كيفك بنت عذاري ترى انا معجبه بخلطاتك الروووووووووعه وجربت خلطة الورد المحمدي والجلسرين وزيت اللوز وكانت اكثر من رائعه كان عندي خطوط أفقيه غامقة شوي في بطني ومن اول استخدام خفت بدرجه كبييييييييييييييرة
جزاكي الله كل خير والله يوفقك في الدنيا والآخرة على معلوماتك وسعة صدرك
المهم ندخل بالموضوع انا عرسي ان شاء الله بعد شهرين ونص تقريبا وكل يوم اقول بسوي الخلطات اتكسل تدرين اسواق وحوسه لكن الحين عزمت وقلت خلاااااص يابنت مافي وقت
عشان كذا لفيت في المنتدى وجبت معظم خلطاتك وخزنتها ورتبتها وسويت جدول مستوحى من جدولك مع بعض التعديلات
اولا اقولك مشاكلي قبل الجدول عشان تعرفين ايش ناقصني او اذا كان جدولي تمام
مشاكلي هي/
1/سواد الركب والكوعين والابط وبين الفخوذ والمنطقة الحساسة وجوانب البطن وفي القدمين لمنطقة الي تكون غامقة شوي لمن نجلس على الارض فهمتيني " مابقيت شي" في احد زيي مو عارفه كيف بعرس وانا بهذي الحاله لكن في الاول والخير الحمد الله الحمد الله الحمد الله
2/ عندي سمار في اليدين وتجاعيد عند المفاصل ويدي اليمين اسمر من اليسار مع انه اول ماكانت يدي سمرا كانت عادي بلون جسمي تقريبا وانا ماتعرض للشمس مو عارفه السبب
3/ شفايفي غامقه شوي
4/ بشرتي باهته ومسمرة لاني اسهر وافكر
5/ شعري خفيف خاصة في المقدمة
وهذا هو الجدول بليز بنت عذاري لاتطنشيني قوليلي الجدول مزبوط ولا لاء وايش المدة الي استمر فيها لاستخدام هذي الخلطات
وهذا الجدول/
جدول بنت عذارى للعروس
الســــــــــبت و الاربعــــــــــاء
خلطة مبروك من بنت عذارى لكل عروس
وأنهى الوصفه بدهن الجسم كامل
ملعقتين خروع + 3ملاعق جليسرين سائل
المساء / للوجه خيار خيالي
الأحـــــــــــد و الخميـــــــــس
المهم لسواد الركب والاكواع والابط
هذى الوصفه للتخلص من سمار الجسم والتصبغات استخدميها لكل منطقه سمراء
والرقبه وكل مناطق الجسم التى تعانين من سمارها
وتنهين الوصفه بدهن الجسم بزيت السمسم وتنامي به.
المساء/ خلطة توحيد لون الوجه(مرة مطحونه وطحينيه" هرده" )
الأثنيــــــــــــــــــــن
اجـــــــازة لتهوية مسامات البشرة بلا كريمات ولا لوشن
خذى حمام دافــــــــــىء + قطرات من بيبي اويل
المساء/ للوجه خيار خيالي +خلطة لشفايف ورديه ومخملية
الثلاثـــــــــــــــــــــاءوالجمعــــــــــــــه
وصفة بنت عذارى للعناية باليدين "السمار والتجاعيد عند المفاصل"
وللقدمين: ملعقتين لكل من/ فازلين وجليسرين و عصير ليمون وندهن القدمين والبس الجوارب القطنية .
المساء/ خلطة لشفايف ورديه ومخملية
ها ايش رايك ………………………. ردي علي بأسرع وقت وآآآآآآآآآآسفه على التطويل :shy:
بنت عذاري الله يوفقك في الدنيا والآخرة ويرحم والدك آآآآآآآآآآآآآآآآآآمييييييييييييييييييين
ردي علي ولاتطنشيني
في أمان الله
الرسائل الخاصه بس ماادري ايش الحكايه (w) يمكن زعلانه مني بنت عذاري والا يمكن مايبغوني
عضوه في المنتدى:sad: 🙁 🙁 🙁 🙁
خاصه السمار اللي في الخلفيه والمنطقه الحساسه اتمنى ترد علي
.
.
مبروك خيتو
وآكيد بنوته رآح ترد عليتس
والله يوفقكم
وان شاء الله بنت عذاري اترد عليج
,,.. هلا حبيبتي .. اول شي الف الف الف مبــروكــ ..,,
,,.. ياقلبي المشاكـل الي انتي تعانين منهــا مشاكل طبيعيه خاصه الاختلاف في لون اليد ..,,
,,.. اسبابه احياناً :- التعرض للشمس – عدم الترطيب الجيد لليد – عدم شرب الماء الكافي ..,,
,,.. انصحكــ تشربين 8 كاسات مويه باليوم + تاكلين صحن سلطه وحبه برتقال .. ..,,
,,.. هالشي ادرجيه قبل الاهتمام بأي أمر آخر ..,,
,,.. الحين جدولك جداً رائع للعنــايه بكل مشاكلك والاهم انه مافيه ضغط على البشــره ..,,
,,.. لكن بصراحه اشوف جدولك غير كافي لكــي كعروس يعني الجدول الي حاطته راح يحل لك المشاكل بعد اكثــر من 5 شهور استخدام وحتى اكثــر لانها خلطات طبيعيه وتحتاج مداومه ..,,
,,.. نصيحتي لكــي حبيبتي .. تسوين تقشير للركب والاكواع هالشي بيخلصكــ من سمار الركب والاكواع بجلسه وحده فقط وهو عباره عن تقشير كريستالي انصحك تسوينه ..,,
,,.. افضل التقشيرات الكريستاليه النظيفه وحطي تحتها مليون خط في السفن ال عند وحده اسمها لبنى او في عيادات ادمه عند وحده اسمها نوال اما باقي الاماكن صراحه ما اثق لانه الادوات لازم تكون نظيفه .. ..,,
,,.. لو تقدرين تسوين تقشير كريستالي لكامل جسمك يكون افضل لكنه شوي غالي ..,,
,,.. هالفتره داومي مره على الحمامات المغربيه يعني سوي مره بالاسبوع .. ..,,
,,.. العرايس المفروض يتركون الخلطات على جنب الا الخلطات البسيطه مثل ماسكات للوجه+ او خلطات ترطيب للجســم ..,,
,,.. هالفتره لازم تداومين على الحمامات المغربيه + لو تقدرين تسوين تقشير بيكون مره تمام ..,,
,,.. بالنسبه لسمار يدك انصحكــ بكريم فازلين للبشــره الجــافه عالج لي المشكله + ملح الحليب استخدميه 3 مرات بالاسبوع ..,,
,,.. بس انتبهي حبيبتي لازم تداركين نفسك وتسوين حمامات مغربيه الحين وتنظيفات لبشرة الوجه ولو تدرجين الدلكه السودانيه بعد بيكون تمام ..,,
,,.. تقدرين تشاركين بكورسات يسوونها لكـي المشاغل تحت مسمى كورسات العروس .. بمعنى يسوون لك نظام كامل من حمامات مغربيه وحمامات زيت وتنظيفات بشره .. انصحك تبدين فيه.. وبالتوفيق ..,,
,,.. تحيــاتــي ..,,
..::..
بس دلوعة قصيم احبطتيني كنت متحمسه للخلطات لكن يوم قلتي النتيجه تطلع متأخر انصدمت
طيب ابغى اسأل كم يكلف التقشير للركب والاكواع والابط؟؟؟
وهل هو آمن
ثاني شيء اقدر اسوي خلطات بنت عذاري الي فوق + حمام مغربي مرة في الاسبوع؟؟؟
ومشكورررررررررررررررررين ويمكن بنت عذاري مشغوله ولا هي ماترد أحد خايب
في أمان الله
الله يسعدهاخير واهم شي انتي تكونين واثقه من ان الخلطات بتفيدك ان شاءالله
لان الثقه اهم شي…الله يعينك ويجعلك احلى البنات في نظر زوجك(f)