وصدري مرره يؤلمني من الحليب وماني عارفه اش العمل بالله يابنات الله يخليكم اللي تعرف شي يكبر الحلمه مرررررره ضروري لازم
بافكر اروح لدايه تعملي اي شي بالله تساعدوني
الحمدلله على سلامتك والف مبروك المولود الجديد..
رزقتم بره وبلغ اشده..
بالنسبة لمشكلتك انتي اختي ما كنت تدهنيها في فترة الحمل؟ بزيت الزيتون او زبدة الكاكاو او اي شيء آخر؟؟
الحلمة تحتاج تهيئة من قبل الولادة، والتدليك ضروري…
المهم الحين ..
اول شيء لازم تفرغي صدرج المليان حليب ، البيبي ما بيعرف يرضع اذا كان الثدي مملوء، وهذا بيزيد مشكلة الحلمة سوءاً..
اوقفي تحت الدش الدافي وبلطف اعصري الثدي خل يتفرغ من الحليب اللي فيه لما تحسين انه صار طري شوي وخف الألم اللي فيه..
بعد هذه العملية ، نجي لمشكلة الرضاعة..
لازم تعرفي ان البيبي يطلع من بطنج ما يعرف يرضع اساساً..
وتعليمه يحتاج له فترة وصبر…
تقدري تبحثي بالركن وتشوفي مواضيع مثل نور المدينة وبجعة. .. كانوا يعانون مثلج والحمدلله امورهم تيسرت الحين..
تقولي جربت الشفاط وما نفع…
استمري على تدليكها بزيت الزيتون باستمرار، وداومي على المحاولة مع البيبي عشان يرضع …
بس انتبهي ، لازم تنظفيها من الزيت او الكريم قبل الرضاعة..
تذكري دائماً، ان المسألة محتاجة صبر..
اذا استمرت مشكلتج اكثر، راجعي الطبيبة ممكن توصف لك كريم يبرز الحلمة..
طمنينا عليج .. وعلى الكتكوتة
السلام عليكم و رحمة الله و بركاته
ما شاء الله الأخت جمانـــــة ما قصرت…
و حمدا لله على سلامتك…ما قلتي لنا إسم المولودة الحلوة 
انا صار لي نفس الشي وكانت مشكلتي تبكيني بس الله يجزيها خير عمتي ام زوجي ساعدتني وااااايد وصبرت علي وهي تعلمني وانا اصيييييييييييييح 😥 😥 😥 لدرجه انهاا كانت تعصب من ضيجة صدري واني كنت شوي عصبيه :mad2: بس الله وفقني علمتني اني ادلك الحلمه قبل الرضاعه واني افرغ صدري اول باول اذا البنت ما رضعت بالشفاط ……( اذا الشفاط اليدوي ما نفع خذي الكهرباء احسن ) وشوي شوي الياهل بيتعلم …. واذا فضيتي صدرج اول باول ما راح يالمج وان شاء الله خير