حبيت اوصف لكم مكياجي في حفل القرقيعان حق بنت اختي ((يا لبى قلبها عمرها شهرين))
واللي خلا عيوني تتميز بصراحه والكل يقول لي عليك عافيه اللوك الجديد رغم اني ما كنت مسويه لوك ولا بطيخ
شعري لضيق الوقت سويت بف متوسطه و ثبتها بالسبراي و لبست طوق معدني فضي
لبسي كان توب بف لونه بني شوكولا و بني لاتيه و كحلي و اوف وايت
و بنطلون اوف وايت
و جزمتي و شطتي كانوا كحلي وبني طقم
لبست اكسسوار فضي و ساعه فضيه
نجي للمكياج
تحممت و اثناء الشاور قشرت بشرتي بمحبوب الجميع مقشر المشمش من سانت ايفز
بعدين الخلطه الصابونيه غسلت بها بشرتي
لما طلعت
لبست عدساتي الرماديه من فريش لوك
رطبت بمجموعتي المفضله من لانكوم للاشراق
السيروم
كريم العين
كريم الوجه
و ارتحت عشر دقائق
بعدين رشيت الفيكس من ماك
و وتركته شوي بعدين حطيت بيس بينيفيت
that gal
يعطي اشراق وردي رائع
فردته بفرشاة الاساس من ماك بعد
الثالثه عاليمين
حطيت كونسيلر مايبلين ((ما لقيت له صوره بس انا ما تهمني نوعية الكونسيلر لاني احطه مجرد تلوين للمنطقه لتتجانس مع الاساس))
حطيته للجفن العلوي و السفلي كبيس للشادو
و حطيت للعين بيس لونا من ماك وهو ابيض شفاف لؤلؤي
يعجبني على الجفن بصراحه
بعدها حطيت لوز باودر ((تالك باودر من جونسون احبه اكثر لانه يعطي هايلايت لتحت العين)) عشان اهيئها للشادو
حطيت شادو نايلون على الجفن الثابت تحت الحاجب و الزاويه الداخليه للعين
للإضاءه
بس مو لاقيه له صوره 
حطيت بينت لون delft اللون كحلي بلمعه معدنيه على تركواز كذا حلو مررررررررررره
حطيته على الجفن المتحرك و ما مديته
مجرد غطيت جفني المتحرك به
طبعا بفرشاه شادو اسفنجيه لاني ابي اللون كثيف
بعدين اخذت بيغمنت old gold
فوق البينت بالطبطبه بشويش لانه يتناثر فقط على المنطقه اللي قلناها وهي الجفن المتحرك
بعدين جبت بيغمنت blue storm
و بالاسفنجه اللي حطيت فيها البينت شلت شويه من البيغمنت للجفن المتحرك و الزاويه الخارجيه
بحيث اني ارسم مثلث خارجي بامتداد الحاجب
رسمت خط بالكحل الاسود قلم اسود لانكوم او محمود سعيد او اي قلم يعجبك
داخل العين
انا متعوده اكحل الجفن الداخلي العلوي و السفلي لما احط كحل ثقيل اسود
بس هالمره كحلت الجفن السفلي فقط و تركت العلوي
بس داخل العين
بعدين جبت الكحل الكريمي الاسود من ماك
مع الفرشه اللي بهالصوره من ماك بعد بس حسيتها
رسمت خط نحييييييييييييف اسود و مديته لين برا الجفن
بحيث ان الخط يحدد النهايه السفليه للشادو الخارجي
فهمتوا كيف؟
و جبت شويه نايلون و رسمت تحت الكحل بحيث يعطي اضاءه للمنطقه بشكل خفيييييف
جبت كحل سائل من ماك لونه ازرق خراااااااااااااااااااااااااااااااااااااااااااااااا اااااااااااااااااافي
Blue Herizon
و كحلت به النصف الداخلي من الجفن السفلي
و النصف الخارجي كحلته بشادو كاربون الاسود من ماك
بالفرشاه المشطوفه و حاولت ادمج الازرق و الاسود بالنص عشان ما يصير خط
رسمت حواجبي ببودره بنيه من ماك بفرشاة رسم عندي قصيتها مشطوفه عشان تعجبني اكثر
نسيت اكتب الماسكرا الرااااااااااااااااااائعه من بورجوا تحطين طبقه وحده تكفي لإذهالك
Bourjois Volume Clubbing Mascara
باللون الاسود طبعا
و بعدين حطيت اساس سائل درجة NW20 ودمجته بنفس الفرشاه اللي دمجت بها البيس
البلاشر حطيت لون من نارس مشمشي فاتح ناسيه اسمه
يعطي لمسه بسيطه للخدود
و فوقه بودرة ماك المزدوجه بلون Light Medium/Natural And Shimmer
و هي رااااائعه نفس لون بشرتي
وفوقه حطيت بودرة هونور من ماك مجرد هايلايتر لعظمة الانف والجبين و عظام الخد والذقن
ماني لاقيه صوره له بس هو يجنن ولمعته ذهبيه
و اخيرا روج ماك vegas volt
و بس
اللوك صار حلوو و التركيز على العين
الله يعطيك العافية على الشرح
اكيد كان شكلك مميز
واول مره اسمع به بصراحه
تسلمون عالمرور
^نورهـ^
تسلمين يا قلبي و كلك ذووق
التميز ما يتم الا بحضوركم
البيس انا اموت فيه و شكلي برجع اشتري منه للتخزين <<<< شفاحه
قطريات
تسلمين يالغاليه و عيونك الحلوين
وشاكره مرورك
تسلمينــ ح ــبيبتيــ …
لاع ــدمنآكــ يــآذوقــ …