معكرونة بالبشاميل بس مش أي معكرونة لذيييذة وبالخطوات المصورة 2024.

ماشاء الله ولا قوة الا بالله ..

مرررحبا أخواتي .. أخباركم؟؟ ان شاء الله طيبين

اليوم بقدم لكم طبق بسيط.. أتمنى ينال اعجابكم..

وهو .. معكرونة بالبشاميل
أكيد كل وحدة لها طريقتها فيها.. بس أول شي خلوني أقولكم عن المعكرونة بالبشاميل بالمواصفات اللي أحبها << حشا ماصارات معكرونة عروس هههههههههههه
ما أحب فيها خضار .. وأحبها باللحم أو الدجاج المفروم..وأههههم شي ما تكون ناشفة..أحب المعكرونة تكون متسبحة بالبشاميل وتذوب مممممممم

واليوم الطريقة بتكون بالدجاج المفروم<< مادري يمكن تستغربون لأن الأغلب يسوييها باللحم المفروم بس بعد بالدجاج والله لذيييذة !!

وخلوني أبدأ معاكم..

المقادير::
كيس معكرونة (500 غ)
دجاج مفروم 400 غ عادي تسوونة بالطريقة العادية . تحمسون بصل وشوي ثوم وتحطون الدجاج وتقلبون حتى ينشف شوي .. وتحطون البهارات اللي تحبونها..

مقادير البشاميل::
((بتلاحظون كميتة كبيرة .. مثل ما قلت لكم .. لا تستغربون)) .. وللأمانة مقادير البشاميل خذتها من أحد المواقع بس غيرت شوي عليها..
6 أكواب حليب بودرة مخلوط مع الماء (كل كوب ماء 3 ملاعق كبيرة حليب)
1 كوب(200 غ) مارجرين .. وهذي صورتة..ممكن بدالة زبدة..بس المارجرين أخف..

1 كوب دقيق .
ملح وفلفل أسود.

الطريقة::
– نسلق المعكرونة عادي..

– هذي الحشوة مع البشاميل..

– نخلط المعكرونة مع كمية من البشاميل حتى تصير بهذا الشكل..

– نحط نص مقدار المعكرونة في صينية بايركس ونصب شوي بشاميل..

– نوزع الدجاج المفروم المطبوخ..

– نحط باقي المعكرونة.. ونصب باقي البشاميل..

– ندهن الوجة بشوية بيض ونرش بقسماط << ماحطيت موزاريلا لأن اللي عندي في البيت ما يحبونها مع معكرونة البشاميل..

– ندخلها الفرن حتى تحمر..

– وتقدم ساخنة .. وهذا شكلها من داخل ماشاء الله ولا قوة الا بالله

مقربة..

طريقة البشاميل::
– نسخن الحليب على النار بدون غليه
– في قدر آخر نذوب الزبدة ثم أضيفي لها الدقيق وقلبيه ،ثم أضيفي الحليب بالتدريج وقلبي الخليط جيدا على النار ثم تبليه بالملح و الفلفل حتى يغلظ ..