المشكلة ان ابني عمره حوالي عشرين يوم والمشكلة لما ارضعة احسة كأنة تختنق ومايقدر يتنفس يعني يلاقي صعوبة بالرضاعة من صدري ويطلع صوت غريب ولما اعطية حليب صناعة يشربة بكل هدوء
مع اني اعمل مسافة بين خشمة وصدري علشان التنفس بس مادري شنو السبب مع العلم يعاني من غازات فضيعة وما يتبرز الا مرة باليوم!! وديتة عند الطبيب وعطاه دواء للغازات بس مشكلة التنفس وقت الرضاعة والصوت هي الي مالقيت لها اجابة…
ممكن تساعدوني وتفيدوني؟؟
وبالنسبه للغازات شىء طبيعي يا اختي لان البيبي بعده ما اكتملت وضائف اعضائه الداخليه ف هذا السبب الرئيسي ف حدوث مشكله الغازات ..
وبالنسبه للصوت الغريب ..,, حاولي اتغيرين وضعيه الرضاعه يا اختي يمكن البيبي هب مرتاح لها ..,, او يمكن بعده صغير ويلقه شويه صعوبه ف شرب الحليب من صدرج …
اتمنى اني فدتج ولو بقدر صغير …,,
كيفك وكيف البيبي ان شاء الله بخير
يمكن المشكلة في انه مايقدر يمسك صدرك زين ( قصدي الحلمة ) مو في المسافة .. يمكن يكون مزكم .. بالنسبة للغازات اطفال رضع كثير يعانوا من نفس المشكلة اما بسبب مشكلة او بسبب الرضاعة المزدوجة ( الطبيعية مع الصناعية )
شوفي هالمواضيع عن الرضاعة واوضاع امساك الطفل
وانصحك تسوين بحث عن الموضوع في الركن
جربي القطعة اللي تنحط على الصدر بدل الحلمة راح تريحك كثير .. وطمنينا عليه
السلام عليكم و رحمة الله و بركاته
يا هلا فيكي أختي أم بلال…
شوفي أختي…واضح إنه صدرك يكون مليان…بطريقة تخلي صعب عليه إنه يشفط منه…لذلك تلاقيه يشرق و هو يشرب…
حاولي ترضعيه أغلب الوقت…و ما تخلي صدرك مليان بطريقة تصعب عليه الرضاعة…
و بدري على الرضاعة الصناعي …ليش بدأتي فيها أختي ؟
الوفا..عنواني: فعلا حاولت اغير طريقة الرضاعة وشفت في تحسن كبير بالنسبة للصوت والإختناق وانا اعطي ولدي حليب صناعي لاني موظفة وبنفس الوقت اعوضة بالرضاعة الطبيعية المسالة غصبن عني … اشكرك على ردك
RoOoOmy_M : هو ولدي فعلا مزكم المسكين .. والف شكر على المواضيع الي ارفقتيها لي وصدقيني استفدت منها كثييييييييييييير
مرموم: شكرا اختي .. ومثل ماوضحت للأخت الوفا..عنواني باني موظفة ولازم اعوده على الإثنين طبيعي وصناعي الظروف تحكم بعض الأحيان…
الف الف الف شكر مرة ثانية على تعاونكم معاي
اختكم صباحي (ام بلال)
اول شي بالنسبه للغازات اغلي شويه كراويه مع شويه هيل وعطيه شوي مو وايد وسدحيه على فخذج ودلكي ظهره ولما ترضيه حطيه على كتفج لما يتريع
يطلع الهوا من حلجه وبالنسبه للرضاعه مسكيه بذراعج ورفعيه شويه وبايدج الثنيه مسكي صدرج وانتي ترضعينه كلميه وسمي عليه بهدوء واقري قرآن
وخاصه الفاتحه وما يشوف شر ان شاء الله