أول ما نبدأ اتمني منكم ان شاء الله الألتزام باللي في الموضوع عشان محدش يقولي مش ظبط معايا و ان شاء الله ربنا يجعلني سبب في استفادتكم و مش تنسوني بدعواتكم………. أول حاجة في عده خطوات لازم نعملها نبدأ يللا
مقارنة الأسعار و المكونات
–
شوفوا يا حلويين هاتوا ورقه و قلم و شوفوا انتوا بتجيبوا ايه من خزين للبيت و شوفوا أسعار الحاجات بالمقارنة بأنواع تانيه ليها نفس الجودة مثلا أنا كنت بجيب زيت كريستال ب 11 جنيه فكرت أشوف أنواع تانيه بدأت أدور لاقيت زيت الأصيل اللي ب 7 جنيه نفس الشركة و نفس المكونات …. و بدأت أجيبه و لاقيته زيه تمام مافيش أي فرق ده حتي نفس الشركة و جربوه و قولولي.
مصروف البيت معاكي و بس
يعني انتي مسؤوله تيجيبي عشان الرجاله مش بيفرق معاهم حاجة أنا عمري ما طلبت حاجة من جوزي و لاقيته عارف سعرها كام ……. زمان كنت أنزل أجازة من الكويت و هو هنا الاقيه ممون البيت ب 400 جنيه و لسه مش جبنا لحمة و لا فراخ و لا خضار و لا سمك قولتلو لالالالالالالالالا لما أجي ان شاء الله نجيب سوا و كنت أجيب بكام ب200 جنيه و الله ههههههه
مافيش حاجة تترمي
أنا عمري ما رميت أكل الا في النادر و أي حاجة تنفع تتحط في الفريزر بحطها و أستفيد منها تاني . حتي العيش أو الفينو بستخدمو بقسماط … خليكي ناصحة و مش ترمي حاجة و الا عايزة أقولها تعمل ايه باحاجات دي معنديش مانع و الله ,,,, الفريزر ملين عندي أكياس و علب صغيرة فيها حاجات وقت الزنقة بطلعها و أشوف فيها و أركبه علي اللي عندي و أمشي نفسي.
صنع ايديا و حيات عنيا :
أي حاجة بستهلكها كتير و ممكن تتعمل في البيت مش بشتريها من بره خالص……… زي الطحينة و البقسماط أو أي حاجة ليها علاقة باحلويات
متابعة العروض :
أنا بتابع العروض اللي علي النت أول بأول و أسهل حاجة ليا هيا ألفا
ماركت بيجبلي طلباتي بدون دليفري عشان ساكنة قصاده و بحب أجيب طلباتي من فتح الله عشان بجيب حاجات كتيرة باكيلو و كمان قريب مني …….. و لو فيه عرض فيه عبوه أكبر أو ممكن أستعمله كام شهر بجيبه و أخد من معايا( فلوسي أنا يعني ) و لما أحتاجه الشهر اللي بع ده أخد من المصروف و أرجعهم مثلا لقيت ألفا عامل مناديل 3 ب 10 جنيه و هي أصلا ب 15 جنيه و أنا بستخدم كل شهر واحد يعني مفروض أدفع 3.50 كل شهر أقوم أدفع 7 جنيه من معايا و أحطهم الشهر اللي بعده فاهمني؟؟؟؟؟؟؟؟؟
جنيه و اتنين بيقرقوا:
مش تقولي يعني ايه جنيه لأ بيفرق عشان هو مش بيكون جنيه و بس لأ بيكون جنيه هنا و جنيه هناك و هكذا
–
الفسح و الأولاد
كل واحده عارفة ولادها لما بتخرج بيحب يأكلوا ايه أنا واحده مقاطعة
كل البضايع و محلات الأكل الأمريكيه فبحتار مع ولادي فا دايما بجيب كل شهر كيس ثري شيفس نجتس الكيلو و أخلي لما أجي أخرج أعمل شويه مكرونة مش حيأخدوا وقت و أحملرلهم نجتس يا اما ساندويتشات و أخد معايا الميه بتاعتهم كمان أهو تمن الأكل يلعبوا بيه في الألعاب و الا ايه 
نويع الأكل و الكميات
تنويع الأكل فبي المرة الواحده بيخليكي تستخدمي كميات أقل من الحاجات اللي بتكون غاليه يعني مثلا نفسي أكل جمبري و هو مش أقل من 80 جنيه الكيلو عملت ايه جبت جمبري صغير و عملته سلطة أو حطيتوا علي الرز و المحصلة واحده أكلت جمبري و لا ما أكلتش ههههه أكلت و الله ههههههه علي فكرة الجمبري بالذات من كتر حبي ليه بستهبل علي جوزي كل ما يقولي عايزة حاجة أقوله أه جمبري و كتييييييير بيجبلي بجد ههههههههههه
– الصدقة
و دي حاجة مش محتاجة كلام يا بنات أول ما تمسكي المصروف شيلي جزء علي جنب و صدقيني حتحسي بالفرق و يكفي قول الرسول عليه أفضل الصلاة و السلام (( ما نقص مال من صدقة ))
_ الأولاد
أولادي الحمد لله اتعودوا يأكلوا كل حاجة ما فيش حاجة مش بيأكلوها
حتي لو مش بيأكلوا حاجة معينة مقليه مثلا ممكن يأكلوها بشكل تاني و بيشربوا لبن و بيأكلوا فاكهة و ده أهم حاجة عندي و دايما تلاقي عندي نوعين فاكهة و الحمد لله و لما يخلصوا أجيب نوعين مختلفين و بين الوجباتن فيه لبن و فاكهة و خضار و ده أفيد حاجة و الا ايه؟؟؟؟؟ الأولاد اتعودوا زيي يأكلوا كميه الرز قد كميه الخضار و لازم يكون فيه سلطة و يأكلوها كمان و كل ده بالتعود.
– اكتبي كل حاجة:
أنا عندي أجنده بكتب فيها كل حاجة بصرفها عشان أعرف الخلل فين و أعرف كمان الأسعار لو من مكان لمكان بتختلف و الا ايه
– اختاري الأريح و الأحسن
كنت قبل كده بجيب حاجتي من عند حماتي من السوق لما فتح جنبي فاكهاني و خضار بقيت بجيب من عنده أي نعم أغلي بس مش بجيب كميات زي الأول بجيب علي قدي فا مفيش حاجة تترمي الحمد لله و كنت بجيب لحمتي من كارفور لما جربت جزار أخت جوزي لقيته ممتاز و أرخص قلت خلاص أنا كده كده بروحلها مشي و معايا عربيه زياد يبقي أنا أوللي بالفرق و بجيب من عندها
أتمني انكم تكونوا استفدتكم يا بنات و أي استفسار أنا جاهزة و يا رب مش تنسوني من دعواتكم ليا و لجوزي و أولادي ربنا يهدينا و يصلح من حالنا كمان و كمان
مواضيعي
أطفالك و الفيتامينات الضروريه
كنافه و لا أروع بالصور من مطبخ أم بودي و يس
مصروف البيت اللي محيرك تعالي و أنا حأريحك ( ان شاء الله )
تعالوا شوفوا الدونتس اللي بودي بيقولي عليها ……. ممتازة
عيد ميلادي و من مطبخي أم بودي تعالوااااااااااااااااااا
مفيش أحلي من بفتيك أم بودي…. شوفي كده
اشتريتي ايه في مطبخك و عجبك و ايه تاني اتندمت عليه؟؟
تعلمي كيف تستخيري الله في أمور حياتك
كيف تصنعين طفلا يحمل هم الأسلام ؟
هو انتى بتفصلى فلوسك عن مصروف البيت؟؟
جزاكى الله كل خيرا
ربنا يسعدك يارب
الله يعطيج العافية
واللى طبعا هيستفيد منها فى الاول هما المتجوزين
واللى زى حالاتى كده تتابع وتستفيد من خبراتكم ههههههههههههههههههه
ربنا يجازيكم كل خير على افكاركم الحلوه دى
ربنا يسعدك يارب
فكرة جميلة اوى وبتساعد جدا تسلم ايداك ياقمر
الله يصلح اولادك وحالك يارب ويخليلك جوزك وولادك يارب ولايحرمك منهم ابداً
افكر حلوه
تسلمي يا قمر
وربنا يجزاكي كل خير
ويباركلك في اولادك يارب
أغرب خمس شواطيء في العالم
لم اكتب شئ …….
بطاطس محشيه صنع ايديا وبالصور ………..
اسهل والذ مكرونه بالصلصه البيضا مكرونتي وبالصور …….
مكرونه لذيذه وسهله تنفع للعشا السريع……بالصور
حلويات العيد الحادقه بطريقتي……..
ملف شامل لاحلي واسهل وصفات اللحوم في العيد
قصه جميله وتجعلك لاتملك دموعك
مجموعه مطابخ مودرن جدااااااااا
مفارش لغرف واسره الاطفال