معاناتي مع الليزر من ينقذني 2024.

مرحبااا

شعلومكم بنات عساكم بخير ؟؟
بنات حبيت اخبركم عن تجربتي مع الليزر .. انا صار لي عشرة ايام من عملت الليزر وطبعا هذه اول تجربه لي معاه .. بس عندي كم سؤال للبنات اللي عملوا وجربوا الليزر ..

السؤال الأول : هل استخدمت الدكتورة التي عملتي عندها الليزر موس الحلاقة قبل الليزر ؟؟؟
السؤال الثاني : بعد كم يوم من عمل الليزر ظهر لك الشعر ؟؟

لأن انا الدكتورة استخدمت الموس اولا .. وهذا الشي خوفني صراحة .. وتدرون يا بنات ان الحين طلع لي الشعر مثل اول ولا في اي تغيير فهل هذا طبيعي .. بصراحة انا خايفة ..

ملاحضة .. انا عملت منطقة الشنب واسفل الذقن فقط .. بنات ارجوكم ما طنشوني .. ترى بزعل .. 🙁

هلا اختي "نسيت اسمي"

لا اتخافين من سالفة الموس لان أشعة الليزر ترتد اذا المنطقه فيها شعر عسب جي الدكتور او الدكتوره اتشيل الشعر اللي بالمنطقة بالموس

وعن السؤال الثاني يعتمد على حسب نوع الشعر اذا الشعر خشن بتشوفين النتيجه من اول مره بس اذا الشعر ناعم يبيله كم جلسه عسب اتشوفين النتيجه..اما اذا شعرج كان خشن وما شفتي النتيجه من اول مره يفضل انج اتردين تستشيرين الدكتور عن المشكله لان غالبا النتيجه تظهر من اول مره في الشعر الخشن

واذا عندج اي استفسار انا حاضره

اخويتكم الصيدلانيه

صديقتي تسوي ليزر وسالفة الموس عاديه

وكان يطلع لها الشعر بنفس الفتره السابقه بس مع الجلسات كان يخف الشعر

بنات انا سمعت ان الليزر يأثر على البشره ويخليها سمره شوي

هل هذا صحيح !!!

ما اعرف اي شى عن الليزر غير انه مو زين في المستقبل

اختي "مافي ولا اسم" لا حبيبتي هذا مب صحيح .. بالعكس الليزر يستخدمونه لتبييض البشره

اختي" NARDEEN" الليزر ماله اضرار مستقبليه ابدا لان الليزر اللي يستخدمونه على الجسم مب شكل اي ليزر .. الليزر اللي يستخدمونه يناسب طبيعة الجسم 100%

اخويتكم الصيدلانيه

مهم للي تسوي تقشير بالليزر انها ما تتعرض للشمس لأن الحروق راح تثبت بالوجه وما بتروح

حتى الليزر للشعر هم الوحده لازم تتجنب الحراره لدرجة ان مو زين تقرب صوب الفرن الحار

انا وحده مجربه الليزر ونتيجته مضمونه ولا تحاتين اختي اذا شفتي شعر بعد ما شلتي الليزر في بعض الشعرات ما تسقط واطيح بعد ما تسوي لج انتي جرب شيليها بالملقط تلقينهاا اطيح بروحها لانها احرقت الجذر بالليزر وبعضها طاح وبعضه ما طاح ويطيح مع الوقت ولا تخافين واستمري عليه وعادي اذا خايفه من شي استشيري الدكتوره وتعطيج اكريم عشان ما يسبب لج احمرار واطلبي واقي من الشمس بعد عشان تستعملينه واتطمنين اكثر بس طالما انتي بديتي كملي ولا توقفين وانا سويت المنطقتين اللي انتي سويتيهاا فالذقن لان نوع الشعره فيه اقوى واغمق من الشنب اختفى الشعر منها نهائيا اما الشنب لانه ناعم خف بنسبه 50 بالمية والله يوفقج يارب

البتيــل

طيب أنا ودي صراااااااااااااااااحه أساوي ليزر بس وين بالسعوديه أخواتي اللي بالمملكه يقولون لي على أفضل مكان راحوه أو مجرب عشان الليزر أنا عندي كمان منطقه الذقن والشنب فيها شعر متوسط مو سميك ولا خفيف وسط وأشيله بالملقاط الحين بس يأخذ وقت يمكن ساعه.. وعيوني تنحووووووووووول ههههههههههههههههه

فياليت تساعدوني… ومشكورين..

ورد أحمر

سمعت انه لو كان في حبة خال في ويهج الليزر يروح لونه اصحيح هالكلام أو لا……..؟