امبارح عملت مكرونة شعرية باللبن بس طلعت جميلة قوووي
ولا يمكن علشان كنت جعانة مش عارفة 
بس دي كانت الفجر يعني حاجة جنان ههههههههههه
على العموم ندخل في الموضوع على طول
نص كيس مكرونة شعرية (انا استعملت الملكة مش بنجيبو غيرها)
معلقتين كبيرة زبدة او سمنة ولو سايحة انتي بقى كتري لحد ما تخلي المقدار مش قليل على المكرونة
كباية مية كبيرة ميه ومتحلية بسكر ويكون السكر محلي زيادة عن المقدار الطبيعي
رشة فانيليا
كباية لبن كبيرة
الطريقة :: (مع الصور طبعا )
أول حاجة بتستني لما الزبدة او السمن يسيح وتنزلي عليه المكرونة ،، تقلبي لحد ما تتحمر وبعدين تحطي المية بالسكر اللي متحلية ولما المية تغلي تهدي النار وتغطي الحلة بس كل شوية تبصي عليها يعني كل 5 دقائق علشان المية بتنشف بسرعة
وبرضه تدوقي المكرونة استوت ولا لسه لو احتاجت سوا واحتاجت مية زوديها براحتك وخدي بالك من السكر
ولما تستوي المكرونة وميتها تنشف تروحي حاطة عليها اللبن شايفة اللبن قليل كتري براحتك كله حسب الزوق ومعاها رشة الفانيليا أنا مكانش عندي فانيليا بصراحة مشيتها كده الزبدة ادت طعم حلو مش محتاج 😉
وقلبيها وخليه تغلي غلوتين بالعدد وطفي عليها واغرفيها وبالهنا والشفا
واسيبكم مع الصور اللي بالموبايل الاي كلام هههههههههههههههه
نضيف المكرونة
نحمر المكرونة
لحد ما يوصل لونها للون ده او افتح شوية هي غمقت مني بس اللون لكن لما حطيت المية واستوت رجعت بقت فاتحة تاني وبصراحة دايما بخليها اللون ده سواء في الشوربة او اللبن علشان كده ولا كده بتفتح والتحمير ده مش بيخليها تتهرى
ودي كباية المية اللي مليتها وحليتها بالسكر نضيفها بقى على المكرونة لما توصل للون اللي عايزينه
وبس تغلي بس المية نهدي النار ونغطي الحلة ونسيبها تستوي ونراعي الملاحظات اللي قولتها فوق
ودي لما استوت والمية نشفت منها بس تقلبي ديل الحلة كويس علشان السكر بيخلي المكرونة تلزق خلي بالك ومتخليش المية تنشف خاااالص لالا تكون طرية كده
ضيفي بقى اللبن زي المية كده وخليه يغلي غلوتين وطفي عليه
واغرفيه وبس (y)
يارب يكون عجبكم 😮
انا حاخد الطبق دة عشان انا اول واحدة ردت
(¯`v´¯)
`·.¸.·´
¸.·´¸.·¨) ¸.·¨)
(¸.·´ (¸.·´ (¸.·¨¯` ♥♥♥
وعليكم السلام ورحمه الله وبركاته
جزاك الله خير يا جميله
http://forums.3roos.com/showpost.php?p=14674754&postcount=262
ننتظر وصفاتك القادمة,,
 |
اقتباس |  |
 |
المشاركة الأساسية كتبها lifedrop  |
 |
 |
| تسلم ايديك يا جمييييييييييييل.. انا حاخد الطبق دة عشان انا اول واحدة ردت |
||
 |
 |
انتي تؤمري الطبق ليكي كله والحلة كمان يعني ههههههههه 😉
نورتي يا جميل (f)