مشكلة بنتي 2024.

خواتي……باختصار بنتي مثل ماتشوفون عمرها قدامكم للحين ماتحبي ولا تزحف اصلا هي ماترضى اسدحها على بطنها تعصب وتصيح يعني هل السبب اني مااسدحها تلعب لحالها؟وهل التأخير في الحباي عادي….؟

أكيد أنت أم جديدة حبيبتي بنتك لساتها صغيرة و مو كل الأطفال مثل بعض
تقدري تحفزيها عالحبي حطي لها لعبه و خليها تحاول تروح اليها شوي شوي هي بتحاول ترروح اليها
و علشان تطمني أكثر أولادي الأثنين حبوا و عمرهم 10 شهور

عادي حتى بعض الاطفال ما يحبو يمشو على طول

لكن انتي اخدي لها اللعبه الي تخلي الطفل عليها ومعلق فيها العاب

واذا تصيح اذا تركتيها ضلي يمها اشوي اشوي ترتاح الى اللعبه وتظل بروحها وبتتقلب وتحبي

او خلي شيء تحبه قدامها وخليها على بطنها تروح له دربيها حتى لو تصيح

الله يخليها يارب

اختي لا تخافين الموضوع عادي كللللللللللللللللللش
بنت اختي يا ربي سلمها نفس بنتك ( إحنا نقول لها فاجه) يعني ماخذه راحتها على الآخر ما مشت إلا يوم عمرها سنه او شهرين والاشياء اللي قبل تأخرت فيها كلها
لاحقه حبيبتي على الحبي و المشي او لعوازتهم
الله يخليها لك

هلا خيو شخبارج

لا تخافين أنا بنتي حبت عمرها 7 أشهر اما ولدي الحي عمره 11 شهر توه حابي بس كان يزحف على المقعدة علشان يروح لغرض معين ترى لا تفكرين وااااايد هذه قدرات في الأطفال وان شاء الله بتحبي لج بنتج في أقرب وقت .
الله يخليه ويخليج لها
أختك
عنوان الأمل

حبيبتي الموضوع عادي صحيح انا ماعندي خبره بس سألت امي قالت اني زحفت وعمري 8 شهور واخوي مازحف ابدا على طول مشي وعمره سنه ونص واختي زحفت وعمرها 5 شهور ومشت على السنه يعني كل واحد يفرق عن الثاني …

لا تخافين اختي حسب إلي اعرفه انه كل طفل يختلف عن الثاني في تطوره يعني عادي

حبيبتي أنا أخواتي توأم عمرهم سنة و حدة فيهم تحبو تانيية لا
لا تقلقي بنتك لساتها صغيرة و حتي في بعض الأطفال ما يحبون متل أخوي ما حبا لما كان صغير

و الله يصلك بنتك و يخليها لك انشالله

الاخوات ماقصروا لاتخافي انا ولدي الاول حبى في سن ست شهور والثاني قريب يدخل السابع وللحين ما حبى

لاتحاتين والاطفال بينهم فروق فردية يمكن طفل يصير شاطر في شي والثاني لا والعكس

وتوها صغيرة 7 شهور يعني قدامها مشوار حفزيها حطي لها لعبة بعيد عنها شوي وخليها تزحف لها وشوي شوي راح تحبي