كان فيه هنا موضوع هنا عن مصروف البيت وازاي نظبط الميزانيه وتكفي اننا نحوش كل شهر
ياريت نتكلم في الموضوع ده هنا ونجدده تاني علشان نقدر نحوش ونظبط بيتنا شويه
انا عايزه اعرف انا باخد 1500 جنيه كل شهر بس جوزي بيحب لحوم كتير وممكن يتغدا ويتعشا لحووم
عيزاكوا تساعدوني في الحوار ده
يلا بقي نشجع بعض اننا نحوش 😉
انا الحمد لله 1500 مش بدفع نور ولا ايجار منهم يعني اكل بس
حتي لو فيه لبس ليا او لبنتي برا المصروف
بس للاسف بردو مش بيكفيني
ليه
يعني مثلا الشهر ده جبت 10 كيلو سمنه ب 400 جنيه
في شهر واحد دفعتهم
اه مش كل شهر سمنه بس اهو كل شهر يطلعلي حاجه تطير جزء كبير
غير بامبرز ولحوم بتبقي مكلفه جدا
حتي الجبن للفطار بتبقي غاليه اوووي ومش بتقعد الشهر كله
يعني جبت الشهر اللي فات جبن كفتني لمده عشر او 15 يوم دفعت 150 جنيه
مو لازم كل شهر لبس،كل 3 شهور حلو،،وكمان الأكل ،،يوم ايوة ويوم لاء.مو كل يوم نفس الوجبة يوم لحمة يوم لاء كذا يعني .وكمان تصدقي لو ب10 جنية الصدقة ماتنقص من مال قط بل تزيد البركة والصحة ورضا الله عز وجل.
وبس اتمنى افدتك يالغلااا
تعالوا نكتب ايه اللي ممكن نجتاجه من السوبر ماركت كل شهر
زيت
سكر
ملح
خل
مكرونات بانواعها
لسان عصفور وشعريه
ارز
دقيق
سمنه
ماجي بانواعها
صلصه
جبن بانواعها
مربي وحلاوه
شاي
نسكافيه
لبن
بيض
صابون سائل
صابون وجه
اريال عادي
اريال اوتوماتيك
معجون اسنان
ديتول او مطهرات بتبقي اوفر
مناديل وجه ومطبخ وتواليت
داوني او كومفرت للملابس
كلور الوان
كلور ابيض
بليدج
جلانس
عدس اصفر او بجبه وده يفضل من عند العطار علشان يبقي ارخص
توابل لو ناقصاكي
شامبوهات وكريمات
بامبرز
حفاضات نسائيه
طبعا كل ده عند الضروره مش كل شهر يعني مش لازم كل شهر شامبو او ممكن ميبقاش فيه اطفال
اللي فاكر حاجه ولاقاني نسياها ياريت يفكرنا
مرسيي علي ردك ومشاركتك ياقمر
ياريت تخليكي معانا هنا نفيد بعضنا
اللحوم
لحمه طبيخ
لحمه شوي
فراخ كبيره او فراخ صغيره حشو
فراخ بانيه
كبد وقوانص
كبده
سمك وجمبري
كفته
كفته ارز
لحم مفروم
اكله سمين
حمام
بط
انا الزيت والسكر الحمد لله بجيبهم من التموين بدفع 22 ج بس بتصرف في الارز علشان مش بيعجبني وبجيب من بره
يعني بوفر شويه اهو وطبعا الزيت للتحمير فقط يعني بشتري كريستال ذره للاكل
انا مامتي بردو بتطير المصروف بسرعه اوي 2500 وبتطيرهم لانها بتجيب بزياده اوي
انتي بتقولي انك بتجيبي 400 جنيه زبده طب ليه جيبي اللي يكفيكي في الشهر والشهر اللي بعديه ربنا يسهل
يعني قللي ال 400 دول بس علي حسب احتياجاتك لان دي كده من الحاجات اللي بتطيرو بسرعه طبعا
حاجه كمان انك لما تاخدي الفلوس تكتبي في ورقه ايه اللي ناقصك الشهر ده وتشوفي تجيبي ايه وتاجلي ايه
وطبعا مع الاكل اليومي
و موضوع اللحوم و الفراخ دا هيجننننننننننننننى مش عارفه اظبطهم اجيب اد ايه كل شهر
و الجبن كل اسبوع او اسبوعين و اللبن و الزبادى و كدا و قريبا هينضملنا بند البامبرز هههههههههههههه