملابس حركات دلع … أو بالمكان … المهم ما تتكلفين في المفاجأة … وأنصحج مثل خواتي ما تبيعين الذهب عشان مفاجأة للحظات …

ونصيحة :: لا تضعين كل أفكارج في ليلة واحدة لأنك راح اتحسين انك تعبتي … وإنه أخذ منك مال وجهد ووقت … كل مرة فاجئية بشيء … مرة مفرش جديد … مرة هدية … مرة ليلة … مرة عشاء كلاسيكي … ومب لازم كل هذا يجتمعون في ليلة وحدة … ع قولتهم حبة حبة … عشان ما ينتظر زوجك كل مرة ليلة بنفس المستوى العالي …

ولاحظي انك تريدين اتبيعين ذهبك وتشتري مكانهم أشياء راح تخترب مع الوقت … إذن مال الذهب راح يضيع على شيء وقتي وراح ينتهي ….

ولا تحددي الحفلة بعد يوم زواجك بيوم لأن هذا يعتبر من التلاعب في الدين الذي انتشر وبشكل كبير … اعتبريها ليلة رومانسية تقضينها مع زوجك وانتهى … وخلي الهدف منها تجديد العاطفة بينكم

واسال الله لك التوفيق والسداد

وجزاكم الله من عظيم إحسانه

الطيبه مشكوره حبيبتي الله يرزقك الجنه