يابنات انا لاحظت كثير من البنات تزعل انه تقدم بها العمر وماتزوجت والبعض منهم يكون في بدايات العشرينات وبتموت عشان تعرس وهذا الشئ داعني لافتح باب النقاش في هذا الموضوع,,,كل بنت تتمنى تكن لها اسره زوج واطفال وبيت ولكن تصبر وتدعي ربها مو تقعد زعلانه وتشتكتي لكل وتيأس يمكن النصيب يتأخر ولكن يكون رجال صالح ومحترم ويعيشج أحس عيشه وممكن الوحده ماتزوج لكن الله يعوضها بشئ احسن عن الزواج لانه ممكن لو تزوجت ماتكون سعيده في حياتها الزوجيه..
تصدقون بنات اخت اربيعتي في عيالتهم كل اللي من سنها تزوجو وبقت هيه تخيلوا صاحت والله غمضتني بس مثل ماقلتلكم نصيب والله يجيب لكل وحده تتمنى الزواج نصيبها ويكون رجال صالح.واهم شئ الصبر والدعاء……
وبنات اتمنى ان الكل يشارك ويبئ رايه عشان نساعد البنات اللي يعانون من هالشئ واللي صدق مضايجه تكتب ونحن مابنقصر بنرد عليها ونحنا هنيه خوات يبدا بيد..
ومابقولكم انا عادي عندي بالعكس اتمنى اتزوج واكون اسره ولكن املي برب ان يروزقني بزوج صالح يسعدني ولكن والله صابره ومب متضايجه انه اللي كبري في العايله عرسوا وصديقاتي بس مب كلهن بس والله اتمنالهم السعاده….
ممكن اول مااسمع الخبر احس غير بس عقب اقول اللي يرزقني ويسعدهم………
وكل وحده تكتب بصراحه ولا تستحي…
حبيت أشارككم لان صج أشوف بنات في نفس هالحاله
أنا عني راضية بنصيبي واحس اني بعدي صغيره على الزواج مع ان صديقاتي تزوجوا وعندهم عيال الحين واللي في مثل عمري في العايله بعد تزوجوا وعندهم عيال
الصراحه ما اخبي عليكم مرات أفكر في هالشي بس بعد كل واحد ونصيبه وانا ادري ان مو من مصلحتي اني اتزوج الحين لاني ادرس فما اقدر اني الحق على الزواج والدراسة
بس في بنات صج ممكن انها تتعلق بأي شخص عشان يمكن بعدين يتزوجها
والله ما ادري وش اقول بعد بس ترى كل وحده مابيجيها الا اللي مقدر لها واللي الله كاتبه
 |
اقتباس |  |
 |
المشاركة الأساسية كتبها أنا الشوق |  |
 |
| السلام عليكم حبيت أشارككم لان صج أشوف بنات في نفس هالحاله أنا عني راضية بنصيبي واحس اني بعدي صغيره على الزواج مع ان صديقاتي تزوجوا وعندهم عيال الحين واللي في مثل عمري في العايله بعد تزوجوا وعندهم عيال الصراحه ما اخبي عليكم مرات أفكر في هالشي بس بعد كل واحد ونصيبه وانا ادري ان مو من مصلحتي اني اتزوج الحين لاني ادرس فما اقدر اني الحق على الزواج والدراسة بس في بنات صج ممكن انها تتعلق بأي شخص عشان يمكن بعدين يتزوجها والله ما ادري وش اقول بعد بس ترى كل وحده مابيجيها الا اللي مقدر لها واللي الله كاتبه |
||
 |
 |
وتسلمين حبيبتي عالمرور والله يسر امورنا
اكيد ما تعرفوني لان مشاركتي ناادر ترا درااسه ولاهيه وامتحانات ادعوولي
وانا مثل ما قلتو اخواتي لاتستعجلوا على نصيبكم
الله كبير وهو يعطي الرزق من يشاااء فسبحان الله
خلي امانكم قوووي
نحن نريد والله يفعل ما يريد …………………..مرات الزواج يكون نقمه….
بعض البنات تبا تتزوج بسبب ضروف عائليه او مشاكل وتفكر ان الزواج اهو الحل الوحيد من كل شي يعني الهروب ………………… الموضوع كبير والكلام اكثر وهذا اللي عندي حاليا
والحمدلله على كل حال
انا مب ملقوفه عالعرس لكن والله هالزمن كله فتن والوحده تبي تحصن نفسها والله مالنا شغل غير الشاب الحلو الفلاني وشكله وجسمه انا اتكلم عني شخصيا رغبتي بالزواج عشان اصون نفسي وماادور عالكلام الحلو والحنان في مكان غلط
واتمنى رايي يكون عجبكم
وكنت راافضه فكرة زوااج نهائيا لما كنت ادرس بجامعه وجاووني واايد وامي تكلمني ومااعطيها وجه لاني كنت عارفه انه شي الوحيد اللي بينفعني بحياتي دراستي وشهادتي طبعا بعد الله سبحانه وتعالي وامي وابوي ولاني كنت اشوف كل وحده اشلون تمشي ببطنها وتعبانه وغير مشاكل طبعا في بنات متزوجات وناجحين بدراستهم وفي بنات بعد سنه اطلعوا ماقدروا يوفقون بين دراستهم وجامعه
والحمدالله خلصت مني وانخطبت مني شوفوا اشلون نصيييب الله كتب نصيبي بعد مااخلص دراستي وعلى فكرة تزوجت كبيرة 24سنه مب صغيرة وكل اللي في العيله اصغر مني عرسوا وجابوا 2 لكن موضوع ماكان اهتمامي الاول والاخير
ولايستعجلون بنات بزواج ياما ناس تزوجوا وتحسفوا تفتكر زواج احسن من بيتهم بالعكس يمكن هريال يسكر عليها الابواب وشبابيك وعندها بيت ابوها القفل احسن من زواااج
صديقتي كانت تموت وتعرس وعرست وهي عمرها 19 ماكملت سنتين وتطلقت عاشت حياة جحيم مع زوجها وهي كانت تبي تعرس بسبب بيت ابوها المقفل وعاشت بقفل اكبر واللحين مطلقه وعندها ولد
وبعد وحده اعرف كانت تبي تعرس باي طريقه كانوا يونها خطاطيب قبل لاهم يقولون نبيها هي موافقه بس تعرس وعرست وضريبه زوج قافل حياتها من يمين ويسار بعد عناء دراسه مافي شغل طلعه مافي زيارات يادوب شكاك تلفون مافي مسكنها مع هله وغير لواقولكم بشيب راسكم واحسها متحسفه مليون مرة على هزواج
وووااايد من هنماذج اللي تستعجل وتفتكر انها بتعنس وتقط نفسها على اول من يطق باب
فاتمني من كل البنات اللي فاتهم قطار او اللي مافاتهم يابنااات هذا نصيب الزواج موكلشي بدنيا اصبروا ماتدرون باللي الله كاتبه لكم
بالعكس انجحوا بدراستكم وبشغلكم وكونوا لكم صدقات الدنيا ماوقفت عند زواج وبس
ماتدرون ليش الله سبحانه وتعالي اخر زواج عنكم يمكن لمصلحتكم
اتمنى لكل بنت ماتزوجت ان الله يرزقها بالزوج الصالح وان ترضى بالقسمة والنصيب والله راح يعوضها على صبرها في الجنة وما احلى واطيب هذه الجنة يعني احنا في الدنيا عابر سبيل وراح نروح منها للشيء الازلي والابدي فلازم نفكر في اخرتنا لان احلى من دنيانا