السلام عليكم ورحمة الله وبركاته ،،
بما أن اليوم اجازة ويانا وبعلي العزيز متواجد بالبيت <<< عادة غداه بالجامعة :ss:
قررت إني أسوي له مكبوس الدجاج 
، تفضلوا معاي شوفوا طريقتي وإن شاء الله تنال اعجابكم 
هذا الطبق إهداء مني للغالية malaak ، طلبت مني مرة أحط طبق رئيسي والحمد لله اني وفيت بوعدي ..
المقادير ،،
نصف دجاجة قطعتها كم قطعة وبهرتها ب ( كركم + فلفل أسود + فلفل أحمر بودرة + قرفا + هيل + ملح + بهارات مخلوطة ) <<< تكفي الأسرة أهم شي :tongue:
بصلة ونصف مقطعة جوانح وشرائح بكيفك
خضار ( بقدونس + فلفل حلو + كوسة + قرنين فلفل أخضر مقطعين من النص بالطول ) لاحظوا الكمية قليلة ما كثرت ..
7 فصوص ثوم مهروسة + ليمون أسود يابس + جزر مبشور
نشوح جميع الخضار على النار مع زيت – حاولي تزيدي كمية الزيت شوي 😉
بعد ما تذبل الخضار حطي قطع الدجاج المبهرة عشان الدجاج يمسك ريحة الخضار والفلفل والثوم
خلي الدجاج شوي لين ما تلاحظي ان لونه تغير
بعد ذلك تضيفي طماطم حبة وحدة مفرومة على الدجاج
وتزيدي ماي كمية مناسبة عشان الدحاج يفوح بجميع المكونات وينضج معاك ،، وضيفي شوي نفس البهارات اللي تبلتي بها قطع الدجاج لأن الكمية ذيك أكيد مو كافية ولا تنسي الملح بعد 😉
بعد ما يفوح الدجاج وينضج زييين تروحي ضايفة رز مغسول و منقوع مسبقا في الماي وزيدي ماي لين ما يتغطى الرز وما عاد تشوفيه بعيونك :tongue:
ضيفي بهارات صحيحة مثل ( الهيل والقرفا والحبة الحلوة ( الشمر ) ) ، وغطي عليه بالغطا وخلي الرز يفوح ويا الدجاج والخضار والبهارات لييين ما يبدأ الماي يختفي شوي شوي مثل هالصورة ،،
أول ما يبدأ الماي يختفي خفي على النار عشان ما يحترق عليك الرز ، وعشان كل السوائل تبدأ تختفي بالتدريج وبهدوء ،،
لاحظي الصورة <<< كلامي هنيه للمبتدئات
وهنا خلاص الماي اختفى كلللللللله وعشان تعرفي ان الماي اختفى فعلاً ، ما راح تسمعي صوت خشخشة ماي ولا أي صوت بس تلاحظي البخار كثير وهذا دليل ان الماي يالس يتبخر وياك <<< ما تعرف تشرح :tongue:
وبكذا نكون خلصنا طبختنا ، وفي هالأثناء نحضر السلطة الخضراء + روب بالسلطة وشوية ملح وهنا الصور ،، ما يحلى المكبوس بدونهم
وبالأخير هاي هي اللوكات النهائية لطبقنا ،، هنا وعافية على قلوبكم (f)
يمممممممي شكل الطبق يشههههي والسلطة كمان لذيذة
تسلم الايادي
واااااااااااااو تسلم ايدك الطبق يجنن
شكل الطبق يشهيييييييي
خلاص بكرة اعزميني هههههههههههه
عليكم بألف عاااافية
وتسلم ايدك ياعسل
الريحة وصلت عندي
الطبق ماشاء الله شكله يشهييييييي
جعت وكده حرااااام اهئ اهئ :confused:
والسلطة شكلها مرتي ولذيذ
تسلم الايادي قلبو
والحمد لله الميزان رضي علينا
تستاهلي التقييم حبوبتي
وعليكم السلام ورحمة الله وركاته
ما شاء الله على شرحك كذااااااا (y)
للمبتدئات مثلي 😮 :ss:
شهيتيني بالسلطة :confused:
الروب ضفتي عليه شي ؟
للأسف رفض الميزان ،،،موووفقة
ماشاء الله روعه
ويعطيكي العافيه
طرشي لي صحن :$ هههه
عليكم بالف عافيه غناتي
وتسلم يدج