مكياج باريس غاليري بوظبي 2024 2024.

بنات شحالكن

عندنا عرس وحدة من الاهل ومحتارة وين اتمكيج واسوي شعري في بوظبي

شو رايكن تساعدني ونسوي دليل المكياج والشعر 2024

وياريت بعد باجي الامارات والخليج يشاركونا

لاتنسن حبيباتي الكل راح يستفيد من هالدليل …. ومشكورات عالمرور

والله أنا شراتج محتارة ….. يوم في دبي ما أحاتي … عندي عرس في شهر 3 ما أعرف وين أسوي
يمدحون الصالون اللبناني عند رنده…….. بس مب مقتنعة………..ويمدحون بيوتي بالاس …
ودولا وايد دفشة ومزاجية….
وبغيت احجز عند منيرة قالتلي محجوزة

شوفي باريس غاليري مكياجهم حلو

أختي عند منو بالضبط في باريس غاليري اللي مكياجها حلو…؟
والصراحة أنا بعد أهم شي عندي التسريحة بعد….
أنا جربت مكياج عند لميس…. حلو كان مكياجها بس اللي معاها مالة الشعر مب لين هناك

بصراحة هذه مشكلة الصالونات هني في بوظبي.. يعني انا اصبغ في صالون و اقص في صالون ثاني و انتف حوجبي في صالون ثالث… ما اعتقد ان في صالون يعطي كل هذي الخدمات بطريقة مرضية 100 %
انا سمعت عن وحدة اسمها لطيفة بفندق المريديان مكياجها واايد كشخة و غرفة المكياج تكون مسكرة ما يدخلها ريايل
وفي بعد صالون عروس الخليج يسو مكياج حلو
يا ريت الي تعرف صالون يسوي تسريحات حديثة يعني مثل اللبنانيات الي يطلعون في التلفزيون تقولنا

و شكرا

مرحبا الغالية
انصحج بعائشة وكل وحدة تسألني ما انصحها الا بعائشة من الشارجة ما شاء الله مكياجها راقي وحلو وهي ما تاخذ عدد كبير في اليوم الواحد 6 بنات اكثر شي وتعطيج وقتج بصراحة وايد جربت ناس بس صراحة هي غير شيكي عندها لان ما شاء الله دايما مواعيدها فل والشعر عندها روووووووعة اشيا يديدة ومب مخربطة

صالون شارم حلو مكياجهم
والتسريحات بعد

في بوظبي ما في صالون شارم!!!!!!!!!!!!!!!!!!!!!!!!!!!!!!!!!!!

فعلا خواتي في صالون باريس غاليري اللي في بوظبي ممكن الوحدة تتمكيج وياهم بس الشعر ما يعرفون مع انهم يستخدمون بنات من ماركات مشهورة لكن مادري شو السبب

خواتي مشكورات عالمرور ويا ليت بعد باجي الخوات واللي تقدر اتفيدنا في هالموضوع لانه ابا اقص واوسي شعري بس ما با اي وحدة

اذكر الي مكيجتني يوم ملجتي في باريس غاليري (بوظبي)

اسمها زينب والي سوت شعري مادري شسمها بس هيه البوس مالتهم