مشروعي ومشورتكم 2024.

السلام عليكم يا حلوين.

بغيت أخبركم عن مشروعي واخذ اقتراحاتم

باختصار صارلي سنة ونا ادور عن مشروع بس ما توفقت. الله يحفظ زوجي شافلي بالجريدة محل ملابس للبيع. اتصلنا وشفنا المكان والسعر كان معقول. المهم فكرت اخليه محل بيع فساتين افراح ومناسبات بستورد من برى. وطبعا بغير الديكور. اللحين اريد اقتراحاتكم واراكم وخصوصا الحلوين اللي ابتدوا نفس المشروع. ودعواتكم.

هلا أختي…
اول شي الله يوفقك والله يجعله فاتحة خير عليك…فكرة المشروع حلوة…بس لازم دايما تجددي في بضاعتك وتكثريها خصوصا وقت الأعراس والمناسبات…اتمنالك التوفيق

هلا وغلا أختي
مشكورة حبيبتي علىالفيدباك. كنت زعلانة ما حد عبرني

بالتوفيق عزيزتي بس والله ماعندي خبره لو عندي ماقصرت

اممممم فكره حلوه اذا كان السوق عندكم مافيه نفس هالنوعية من المشاريع
مثلا احنا في البحرين
أغلب الناس يروحون يشترون فساتين من السعوديه لان عندنا نقص في المحلات
والحين صارت بعض المحلات يشترون من السعوديه ويبيعون بأضعاف السعر، فانتي تقدرين تسوين نفسهم خخخخ بس يعني خلي ربحج أو فايدتج تكون معقوله عشان يزيد الاقبال على المحل،، والفساتين في السعوديه تلاقين اشيا حلوه وسعرها 30 أو 40 ريال عماني
وبعدين تقدرين تتوسعين وتسوين لج خياطه وتخيطين الفساتين بروحج
احنا عندنا محل جذي، والفساتين يخيطونها في الكويت ويجيبونها يبيعونها هني

هلا بك عزيزتي…لا تزعلين لازم ارد عليك دام حطيتي موضوع…وعموما اذا بغيتي اي شي من السعودية انا حاضرة وادلك على الي تبغيه…حياكي في أي وقت وبالتوفيق ان شاء الله

مشكورين حبيباتي. ربنا يجعله في ميزان حسناتكم

الله يوفقك ويسهل امرك
حلوه فكرة الفساتين