شلونكم امهات عروس
نظرا لاني من زمان ما حطيت موضوع يديد لانه ما شاء الله الامهات خطيرات في المواضيع اليديه والمفيده
ومع بدايه سنه دراسيه يديده 
حبيت افتح موضوع انتناقش فيه عن مشكله تعرض لها ولدج او بنتج وشلون ساهمتي في حلها والتطورات اول باول علشان انساند كل ام في تقديم العون والمساعده والاهتمام
فكل ام من اول يوم دراسي تعرضت لمشكله ;)مهما كان حجمها مع طفلها تخبرنا بها وتخبرنا كيف راح تحلها والام اللي مرت بالتجربه نفسها وحلت المشكله ياريت تساعدنا في الموضوع والمدرسات الموجودات معانا ياريت تعطينا الحلول بخبرتها اليوميه مع الاطفال
كما نعرف ان الاطفال لهم افكار على قد سنهم وتصرفات غريبه عجيبه :worn_out:فاحنا راح نتقرب منهم ونساعدهم لاكمال سنتهم الدراسيه على خير قدر المستطاع وبنجاح ان شاء الله :L:
اني ولدي في صف الاول واعاني من سكوته وهدؤه ويستحي من خياله و اذا بيغصب على روحه الكلام يتكلم بصوت منخفض عددددددددددل ولو يسالونه شي حتى لو يعرف يقول اما عرف بس عشان ما يتكلم تعبانة من هالشي ابي ولدي يصير اجتماعي لو اشوي بسس اشوف جهال صفه اشلون مبلتعين وابي ولدي ياخذ منهم اشوي
اني الحين كلمت مدرسته وقلت لها تتقرب منه وتخليه قدام صوب عيونها وتقومه وتساله حتى لو ما رفع ايده وتشجعه
وامس اخذت هدايا بسيطة للجهال وديتهم وقلت لمعلمته خل هو الي يدور على الجهال ويوزعهم جان اشوي يكسر الخجل الي فيه
ومتابعة وياكم الموضوع
 |
اقتباس |  |
 |
المشاركة الأساسية كتبها حبيبة جيمي  |
 |
 |
| ما شاء الله موضوع حلو
اني ولدي في صف الاول واعاني من سكوته وهدؤه ويستحي من خياله و اذا بيغصب على روحه الكلام يتكلم بصوت منخفض عددددددددددل ولو يسالونه شي حتى لو يعرف يقول اما عرف بس عشان ما يتكلم تعبانة من هالشي ابي ولدي يصير اجتماعي لو اشوي بسس اشوف جهال صفه اشلون مبلتعين وابي ولدي ياخذ منهم اشوي اني الحين كلمت مدرسته وقلت لها تتقرب منه وتخليه قدام صوب عيونها وتقومه وتساله حتى لو ما رفع ايده وتشجعه ومتابعة وياكم الموضوع |
||
 |
 |
هلا فيج في الموضوع والله يوفق ولدج ويتطور الى الاحسن
طبعا ولدج اول سنه له بالمدرسه اتوقع للحين ما تاقلم معاهم في الصف مع الوقت راح يتغير للافضل
وهل دخلتيه من قبل الروضه وله سيده المدرسه وشلون كان في الروضه يعاني نفس المشكله او لا
وفكره حلوه توزيع الهدايه على الاطفال وهل قبل يوزع وله استحى وغيرت المعلمه مكانه وله لا
بس اتوقع انه اذا ما رفع يده وقومته كل ساعه بيحس بالتعب انه يقومونه وايد 
الله معاج
اني ولدي اللعام كان في صف الاول
بداية المدرسه تعرض للضرب من كذا واحد معاه بالمدرسه
الاول معاه بالصف >>تهاوش وياه و شمخه شموخ في وجهه حتى الاثر للحين موجود
يومها رجع عبودي بصياحه واكله في الفسحه اخذوه صبيان مايعرفهم
وعصيره اخذوه من عنده وبطوه في الارض >> قبل لايشربه >> هالجمله قالها وقلبه يتعصر لانه يحب العصير مووت على عمري
طبعا لوعت جبدهم بالاتصالات ولا فاااااااد جتني حره حتى لصياح صحت لابوه >>كسر خاطري ولدي
بعدها رحت المدرسه بس ماكان في اجراء صارم اتجاههم
وترصد له واحد ثاني بعد على طول يضربه ويفلصه معاه في نفس السياره الي توصله المدرسه ومعاه للاسف في الصف بعد
يرجع يصيح من ضربه ولمى اشتكيت عليه عند المدرسه قالت هذا شيطان وملعوز الكل
مصخها حتى مره رجع قميصه مشقوق وراحت عمتي عند امه واشتكت بس ماكووو فايده
علمته انه مايسكت عن حقه ابد لانه محد يحرقه ضرب الولد غير الام
لنا عوده اكيد لانه بنتي السنه في الصف الاول خخخخ والله يستر
ولدي راح سنتين روضة وكان وضعه جدي يستحي وما يتكلم كلشش لنهاية السنة يتطور خفيف عددددل عددل وواجد يشكون لي من هدوؤه ولدي عندي مشكلة ثانية وياه ايام الروضة ما يكتب الا اذا المدرسة على راسه اذا تخليه حال حال الجهال ما يكتب وتقول لي مدرسته بطيئ بصراحة ولدي كلش مو بطيئ في الكتابة بس هو جدي لازم احد على راسه
وعن مكانه صفه مسوى على طريقة مجموعات وهم 16 طالب يعني عدد قليل واكيد المعلمة جدي بتقدر تتهتم في الطلبة وصدوقي صاير في المجموعة الاخيرة لانة اول يوم وديته متاخر وحصل هالمكان بس مدرسته قالت لي ان مكانه جدي مؤقت بعدين بشوفه مستويات الجهال وبتشوف من الي محتاج يقعد قدام وبتعدل اماكنهم
وعن توزيع الهدايا اي رضى ورجع مستانس واني كنت اسوي هالحركة من ايام الروضة كنت اسوي له عيد ميلاد واخذ حلاوة نهاية السنة واطلب منهم يخلون صدوقي الي يوزع عشان يتحرك ويتغير اشووي
وعن المشاركة اني قلت اليها تقومه حتى لو ما رفع ايده عشان يتعود بس اكيد مو بكثرة لدرجة انه يتملل
وان شاء الله يلقى تفاعل
تحياتي
توتة البحرين
مشكورة ع الموضوع الحلو
حبيبة جيمي
ولدش شكله كلش خجول.. او ماعنده ثقه في نفسه..
طبعا ذكرني بروحي كلش ايام الدراسة.. اني كنت جديه
اعرف الاجابة بس مارفع ايدي.. كله اخاف الجواب يطلع خطأ واتفشل..
يمكن ولدش بعد جديه.. شجعيه وعطيه ثقه في نفسه اكثر
ومثل الشي في الواجبات.. سوي ليه تمارين وقولي ليه بروح وبرجع ابغيك تحلهم..
هو يبغى احد على راسه لانه يمكن خايف انه يسوي شي خطأ..
ومايحب انه ينقال ليه اجابتك خطأ…
يبى ليه تشجيع اكثر وموفق ان شاء الله…
همــبة
ترى عور قلبي ولدش عدل..
كلش ماحب سوالف الصبيان..
وهذي حركاتهم .. عدوانين ومشكلجيين..
اني ولدي بعده صغير اول سنة روضة بس دائما احاتيه لين دخل المدرسة..
لانه الصبيان كله يسوون احزاب وعصابات.. يخوفون خخ
البنات غير… أهدأ وارزن..
اني مشكلتي للحين مالقيت ليها حل… ابغيكم تساعدوني
ولدي اول سنة روضة..
مع انه دخلها بحماس قوي ونشاط وكانت رغبته…
ودائما يجيب طاري الروضة … لانه اخته اكبر منه بسنه كانت في الروضة ومتحمس..
واول يوم طبعا نشاط مو طبيعي زائد حماس..
وعقب ساعتين رحت اسأل عنه في الروضة..
إلا يقولون انه شال الدنيا وقعدها من الصياح .. إلا يبغى يكون وي اخته..
واحين بنكمل الاسبوع وهو يوميا يصييييييح الصبح مايرضى يقعد مايرضى يغسل مايرضى يلبس
من يشوف ثيابه يصييييح… مابغي روضة ومابغي باص..
كلش محتارة شلون الاسلوب الا استخدمه وياه..
مع اني كلش اكون هادئة وياه الصبح واتحايل واسايس فيه.. بس بدون فايدة…