مقلوبة البذنجان من مطبخي بالصور . 2024.

النهاردة انا عملت مقلوبة الباذبجان….و دية اول مرة اعملها فيها و صورت الشكل النهائي ليها عشان إن عجبت زوجي اديكم الطريقة …
و فعلا عجبته اوي اوي اوي…و قال عليها انها جنان……قولت خلاص كدة اخذت تصريح اني اديكم الطريقة …لاني بصراحة لما بعمل اي اكلة و عاوزة اديكم الطريقة لازم تعجب الاكل زوجي عشان زوجي زواق …و بالتالي اقدر ادهالكم و انا مطمئانه انكم لما تجربوها هتعجبكم…….
بتكلم كتير صح…هههههههههههه….خلاص هدخل في الموضوع ..

الطبق هو مقلوبة البذنجان…….

المقادير:

كوب و نص رز
3 كوب ماء
واحد و نص بذبجان
¼ معلقه شاي قرفة
¼ معلقة شاي فلفل
ملح
¼ كركوم
شطة
ورق اللوري
300 جم من اللحم المفروم
بصلة كبيره مفرومه ناعمه
سمنه او زبدة ( انا استخدمت الذبدة)
زيت لقلي البذنجان

الطريقة:

1-قشري البذنجان و قطعية شرائح طولية سمك الواحده 1 سم ( انا الصراحة مش بقشر البذنجان كله يعني اقشر حتة و اسيب حته …لاني عرفت ان هنا في ايطاليا عشان البذنجان ميتحرقش و ميشربش زيت كتير مش المفروض اقشره كله…ديه معلومه و حبيت اقولهالكم) رشي عليه ملح و سيبه نصف ساعه و بعد كدة اغسليه…..ثم اقليه ….و ضعيه علي ورق ليشرب الزيت
2-ضعي جزء بسيط من الزيده از السمن علي النار و شوحي البصل المفروم ثم ضعي اللحم ثم الشطه +الملح+ الفلفل الاسود+القرفة+الكركوم+ورقة اللوريو قلبيه جيدا الي ان ينضج.
3-انقعي الرز في الماء
4-في وسط قعر القدر ضعي جزاء من اللحم المفروم و احتفظي بالباقي
5-رتبي البذنجان علي جوانب القدر و فوق اللحم
6-ضعي باقي اللحم فوق البذنجان
7-صفي الرز من الماء و ضعية فوق اللحم
8-ضيفي 3 اكواب من الماء الي الرز( ممكن تحتاجي اقل من 3 اكواب الماء )ضفيه حبه حبه عشان ترتيبك للطبق ميبوظش
9-ضعي القدر علي نار حتي تغلي الماء و يتشرب الرز الماء
ثم ضعيه علي نار هادئه الي ان ينضج الرز
10-ضعي طبق اكبر من القدر فوق القدر و اقلبيه هيبقي الرز تحت و اللحمه فوق
11-حمري اللوز في قليل جدا من الزيت و ضفيه فوق طبق التقديم

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

بالهنا و الشفا …….