مشترواتي من العطور 2024.

مرحباااااااااااا بنات ،
تقبل الله منا ومنكم ،
وكل عام وأنتم بخير ،
وعساكم من عواده هالسنة وكل سنة ياااا رب ،

هذه كانت بعض مشترواتي من العطور في الفترة الأخيرة ،

خل نبدأ من العربية ، بما إن عندهم عروض وخصم 50% ،
خل أقولكم تجاربي معاهم ،

عطر ليالي العربية ، أخذته لأخوي الكبير هدية ، وريجته قريبة من عطر توم فورد ،
يناسب الجنسين شباب وبنات ،
لكن لأن شكاه شبابي ، وريحته حلوة ، أخذته ،
جربوه خصوصاً اللي يحبون عطورات توم فورد ، أكيد بيعجبهم ،
سعره قبل الخصم 40 دينار كويتي ،
وصار بعد الخصم 20 دينار كويتي ،
قاعدة أذكر لكم الأسعار كثر ما أقدر ، علشان محد يدز لي ع الخاص يسأل عن الأسعار ،

أما هذا فـ زوووووووووووووووغة ، معتق العربية ،
يهبل بنات ، حيل حلووو ، جنج حاطة دهن عود ، بس مو دهن بخاخ ، ريحته فواحة وما هي قوية تصرع ، لا حلوة ،
لدرجة إن ريحته لين الحين بخشمي وبداري وبدراعتي ، لأني أمس متعطرة منه مع عطر فرنسي ،
أول ما شريته ورديت البيت جربته ، ولما عجبني ، على طول رحت في اليوم الثاني وأخذت لي واحد ثاني ،

سعره 48 دينار كويتي ،
وبعد الخصم
يصير 24 دينار ،

وأخذت منهم مسك الجسم ، نسخة طبق الأصل من مسك القرشي ،
ونفس سعره بالضبط ،
16 دينار ،
بس مع الخصم يطلع 8 دنانير ،

من القرشي ،

أخذت شغلتين ،

مسك العود ،
+
مسك الختام

حيل حلوووو ، وريحته فرش وباردة ،
وهو عبارة عن مسك + عود أبيض

سعر التولة 40 دينار ،
بس أنا أخذت نص تولة بـ 20 ،

ومسك الختام ريحته حلوة ، وسعره بـ 24 دينار
بس أنا أخذت نص تولة بـ 12 دينار ،

من لوكيسيتان ،

أخذت هالعطر ، هاديء وحلو ، ويصلح للبيت ،

و

وسعره بـ 16 دينار ،

وهذول الصور صورتهم بآيفوني ، لذلك نقاوتهم من زود ،

من تاناغرا ، أخذت عطر NO.5 من شانيل ،
وأتوقع الكل يعرفه ،
وسعره بـ 46 دينار ،

ومن بودي شوب ،
كانوا برمضان مسوين عروض على عطورات البيت والفواحات ،
فـ بدّعت بالتشرّي ،

العطورات البخاخة للغرفة ، لأني مجربة النوع القديم الفانيليا ، وعقب نزلوا الياسمين والماندرين ،
فأخذتهم كلهم ،

وعطورات الفواحة ، أخذت الشغلات اللي متعودة عليهم ،

الـ ستروبري ، الشكل القديم والجديد ،

.
.
.

أتمنى موضوعي يعجبكم ، وتجاربي اللي ذكرتها تستفيدون منها ،
ذكرت لكم كل شي تقريباً متعلق بالعطور ، علشان أوفر عليكم الأسئلة والاستفسارات ،،
F: