خواتي العزيزات
عندي مشكلة ومو عارفه كيف احلها وابيكم تساعدوني
بنتي عمرها 4 سنوات سجلتها في الروضة وهي وااااااااااااااااااااايد خوافه وكل يوم اروح معاها من الساعه 7 ونص الى 1 .. تعبـــــــــــــــت
والله انها ماتترك يدي دقيقه وحده احاول اتملص منها اقولها بروح الحمام بروح اشرب ماي تروح معاي تخيلو تمسك القلم وتكتب بيد واليد الثانية ماسكة فيها عباتي !!!!!!
كنت اعتقد اسبوع وبتعود الحين شهر !!!!!!!!!
في البداية كنت اروح معاها الحين اخليها تروح مع الشغالة لاني حامل وتعبانة …
كل يوم الصبح تصيح انا ماحب المدرسة مابي اروووح ابيج بقعد معاج في البيت 
لاتقولون لي خليها بالقوه وروحي عنها سويتها مرتين ..
قامت ترجع عليهم في الكلاس !!!!!!!!!!!!
والمره الثانيه بعد رجعت !!! من الخووووووف
البنت عاشت وحيده وماعندها اطفال تلعب معاهم هي اكبر حفيده حق جدها وكل في بيتي بروحها وفبيت جدها بروحها والحين هي خايفه من الناس ومن الاطفال !!!
ارجوكم ساعدوني
الله يعينج
ذكرتيني بوحد اشوفها لما اودي عيالي ليكون انتي
تدرين مالج الا انج تخلينها وتروحين عنها
بس تدرين يمكن مدرستها ما عندها اسلوب انها تقنع الياهل
بس جيبي لها هدايا وانتي جايه تاخذينها لانها ما تبكي
والله يعينج
وانا السنة الجاية بودي ولدي الروضة ويكون عمره 4 سنوات
وهو مثل بنتك وايد متعلق فيني وخوووووووواف وايد
لكن اللي يصيح مااعطيه هديه
لازم لان اول طفل اعتقد والله يوفقها
الا ماقلتي لنا بنتج في أي روضة؟؟