بغيت ارائكم في مكياج دار نجد اللي بالكورنيش لاني عندي مناسبه
ومدحولي تسريحاتهم بس مكياجهم مادري عنه:s
فياليت كل وحدة تدخل تكتب تجربتها معاه او اللي سمعته عنهم
انا امدحولي مكياجهم يقلون فضيع
بسالج عن دار الجمال الي بالجلويه
ردي علي بسرعه
ام عبد الرحمن الصغير الكبير
تحياتي ..
والله حتى دار الجمال مدحوه بس ماجربته وخايفه منهم :s:s
اللي مدحوه اللمسه الأخيرة ورحت جربته وطلع فاااااااااشل الله لايسامحهم والله فشلوني في المناسبه اللي رحتلها الكل يقول مكياجك ثقيل لانهم متعودين على مكياجي انه ناعم وخفيف .. لكن توبه اروح عندهم مره ثانيه:confused::confused:
فيه وحده تصلح مكياج لبنانيه( هيام ) وتطلع البيت مكياجها رووووووووووووووعه بس سعرها غالي شوي ومعاها وحدة ثانيه تسوي تسريحات كلهم فضيعات 
وين الباقين لا تخلوني ازعل عليكم ترى عندي مواضيع وااااااايد حلوه اذا مارديتوا علي وقلتولي عن دار نجد ماراح انزل المواضيع وراح ازعل عليكم
يله ورونا همتكم (a)
مكياجهم رايق وبنفس الوقت فخم..
أغلبه لبناني..
أنصحك فيه يالغلا
واللمسه اخترب قبل كان روعه ..
عندك ساس في الخبر خطير مره انصحك تروحين له ..
مع اني انا مو من السعوديـه بس بكل مناسبه اكون فيهـا هنـاك مااروح الا هو ..
مكان كبيـر وفخم .. و رايـق جدا .. 3 طوابــق ..
تحت الاستقبال .. و محل يبيع ميكــاج .. ومحل يبيع شنط و جزم .. و كوفي شوب صغير ..
الدور الاول ..
هو الدور كلـه مكياج وشعـر ..
واغلب اللي يشتغلون شغلهم ممتــاز ولا عليـه كلام .. رائع جدا ..
واللي دايما اطلبهـا اسمهـا جومـانه .. تاخذ وتعطي معاك وعلى الراحه ..
وفيـه للمكيــاج غرفه خاصـه .. ومافيه احد يدخلهـا الا بالدور .. يعني فيهـا 3 بنات يمكيجون بس
يعني مافيـه زحمه فوق راسك .. ولا شي هدوء وراحـه ..
..
والدور الثالث ..
حق المناكير .. والحف .. والتشقيـر ومن هذي السوالـف ..
..
يعني مكان راقـي جدا .. وتطلعيين وانتي مرتاحه نفسيــا .. مافيه اعصاب ولا زحمه ولا اي شي
وحاولي تاخذين رقمهم وتحجزين .. وتروحيين للمشغل بدري .. عشان تطلعين بدري ..
احنا دايمـا نروح على الساعه 12 او 1 ..
ونطلع من هناك .. 6 او 7 المغرب .. و عددنـا يكون 4 او 5 بنــات ..
يعني وقتهم معقول جدا ..
وحتى نطلب لنـا غدا من اي مكان ويوصلونه للمشغل نتغدا هناك ..
ومانحط مكياج الا بعد صلاه العصـر ..
وهم ماشاء الله عليـهم سريعيين جدااا في المكيــاج ..
واول ماتدخلين يسوون لك شعرك .. على حسب التسريحه يشوفون مثلا
يعني اول شي سشوار .. وبعدين المكيــاج .. وفي الاخيـر التسريحـه ..
وبعدها تتوكليــن على البيـت وانتي راضيـه
..
سوري لو طولت عليـك .. بس لانه مكان مميز جدا ورائع
وتسريحاتهم خراااااااافه