إلى القائمين على إدارة هذا الموقع
شكرا لكم على هذا الموقع الرائع و اتمنى لكم التوفيق بإذن الله
و شكرا للمشاركين الذين متعونا باسلوبهم الرائع و ردهم الذي لا يخلوا احيانا من الطرائف حيث يبعث الى نفوسنا الراحة و ايضا الابتسامة في الوقت نفسه و هو يجاوبون على اسئلة القراء الاعزاء
اخواتي ممكن القى عندكم حل لمشكلتي
هل يوجد عند أحد الاعضاء حل لاثار حب الشباب 
ارجوكم ساعدوني وما ابي اطول عليكم 😮
اختكم
الصامتة للأبد
وعليكم السلام ورحمة الله وبركاته …
الصراحه انا رح اقولك تجربتي … بس اهم شي انك تحددين نوع بشرتك .. وبعدين تشوفين وش اللي يناسبها
انا اول مره استخدمت كريم ( رتين أ ) واستمريت على استخدامه بانتظام … ولمدة شهرين … وفعلا راحت الحبوب والآثار ..
واذا تبين تعرفين كيفية استخدامه … فانتي لما تشترينه مكتوب عليه التعليمات … بس لما تستعملينه لازم ما تستخدمين اي شي ثاني على وجهك … سواع صابون ولا كريمات … ولا حتا مكياج …
بس طبعا الأشياء الطبيعيه احس بكثير … وانا انصحك انك ما تستخدمين اي شي من الكريمات الا بعد ما تستشيرين طبيب ..
وعندي وصفة طبيعيه … انا اجربها حاليا بس لسه ما انتهت مدة العلاج … وقبلي جربوها كثيرين يقولون انها روووووعه …
وهي عباره عن …
1 بيالة حلبه مطحونه
ملعقتين عسل
عصير ليمونه وحده صغيره
وتعجنيهم مع بعض الين ما يصير قوام العجينه زين … وان كانت العجينه تحتاج لسائل بعد … يعني صارت ثخينه … فزيديها عسل ..
وحطيها بعلبه وحطيها بالثلاجه … واستعمليها كل يوم بوضعها كقناع لمدة ساعه … وقبل ما تستعملينها بساعه طلعيها من الثلاجه عشان ما تكون جامدة وتتعبك ..
وافضل انك تحطين منها في الليل … ومافي داعي احد يشوف شكلك وانتي حاطتها … لأنو شكلك بيكون مخيف بعض الشيء 😉
ولا تهتمين … ما رح يكون في ريحه كريهه حقت الحلبه … والريحه هذي يمديها تروح لما يطلع الصبح … واول ما تصحين الصبح اغسلي وجهك بصابونتك الخاصه …
وهذا كل اللي عندي …
ارجو ان تكوني قد انتفعتي …
وحنا تحت امرك …
اي جدمه انا جاهزه … مع اني ما عندي ذيك الخبره بس اللي اعرفه بقوله لك …
وسلامتك
اذا تبينه وتبين العنوان راسليني خاص
اخواتي
حبيت اشارك معكم في هذا الموقع الاكثر من رائع
و بوجودكم الطيب
اخواتي ميخالف كنت مضيعة العنوان و رحت سألت سؤالي مكان مو صحيح بس الحين عرفت ان هذا مكان سؤالي
ما ادري ممكن القى عندكم حل حق آثار حب الشباب ؟؟؟؟
ماضل دوا بالصيدليات ما حطيته 😮 صار ويهي حقل تجارب
اذا وحدة قدرت اتساعدني جزاها الله خير و ماقصرتوا
مع خالص التحية
اختكم
الصامتة للأبد
وبعدين عن سؤالش فيه وصفات وايييييد في المنتدى بس اتصفحه
وبتلكه اليه يرضيكي(f)(f)
تحياتي
ام زايد(l)(l)(l)(l)(l)(l)(l)(l)(l)
ام زايد مشكورة على ردج
لاكن ؟؟؟ اقعد ادور يبيلي وقت 😮 بس مو مشكلة
احاول ادش الموقع كل يوم و افتح كل ساع موضوع لمن اوصل حق الي ابيه
لاكن انا بقيت حل سريع 😮 اعذروني ميلت من شكل آثار حب الشباب
انا مستعيلة وايد 😮
مع خالص التحية لكم جميعا
مشكورين على مشاركتكم
اختكم
الصمتة للأبد
البنات ماشاء الله ماقصروا معك
ياحلو التعاون ********
جربي الوصلة اللي حطتها لك مون لايت
بس لاتتعبثين فيها ولا تعصرينها بيدك علشان ما تحفر مكانها
مشكورين دشيت الموقع الي قلتوا عليه و اخذت الوصلة
لاكن صدقيني يا كيلو عسل 😉 ما اعصرها 😮
والله صار ويهي معمل تجارب من الكيماويات قلت خل اجرب خلطات الاخوات ان شاء الله تنفع
واذا انفعت صدقيني راح ابلغكم مشكورين على تعاونكم و ردكم
اكيد ماكو احسن من المطبخ و خلطاته مو بس للأكل 😉
ميرسي خالص (l)
بسم الله نبدأ الليلة بأول تجربة
مع اجمل و ارق تحياتي
اختكم
الصامتة للأبد
وازا حابة اعطيكي وصفة في وصفة هية:ملعقة نشا+ملعقة لمون+ملعقة لبن اخلطيهم كلهم مع بعضهم وحطيهم على بشرتك ولما يجف اغسلية بماء فاتر ولك مني اطيب الامنيات بوجهة صافي وتحياتي