هلا اشلووونكم جميعا
حبيت احط لكم لمشترياتي لهاي الاسبوع
السلااااااااام اشلووونكم
هذا اساس استي لودر انا ماخذت الدبل وير لانه افتح لون اغمج لون علي وخذت النوع الثاني ماعرف اسمه بس حلوو عملي وخفيف ويغطي العيوب واحط فوقه لمسات خفيفه من كانيبو 202 او 101 اذا كنت ابيه فااتح
وهاي شدو من ماك كنت ادور عليه من زمان وخاطري فيه لين مالقيته في ماك بس حلوو والله والحمدلله انه عجب قطريه حبيبتي
وهاي غلوس من ماك
لونه زوين … وردي وفيه لمعه ذهبيه جربت اني احطه بروحه لونه فااتح وخفيف بس انا شاريته علشان احطه فوق لون وردي من ماك احسه بيطلع حلو بس للحين ماجربت لما اجرب باقول لكم
وهاي صمغ من ماك
نصيحه بنات اشتروا والله انه فضييع
احسن صمغ مر علي هو صج ابيض لونه لكن من تحطينه يختفي لونه ويصير طبيعي وتحطين فوقه الكحل عادي او حتى ماتحطين كحل تحطين شدو او مرات انا اكون حاطه شدو ومتمكيجه اساسا في النهايه احط الرموش ومااحط كحل حلووو يطلع ولانه اللون الابيض يختفي عكس الاصماغ الثانيه اللي تجبرج تحطين كحل صـــح (قولوا صح لاتفشلوووني خخخخ )
وهاذي ماسكار ديور الزرقه
زينه وتكثف بس لونها الازرق مب واااضح وااايد الا اذا كنت حاطه شدو ازرق فاااتح … ماتعرفون ماسكار لونها كحلي فاااقع ابيه واضح
وهاي انا كنت شاريته من البحرين بس عجب خالتي وعطيتها اياها وشريت لي واحد ثاني من شيسيدو
حلووو واحط فوقه لون ذهبي من بودي شوب اذا ابيه فاقع اكثر
وهاي مثل ماتشوفون من مكياجي
اول غلوس اللي على يدكم اليمين لووونه افتح من الصوره مايل على الاورنج واااو حلو لونه وخذت معاه محدد بني فاتح بس ماخلي المدد يبين منه الا القلييل واختي يوم شافته علي راح تبي تشتريه الا مخلص وانتظرت اسبوع لين مانزلوه ويوم راحت مافي منه الا اثنين تخيلوا وبسرعه شريته تقول البياعه انه وايد عليه اقبال حتى لو ماعليه اقبال اللون حلو اذا دخل مزاجي اشتريه اشتريه هاه ايش رايكم ولونه فاتح وحلوو
واللون اللي على اليسار
احمر بس لووونه حلووو وانا ريلي يحب اللون الاحمر وكل مااشتري لون مادري يقول زين بس مب اللي في بالي لين ماشريت هاي وماقلت له ويوم حطيته الا من شااافني قااااااال واااااااااو = = = = = =
ومعاه محدد من ماركه ثانيه غير نوبا لاني مالقيت نفس اللون من نوبا /color]
هاذي عدسات زرقه انما ايه
حطيت شدو ازرق لامع وعقب ازرق فاتح من ماك وتحت عيني بعد ازرق ومموه الازرق لبرع وماسكار كحليه وااااااااو حلوووه طلعت ههههههه (وحده تمدح نفسها )
وهاااااااذي كاميرتي الحلوووه من الكاميرات الجديده (صج ماعندي سالفه احطها وحده متخرعه بس احسبوها من ضمن المشتريات خخخخخخخخ )
ان شاء الله تعجبكم مشتريات
حبوبة بغيت أسالج عن اساس استي لودر
لونه عجبني احسه يناسب لون بشرتي .. حبيت اسألج يناسب للبشرة الجافة؟؟ وكيف هو معاج مايسوي بقع في الويه مثلا عدال الشفايف ايكون جاف ؟
بالنسبه اذا يناسب البشره الجافه والله ماقدر اقول لج شئ ماعرفه لاني ماسالت عنه
اما اذا يسوي خطووووط لالالالا كلش مايسوي خطوط جربيه حلوو وعملي للطلعات الخفيفه بس انا احب احط عليه كانيبو اكثر الاوقات ومرات اخليه من غير شئ بعد حلووو ويغطي العيوووب الخفيفه
mashallah kollo 7ello
مشكورة غاليتي … وياليت اتجاوبيني على اسألتي في موضوع سمر كيك
ومشكورة
بالنسبه لاسم الشدو
meadowlnd
والغلوس
nymphette
روضة بوظبي
ان شاء الله اجاوبج حبيبتي