اخواتي العزيزات
ابني الغالي وحبيب قلبي
سعود
عمره الحين سنة وتسعة شهور
صارله يومين تقريبا او ثلاث ايام بدأ بحركة جديده الا وهي رمي الادوات والاغراض
بدأ برمي الكوب بعد انتهائه من شرب الماء مثلا وصادف انه مصنوع من زجاج فانكسر
وهنا الخطر
قام برمي جهاز التحكم الخاص بالتلفزيون بطريقة قويه على الارض
رمي شاش التلفزيون بسيارته الصغيره
رمي العابه على الارض بعنف
رمي كل مايصادفه او يكون بيده على اي احد يكون امامه انا او اباه حتى امي تلقت بعض الرميات الخاصة به
اي شي منذ ثلاثة ايام فقط
قمت وضربته على يده في كل مره
ولكن اليوم المصيبة الكبرى اخذ صحن بلاستيكي ورمى ابن اختي الصغير عمره ثلاثة شهور فقط على رأسة وجرح رأسه
فما هو الحل والله العظيم قلقة وضايق خلقي كثيرا
فضربته على يده وبكى بكاء مريرا ….؟؟؟؟
ارجوكم ساعدوني وانا استشرت احد الدكاتره ايضا المتخصصين بالتربية وانتظر رده وانتظر ردودكم …..
دمتم سالمين
اختكم شريفة
بس ناويه اعرضها على دكتتور .. 🙁
واحسن انه طبيعي في هالسن يسون هالشي …ما ادري بس ان شاء البنات يفيدونج ….
ولدي عمره سنة و7 شهور حاليا، اللهم صلي على محمد ، نشييييييييييط جدا ويحب اللعب بطريقة فظيعة، يضرب اي احد جدامه وخاصة لما يعصب، يعض بطريقة فظيعة وهالمشكلة مخليه الاغلبية يبتعدون عنه، انا بامانة اضربه وايد يعني لما يضيق فيني اضربه واصرخ عليه ولا من مجيب,,,:sad:
والله اخاف الولد يكبر وما يسمع كلامي وهذي مشكلة كبيرة حاولت اجيبه بالهداوة بعض الاحيان بس ما ينفع فشو الحل!!!!!!!!!
كلمته بالبداية قلت له ماما حبيبي لا تسوي جذي قام يناديني لكي ارى مايقوم به من فعل
الله يهديهم يعني طلعت مو بس انا اللي اعاني
لالالالا الله يهديهم ويصلحهم ان شاء الله
حتى امس كنت شارية له لبس باتمان وكان لابسه يوم ضرب ابن اختي ورمى عليه الصحن
فصخته الملابس وحطيتهم بالعلبة مرة ثانيه وقلت خلاص راح ارجعهم ما نبيهم بعطيهم الاطفال
بكى قليلا ونسى الامر … طفل ….. يحتاج الطفل الى سعة صدر ..
دمتم سالمين
اختكم شريفة
الله يعينك
الحقيقه ما ادري وش اقول
انا ولدي يسوي نفس الاشياء
و الشي الوحيد اللي ينفع معه هو انه اذا قام يصرخ او يصيح
اقول له الجمله اللي صارت مثلا ::
اللي يصيح ما ياخذ شي
لين يسكت و اول ما يسكت اكلمه وارد عليه
بالنسبه اذا سوا غلط و رمى الاشياء عاد هاذي هوايه ولدي
احذره اني بعاقبه و اذا استمر
اوديه غرفه العقاب
و هي غرفه ما فيها اي شي خطر عليه و لا ممتع له يعني فاضيه على قدرا لامكان
عشان ما يتسلى و ينسى لا عشان يفكر باللي سواه
و الخبراء يقولون لكل سنه من عمر طفلك دقيقه يعني عمره 3 سنوات
خليه يقعد 3 دقايق و هكذا
الحقيقه انا ما اشترط كثير على الوقت
انا اقول له اذا سكتت و قعدت عاقل بفتح لك
بيصيح اول مره كثييير و يعاند
ثاني مره اقل
و بالاخير بيصيح شوي و بيعرف
ما راح تفتحين له لين ينطم و يسد حلجه (بالكويتي حلوه مني صح هع هع هع )
خخخخخخ
المهم بالاخر راح يبدا اذا دخلتيه غرفه العقاب يصيح شوي و اول مره اول ما يسكت ادخلي عليه
عشان يعرف انه سوا التصرف الصح بعدين المرات اللي عقب اصبري شوي
ادخلي عليه و قولي له هاه .. سكتت؟
بيقول ايه اهئ اهئ قولي له اقدر اتكلم معاك الحين؟
بيقول ايه
اقعدي خليك بمستواه يعني ما تكلمينه و انتي واقفه
قولي له انت تدري ليش حطيتك بغرفه العقاب؟
اذا عرف اكدي عليه اذا ما عرف علميه
قولي له هذا الشي مو زين والاولاد الشاطرين ما يسوون كذا
و انت شاطر عشان كذا خلاص توعدني هاذي اخر مره؟
بيقول لك ايه و بيعيدها كم من مره بس اصبري لين يفهم سالفه العقاب
و الغرفه الممله و بيتحسن باذن الله..
و قوليله يعتذر قول اسف لماما حبيبي و حب راسي
اذا سوا كذا قولي ايه هذا ولدي الشاطر و احضنيه و بوسيه و شوفي كشرته 
)
انا استخدم هاذي الطريقه و الحمد لله على عناد ولدي تنفع
لكن مشكلتي لما اكون قدام الناس و لا اقدر اعاقبه و لا افضى له
على فكره لا تقولون بدري و لا صغير ترا الاطفال اذكى مكن ما نتصور
ان شاء الله تكونون استفدتوا من كلامي…
بالتوفيق
اخواني الصغار صارلهم نفس الشي فجأه بس طلع من الأدويه اللي ياخذونها
فإنتي انتبهي لهالشي… اما لو هي مجرد عاده
كلميه بهدوء مره و مرتين و ثلاث… اذا ما نفع
قوليله ماما بتزعل منك او بابا بيزعل (اخواني مرات يتشيطنون بس هذي تنفعهم هههه)
يعني شوفي هو اقرب لمنو و قوليله بيزعل منك
صح في ناس ترفض هالإسلوب بس ماشاء الله اليهال صايرين شياطين 😐
إن شاء الله تفيد وياه شي من هالطرق و الله يهديه و يهون عليج
أولا هاتي مشاية جديدة ولو حتى شكلها حلو (اللي بتنحط على عتبات البيبان) وخليها في مكان سهل تصلي إليه … وفهمي ابنك إن هذا مكان الأولاد الأشقياء .. وكل ما يرمي شي خذيه في نفس الوقت لو في أيدك طبخة على النار اتركيها وأجلسيه على المشاية دققتين إلا شوية وخليكي قصاده صارخ ولا سوى اللي يسويه لا تسألي فيه خليك ثابتة على موقفك .. وتقولي له ستظل هنا دقيقتان .. ولن تنهض حتى ينتهيا ..
وبعد ما ينتهي الوقت قوميه وكلميه وقولي له إن رمي الأغراض شيء سيء وبيخرب أشياءنا وبيزعل ماما مننا .. واحتضنيه وبوسيه .. وقولي لهع إنك بتحبيه ..
كذلك يمكن متضايق على فكرة الأطفال بيجي لهم اكتئاب .. لا يكون محبوس وضايق خلقه من الحبسة؟
اشتري مجموعة قصص واقرأي له كل يوم …
اشتري له ألوان وكتب تلوين ودعيه يلون (اختاري الصور الكبيرة ذات المساحات الواسعة وليست المحتوية على تفاصيل صغيرة) ..
هاتي له قلما رصاصا ومحاية ودفتر واتركيه يكتب واطري على كتاباته (اقصد شخبطاته) ..
هاتي له منط .. يخلص طاقاته الزائدة عليه ..
وطمنينا .. على الغالي …
وعدم التدقيق عليه
وشوفي يمكن عنده أسنان طالعه جديده لأنها تقلب مزاجات الأطفال
أوووووووووصيك بعدم ضربه أبدا لأنه سوف يزيد العناد
والله يصلحه ويخليه لك والله يعين عليهم
وانا بتبع معاه اسلوب العقاب على ركن معين في الغرفة زاوية تكون عقاب على سنوات عمره دقيقتين تقريبا والضرب خفيف مو الضرب المبرح ولكن وقفته خلاص
وراح اتبع طريقة العقاب ….
والله يسهل ان شاء الله
اشكركم جميعا اخواتي على وقفتكم معي لاني فعلا كنت متنرفزه على الاخر يوم كتبت لكم موضوعي
دمتم سالمين
اختكم شريفة