او الي عندها اي فكرة او اي شي تساعدني لاني تعبت واحس روحي غريبة مو طبيعية من كثر كلام الناس
انا عندي ولدي عمره ثلاث سنوات ومشكلتي وياه الاكل
ما يرضى ياكل كلش ومتعلم ليي طبع كريه اذا ااكله لازم اراكض وراه بالصحن
ولازم يكون عنده شي يلعب فيه عشان يكون لاهي وياكل
وهذا الطبع انا الي عودته عليه لانة من عمره 6 شهور وما يرضى ياكل وكنت اسوي معاه هالطريقة
بس الحين هو وايد كبير وابيه ياكل عدل ومن غير ما يتعبني
جربت اني اجوعه عشان ياكل لكن للاسف ما فادت الطريقة جت العصر وهو ما تغدا
وكل شوي وقال انا جوعان وابي حلاوة وللمعلومة ولدي يموووووووووووت على الحلاوة والخرابيط
والكل يقول ان ولدي صار يموت على الحلاوة لاني حارمتنه منها
وللمعلومة ان اهل زوجي هني يخلون اولادهم على راحتهم في الاكل يعني ياكلون جبس وحلاوة حزة الغدا عادي عندهم
عكسي ما ارضى ولدي ياكل اي شي من هالخرابيط الا لين يكون متغدي زين وماكل صحن سلطة بعد الغدا او قطعة فواكه
والحين الناس عقدوني في نفسي كل احس روحي مو طبيعية ومعقدة ولدي ويايي
لانة انا الوحيدة الي في العايلة جدي وزوجي كل يقول صيري مثل خواتي يخلون اولادهم على راحتهم
نفسيتي تعبت من هالموضوع وكل اقول بخليه يقعد على الغدا وياكل بروحه وحتى لو ما اكل بخليه بكيفه وما براكض وراه(احاول لكن ما اقدر اسوي جدي)
ولدي اذا اخليه في السفرة ويانا ما ياكل بس يلعب في النعمة وينتظر يجوع عشان يطلب الحلاوة
وانتظر ردودكم ومساندتكم لي
:9_33:
الله يهديلج أياه أن شاء الله……
أن شاء الله البنات ما بيقصرن أوياج…….
أو صكي عليك الغرفه أنتي وياه ووكليه يعني قبل لا تحطون غداكم مثلا بنص ساعه وكليه هو قبلكم ……
ولا قوليله انا القمه هاذي مثلا سياره …….اللقمه هذي صاروخ …طياره ….وهلم جره صح طريقتي مضحكه شوي بس والله شفت نتيجته اليوم هو يقولي سوي سياره كبيره طبعاً بأصوات تسوينها …….حطيه على كرسي مرتفع او طاوله عشان مايهرب…
بس ولدك جم عمره لانة انا اسوي جذي لولدي كل العب وياه والهيه عشان ياكل
واذا احد يشوفني يستغرب واضايق احس اني مو طبيعية وغير عن الناس لانة ولدي عمره 3 سنوات
انا مثلك احيانا اللي حولي يتفاعلون مع القصص اللي اقولها لولدي وقت الأكل
ويضحكون على الحركات اللي اسويه له …….
خلي صدرك وسيع ومعليك من اللي يستغرب اهم شي ولدك يتغذى زين