الا وهي النظااااااااااااااااااااااااااااااااارة
اللي تقتل وتخفي جمال أي عين
سؤلي : كيف أقدر أبرز جمال العين وأجعله يخترق هذا الزجاج اللي قدام عيني..؟؟
هل تعتقدون إطارات معينة؟؟
أو طريقة مكياج معينة
طبعاً شدو مع النظارة يطلع الوحدة كأنها مهرج..
أنا أحط بس كحل داخل العين
كثير ناس قريبين مني ما يعرفون شكل عيوني بسبب النظارة
اللي يمكن مافيه حل إلا الليزك أو الليزر
وما عندي إستعداد أجربه..أقل شي حالياً
طبعاً في المناسبات عدسات بس مو كل يوم عدسات بعد مايصير.وأصلاً ما تناسبني كتصحيح للنظر
أكيد فيه كثير يشاركوني نفس المعانات ياليت نلقى لها حل
أنا البسها لي 12 سنة من وأنا طفلة
بشكل متواصل يعني ما أقدر أستغني عنها رغم أنه نقص بسيط
مع النظارة رائع . وعموما ياأختي إذا ماودك عادي سوي تشطيب
بس انا مثلك في الحفلات البس عدسات
وانا احسها تمكن في شكل عدسات النظارة
الله يوفقج
وحلوين وما فيهم شي ,
لكن أنا أقول إن شكل الإطار وحجمه يلعب دور كبير في إخفاء أو إظهار جمال العين ,,
شوفي نظارتج ,, إذا كانت كبيرة وإلا لا ,, وشوفي الإطار حجمه , وشكله , وموديله ,,
وإنت تعرفين السبب 
,,
اول شي ياريت تختارين نظاره تكون ناعمة ،، خصوصاً لو وجهج ناعم ،، بتعطيج مظهر انثوي اكثر و المكياج راح يبين احلى ..
ابتعدي كثر ما تقدرين عن الاطارات العريضه ،، او الملونه ،، الملونه راح تصعب عليج عملية المكياج ..
خلي العدسه تكون شفافه ،، وابتعدي عن العدسات الورديه و الزرقا وهالالوان .. لأنها راح تغير من لون عيونج ولون المكياج اللي حاطته
مشكلة النظر عندج راح تأثر على شكل العدسه وبالتالي شكل المكياج ..
لو تعانين من قصر النظر عيونج راح تبين بالنظاره اصغر ،، فمحتاجه تكثرين من ظل العيون اكثر من العادي وتختارين ألوان لامعه..
لو تعانين من بعد النظر ،، عدسة النظاره راح تكبر عيونج ،، فالمكياج بهالحاله لازم ما يكون وايد قوي وبألوان صارخه ..
لو بتحطين مكياج وانتي تلبسين النظاره ،، لا تهملين البلاشر والروج او القلوس عشان تخلقين نوع من التوازن ،، وما تكون منطقة العين قوية بالمكياج والنظاره وباقي الوجه باهت ..
اذا كنتي مضطره تلبسين نظاره اطارها ملون الافضل تختارين شادو بلون طبيعي ،، او مثل ما ذكرنا اختاري اطار بلون محايد ..
الحواجب لازم تكون على طول فوق مستوى الاطار الاعلى من النظاره .. او يكون الحاجب اعلى من الاطار بشوي ..
لازم تختارين ألوان مايله للدافئه اكثر لأن عادة النظاره تعطي ايحاء بأن لون العين أفتح بشوي ..
الماسكارا مهمه جداً جداً جداً
ابتعدي عن اللون الاسود او البني الغامق ،، ولو تحبين ممكن تستخدمين بدالهم الرمادي الناعم
اذا كان لون الاطار او الفريم اغمق بوايد من لون الشادو او مكياج العين ،، لازم توازنين وتحطين روج بلون واضح مو باهت وقريب من لون الشفايف ..
وفي المناسبات طبعاً حاولي كثر ما تقدرين تلبسين عدسات عشان ما تتقيدين بنوع معين من المكياج .. لكن انتبهي الى نوع الماسكارا ،، لأن اغلب الانواع تتعب العين اللي فيها عدسه .. جربي ماسكارا ايف سان لوران
بنت خالتي اشترت لها نظارة بهذا الشكل وعينها تبان منها لكن أكيد مو نفس اذا بدون نظارة
مسزز غموضة
مجـد
Marshmallows
نجوم الليل
نجمةالليل
مشكورات على ردودكم
جربت نظارة بدون إطار ما عجبتني..
يااااااااااليت اللي عندها صور إطاااااااااارت جديدة وحلوة تنزلها لنا
عزيزتي لضى الأشواق: بالنسبة للتشطيب قلت قبل ما عندي إستعداد أجربه حالياً
النقص اللي عندي حيل بسيط..مايستاهل
بس الظاهر بالغت في وصف المشكلة
السؤال ببساااااااطة: ماهو الميكاج المناسب للنظارة؟؟
وإذا عندك صور ياليت تنزلينهم..مثل ماأنت شايفين النظارت الشمسية أنواع الموديلات
اما النظارات العادية موديلاتها قليلة اللي عندها صور لإطارت حلوة وجديدة ياليت تنزلها؟؟
مسز غموضة : عدساتي ماغيرت حجم العين الحمد لله
مجد حبيبتي: وأنت الصادقة إطاري مو عاجبني كلش عشان كذا قلت أسألكم وأشوف قبل أغيره.
يمكن تفيدوني بشي..وشكرا مرة ثانية.
نجوم الليل : قلت حبيبتي جربت بدون إطار ما عجبتني..
شكر خاص ل Marshmallows
شكراً لتفاعلك فديج أنا والله ردك يبرد الخاطر.