السلام عليكم خواتي حبيت اعرف منكم طريقة صنع السمن بي الزبده و شوه الاشياء الموظافه فيه يعني شوه نحط معاه
ملاحظه: ابغي اسوي سمن من الزبده وهلا الزبده تكون مالحه و لا من غير ملح
والله بصراحه ماعندي فكرة
بس ليش تعذبين عمرج!
اشتريها جاهزة اسهل لج 😎
هاااي
هذي طريقة ومقادير السمن الاماراتي انشاءالله تنال اعجابج:
1. ناخذ خمس حبات من الزبدة اللي بحجم كبير ونذوبه على النار في قدر.
2. عندما تبدأ بالذوبان نضيف لها فنجان من الطحين المحمر سابقا وقليل من الملح وفنجان من بزار السمن.
3. نترك المزيج على النار حتى يغلي مدة 30 دقيقة تقريبا.
4. نتركه حتى يبرد ويركد الطحين وثم يصفى.
طريقة بزار السمن:
1- كأس كركم.
2- كأس كمون محمر ومطحون.
3- وكأس كزبرة ناشفة محمرة ومطحونة.
4- نصف كأس حلبة محمرة ومطحونة.
وهذا عن السمن والبزار الخاص بالسمن.
والف عافية..
نستخدم الزبدة الغير مملحة
انا والله بعد في خاطري اعرف اسويه
بس مادري احيد امي يوم تسوي سمن من الزبده تحط يليلان وسنوت ومادري شو بعد بس بنشدها وبردلج خبر …وانا صراحه ما نشدتها قبل لاني ما ماهره وايد في هالسوالف فاخاف اخرب بس شكلي تشجعت وبيرب
والغاليه اللي قالت اشتريه جاهز اكيد اختنا متغربه وماعارفه تحصل سمن مثلي
بس مادري احيد امي يوم تسوي سمن من الزبده تحط يليلان وسنوت ومادري شو بعد بس بنشدها وبردلج خبر …وانا صراحه ما نشدتها قبل لاني ما ماهره وايد في هالسوالف فاخاف اخرب بس شكلي تشجعت وبيرب
والغاليه اللي قالت اشتريه جاهز اكيد اختنا متغربه وماعارفه تحصل سمن مثلي
على فكره اختي اوهايو انا بعد في اوهايو 