اقعد بالايام افكر اقول شو هالدنيا اللي تفرق صديق عن صديقه
شو هالدنيا اللي الواحد مايعرف فيها منو اللي يحبه صج من قلبه ومن قدامه ومن وراه ومنو اللي يحقد عليه وينافقهه
انا صارت لي مواقف مع ربيعات عزيتهم اعتبرتهم خواتي مب ربيعاتي كنت اقول لكل وحده انتي اختي مب ربيعتي
ويوم كانو يشكولي ولا شي كنت اوقف جمبهم بكل قلبي ونصحهم من كل قلبي وزعل لزعلهم وافرح لفرحتهم
ومع الايام القاهم لحالهم يبعدون ماعرف ليش
الصداقه لو واحد يعرف ويقدر كلمة الصداقه الصداقه مب يوم يومين ولا بس وحده تعرفت على وحده بس عسب ترمسها وقت الملل هذا كنز زوالله انا اعتبره كنز للي يقدر هالشي
مب يوم يومين واذا تعرفت عغيرها تودرها
صارت لي مواقف انصدمت فيها من اعز الناس لي من اقرب صديقتين لي الاولى كانت حاقده علي وانا ماعرف
كانو ربيعاتي يحذروني وانا كنت غافله من زود حبي لها لني اعتبرتها توامي اللي هي اكثر عن اختي
ماكنت متوقعه باللي هي سوته بحقي انصدمت والله حسيت الدنيا مالها امان صرت متوقعه اي شي
والثانيه يوم احتاجتني كانت معاي وعقب ابتدت تبعد شوي شوي عني
مشكلتي اني اكره النفاق يوم اعرف ان فلانه تنافقني ابد ما اقدر استمر معاها لني ماحب اجامل كيف اكمل مع منافقه تقص علي
تعرفون احس مشكلتي ان قلبي طيب ينقص علي بسرعه
صج السالفه يمكن تشوفونها تافهه بس مهمه عندي ليش جي ليش جي يصير اقرب الناس عادي بغمظة عين تلقينه عدوج
مثل اللي صار معاي توامي صارت عدوتي الحين مب شي يحير مب شي يقهر
والله اني اشتاق لها وطول وقتي احلم فيها وايد مع اني ماكنت افكر كثر بس كل يوم كنت احلم فيها بتوامي
وياريت يوم يومين عشرة عمر من الطفوله شي صعب والله
ليش جي بالعكس الصداقه ثمينه والله مستحيل الواحد يلقا شخص يحبه هالحب من قدامه ومن وراه وجي يسوي فيه هذا ظلم
بالعكس لازم يتمسك فيه لنه نادر مابيلقا شراته
وسالفة ربيعتج انك ماصدقتي أحد فاهمك وماأهتميتي بخشيتها لله وطيبتها والواحد المهم الطيبه قبل كل شيء….
ومادام عاشرتيها ممكن ليست بالشريه لكن تغيرها الظروف والناس وليست بالثابته على دين أو لاتعامليها كصديقه لأنها قد لاتعتبرك كذلك عامليها لقضاء وقت معها كأي انسان متفهم وفاهم أو تناقشينها بموضوع لزيادة ثقافتك أو حوارك مع الجميع للأفضل وتتمني الخير لها والصديقه من تحبك لذاتك وبصفاتك ليس شرط تفهمك فهذه من تجديها عند الضيقه وتاخذ همك وتشاركك مشاعرك….
وتحياتي وحبي ….
بدليل… إخلاصك وصدقك ونقاؤك …وكما انتِ بيننا تمتلكِ صفاء القلب وطهره فمن المؤكد
وجود الكثيـــــــــــــــر مثلك وإن قل عددهم أو صعب إيجادهم.. وما علينا هو إنتقاء هؤلاء القِلة بحرص لنصادقهم
ونأتمنهم على اسرارنا ونبوح لهم بمكنونا ونرمى آلامنا فى احضانهم الحنونة حتى لا نُصدم ونتفاجئ
عزيزتى:
لا تبكِ على كل طيب فعلتيه وإنما إحتسبيه والله سوف يثيبك بإذنه …
وتعلمى من الحياة بهدوء اكثر و رضا ….
ولكـــِ منى كل الإحترام..
وفقكـــ الله