السلام عليكم ورحمة الله وبركاته
الموضوع حصري لمنتدى عروس واتمنى عدم نقل ولا صورة وحدة من هالصور لاي منتدى تاني ( مجهودي وتعبي ) اتمنى احترام رغبتي
اللي بتدخل الموضوع عشان تستفيد اوكى .. اما تنقل موضوعي لمنتدى تاني وتنسبه لهاما بسامحها .. الموضوع تعبت فيه وما رضيت أكتبه لحد ما جربت الاشياء اللي اشتريتها .. ما بحب مواضيعي تكون عملية نسخ ولصق صور بس
ممكن تلاقوا مواضيع كتيرة عن هالماركة بس كلها نقل عن مدونة ومن مواقع أجنبية .. بهالموضوع كل الصور شخصية وتجربة شخصية
the balm هالماركة أمريكية ومشهورة وجودة مكياجهم 100% والهم اعلانات بأغلب المجلات الامريكية والاوروبية ، والماركة متوفرة ببعض محلات سيفورا على مستوى العالم .. اما ببلادنا العربية ما عندي ولا اي فكرة ازا متوفرة .. فسامحوني
انا اكتشفت هالماركة طريق الصدفة اشتريت مجموعة ليب جلوس منهم واعجبوني كتير فقلت خليني أجرب باقي أغراضهم .. هالماركة متل اي ماركة فيها الشي الحلو وفيها الشي اللي ما بيسوى ,, وبالنهاية الناس اذواق ،، وكمان جربت أشياء العناية بالبشرة ,, راح اتكلم عن منتوجاتهم الخاصة بالبشرة بشكل تفصيلي، وانا أتأخرت بكتابة الموضوع لاني كنت حابة أجرب الاشياء اللي اشتريتها قبل ما أكتب الموضوع عشان أعرف عن شو بتكلم وأستفيد وأفيد عن تجربة شخصية مو عن كلام من مدونة او من صديقة او .. ..
أسعار هالماركة مش رخيصة ولا غالية جاية ضمن الماركات الوسط متل ( اربان ديكاى – توو فيسد – بينيفيت – نارس – ميك اب فور ايفر – ماك – سماش بوكس …. )
ببدأ بكريمات العناية بالبشرة ، اشتريت مجموعة كاملة تقريبا راح اخبركم شو حبيت وشو ما حبيت ..
قبل كل شي بقول لكم شوي عن بشرتي .. انا بشرتي حساسة ومختلطة بنفس الوقت .. منطقة الانف جافة وحاسة جدا ومنطقة الخدود دهنية وحساسة والجبين عادي 😐 بتغلب شو بدي أخد لبشرتي .. أظن هالنوع من البشرة من أسوء الانواع
صورة شاملة أغلب الكريمات
almond microdermabrasion face scrub
مقشر باللوز .. وهو مناسب لجميع انواع البشرة
استخدامه مرة وحدة بالاسبوع .. وللأمانة جربته اسبوعين ووقفت بخاف من مقشرات بشرة الوجه .. لانه بشرتي حساسة كتير .. يعني لما أحس انه بشرتي بحاجة لتقشر راح ارجع استخدمه ( عند الضرورة بس ) حسيت انه غير بشرتي للاحسن
في عيب بمنتجات العناية بالبشرة من هالماركة اللي هي ( مدة صلاحية المنتج بتنتهي بعد فتح العلبة بـ 6 شهور ) يعني راح ارمي المنتج قبل ما يوصل حتى النص :thumbs_down:
F
:
carrot oil-free eye makeup remover
مزيل مكياج العيون بالجزر ( خالي من الزيوت )
بنظف العيون من المكياج صح بس كتير صابوني يعني بحرق العيون .. ما بحب هيك نوع من مزيلات المكياج .. لا يعلى على مزيل مكياج العيون من لانكوم وكمان استي لودر ( بالنسبة لي )
وهو مناسب للبشرة العادية الى المختلطة
F:
coconut milk cleansing face cream
غسول كريمي بجوز الهند
جربته فترة شهر تقريبا وما اعجبني ما بحسه بنظف بس برطب مش أكتر ..
مناسب للبشرة العادية الى الجافة
F:
cranberry invigorating eye cream
كريم للعيون بالتوت البري
مضاف اليه الكافيين لتقليل انتفاخ منطقة العيون .. بستخدمه قبل النوم لاني بسهر كتير فهدا المنتج بساعدني
مناسب لجميع أنواع البشرة
F:
hazelnut vitamin E face cream
كريم البندق بفيتامين E للوجه
كريم مرطب للبشرة .. بستخدمه مرتين الى 3 مرات باليوم .. اول شي بستخدم غسول للوجه بعدين تونر وبعدين هدا المرطب .. صبح ومسا _ وممكن وضعه كمرطب قبل المكياج حلووووووو .. حبيت هدا الكريم
وهو مناسب جميع أنواع البشرة :thumbs_up:
F:
وكمان هالمجموعة
اللي على اليمين rose face cleanser
غسول منظف بالورد .. استخدمت اول مرة اللي بجوز الهند ما اعجبني قلت خليني اجرب هدا .. أحسن من اللي بجوز الهند بس كمان ما حسيت انه بنظف ما حسيت تعمق ببشرتي يعني تنظيف خارجي مش أكتر ..
مناسب البشرة العادية الى الجافة
اللي على اليسار alcohol – free face toner
تونر معذي للبشرة خالي من الكحول :thumbs_up: أهم شي هالنقطة انه خالي من الكحول .. صراحة حلو ما عليه كلام
بحط منه على قطنة وبمسح كامل وجهي ورقبتي كمان .. بحسه بنظف أكتر من الغسول .. المفروض استخدمه مرتين باليوم بس انا بستخدمه مرة من بعد ظهور الحساسية بوجهي .. لاني اشتريت تونر جديد من كلينيك .. خليت كلينيك لليل وهدا للنهار
مناسب البشرة العادية الى الجافة
اللي بالوسط olive age defense face cream
كريم للتقليل من خطوط التجاعيد ( مكافحة الشيخوخة ) سمعت انه لازم الواحد يبدأ بسن مبكر عشان نحافظ على بشرتنا .. بما اني قربت على التلاتين قلت بنفعني ..:I: اياكم تقربوه تقيل تقيل تقيل خير الله من اول دهنة حسيت انه مش مناسب ووقفته عل طول
بدي اجرب ماركة تانية عشان أكافح الشيخوخة 8o|
بناسب البشرة العادية الى الجافة ( وبرأي انا مش مناسب ولا لبشرة )
F:
وبهيك خلصت مجموعة العناية بالبشرة ان شاء الله أكون أفدتكم ..
نيجي للمكياج حبيب قلبي:L::L:
يا بنات عن جد تعبت بتعديل الصور لانه أشكال الباكيج مش ولا بد أعرضها عشان هيك طمست الصور بهالطريقة أخلاقيا وقانونيا اللي بتحب تشوف شكل الباكيج تفتح على موقعهم وتتفرج ..
3 علب مناكير + ميني كابوكي برش
المناكير ألوانهم حلوة بس جودتهم عادية يعني أكم غسلة بالماي بتقحط
اسماء المناكير متعاجزة أقوم أشوف اسمائهم .. الفوشي اسمه بتونيا – واللي بالوسط برنسيس – والاحمر أظن !!! نسيت 
اللي حابة تعرف اسمهم تخبرني راح أكتبلها الاسم بالانجليزي
والفرشاة الصغيرة ماشي حالها مش بيرفكت
F:
مزيل مكياج كريمي اسمه balms away
هدا المنتج الوحيد اللي ما فتحته لانه عندي 3 او 4 انواع حاليا مزيل مكياج العيون .. ما بدي افتحه وتنهي مدته
يتبببببببببببببببببع بليييييييييييييز لا تردوا
eye shadows مجموعة shady lady
قد ما اقول لكم هالماركة خطيرة باي شادو ما راح تصدقوا لحد ما تجربوا .. صدقا أحلى من اربان ديكاى
1- shameless shana ( لون برونزي ) ( ستاني )
2- jealous jordana ( لون أخضر زيتي غامق جدا ) ( شيمري )
3- michievous marissa ( لون دهبي على مشمشي بارد ) ( ستاني )
4- sexy stacey ( لون رصاصي غامق ) شيمري
سواتش
F:
مينيرال اي شادو mineral eyeshadow اسم المجموعة over shadow
خياااااااااااااال .. وأحلى شي بهالشادو انهم ما بنزلوا على الوجه وبخربوا الميك اب .. متل أغلب المينيرال شادو
بتلاقوا الشيمر معبي الوجه
اللي على اليمين اسمه if you’re rich , i’m single 
( لون ترابي على موفي شيمري )
اللي على اليسار اسمه no money , no honey :p ( لون دهبي فاتح شمري )
سواتش
no money no honey المفضل عندي
F:
كونسيلر كريمي روووووووعة اسمه the balm concealer
عندي درجتين light – medium ما عرفت اختار صح لاني اول مرة بحياتي بستخدم كونسيلر ..
بيجي معاه اسفنجة بس مش للاستخدام .. طريقة استخدامه بالاصبع او بفرشاة الكونسيلر .. اما بحب استخدمه باصبعي أريح وأتقن .. اما الاسفنجة اللي بتيجي فوقه عشان ما ينشف :study:
F:
الاضاءة عندي لونين
high lighter
اليمين mary lou-manizer ( لون دهبي شامبيني خطيييييييييييييييييييير أروع اضاءة for ever )
اليسار betty lou-manizer ( لون برونزي وهي برونزر أكتر من أضاءة وكمان حلوة خاصة على منطقة الاكتاف )
mary lou-manizer بسرعة بخلصوا بسيفورا وحتى من نفس موقعهم هالاضاءة متعوب عليها
الكمية حلوة
سواتش
مات برونزر bronzer
bahama mama
بستخدمه لعمل الكونتور لانه matte
F:
بلاشر blush + بودرة powder
hot mama blush + sexy mama translucent powder or anti -shine powder
البلاشر لونه بنكي بشيمر دهبي عاد شوفوه جماله على الخدود بقولوا انه بشبه بلاشر نارس اورغازيم وسوبر اورغازيم وكمان بلاشر من بنفيت .. انا فكرت اشتري نارس اورغزيم لما عملت له سواتش بسيفورا ما اعجبني كله قطع جليتر ما حبيته .. بجوز سوبر اورغازم أحلى ( رأي الشخصي مع احترامي لمحبات اورغازيم )
والبودرة من غير لون بس تعطي مات لوك بتشيل اللمعة اللي بالوجهة ازا كان الوجه مزيت وكمان بتثبت الفاوونديشن .. متل مبدأ اللوز باودر
F:
ماسكارا شيتر mascara cheater
انا اي ماسكارا بتمشي معي الحال أهم شي ما تكون ضد الماي + ما تلطخ الرموش .. وهالمسكارا مش ضد الماي وما بتلطخ الرموش ( حلوة وسوادها حلو )
F:
مجموعتي من الليب جلوس lip gloss
سواتش بس لاول 5 من اليسار لليمين الباقي ما عملت لهم سواتش لانه قوة لونهم مش متل هدول الخمسة وزمان لهم عندي
رقم 6 ورقم 7 حلوين كريحة وبيعطوا شعور بارد بارد للشفايف ( منتيين متل الليب جلوس اللي بيجي في باليت نيكد2 )
ورقم 8 جلوس عادي ريحته دوى اطفال ولونه أحمر فاتح ما حبيته قد ما حبيت الباقيين خاصة اول 5 روووووعة .. وأحلاهم عندي الدهبي رقم 5 اظن اسمه chop chop
ان شاء الله الموضوع يعجبكم واي سؤال عن كريمات البشرة او المكياج انا حاضرة .. وتقريبا شرحت كل منتج عشان الصورة توضح والموضوع يكون مفيد ان شاء الله
ماشاء الله موضوع رائع
تتهني فيهم
ويسلمووو ايديك
آنه جربت منهم الشدوهات والهايلايتر روووعه الشدوهات حسيتها طريه شوي يبيلها عنايه حابه إن شاء الله آخذ باليت الشدوهات منهم :adore:
مشكوره وجاري التقييم :thumbs_up:
ونصيحيه مني عشان تشوفين نتيجه أكثر للمنتج يكون استخدامج له بعد شهر تلاحظين انه في فرق ( الانه في بعض البنات تجربت المنتجات اسبوعين وتقول ما شفت شي ) عطي مهله للمنتج يتفاعل مع البشره انا قبل كنت هيك اتعب بسرعه من المنتجات وابي شيء سريع عشان ألاحظه وها شئ غلط الانه اذا ابي شئ سريع يكون في كيماويات كثيره عشان تشوفين النتيجه بسرعه ولاكن الحمد الله صار عندي صبر بنسبه للمنتجات البشره وكانت هذي نصيحه من بنت في يو تيوب هي خبيره تجميل و موظفه في سيفورا ..
وعشان المنتجات ما تتهي صلاحيته ضعيه في الثلاجه .. ان اضع منتجاتي في الثلاجه حتى لو كانت المنتجات 6 الى 9 شهور الانها هي فقط تاريخ ولاكن ما يخرب عند المنتج بالعكس الانه في بعض المنتجات يكون في الكريم كثير وما يخلص وهو فقط تاريخ ( عشان تعرفي انه خرب الكريم يكون مثل السائل بنسه اذا كان كريم )
حبيت اختيارج بنسبه للمكياج وسمعت كثير عن البلاش ولاكن المات ( انا من النوع اللي ما يحب اللمعه احس يسبب ظهور حبوب وظهور مسامات الوجه) شكلي بروح وبشوف المنتجات الانها تشبه ماركه بينيفت من حيث الاستايل
مشكوره على ها الموضوع تستاهلين كل خير
وان شاء الله نشوف مواضيع من مجهود شخصي وصور شخصيه
للأسف ميزانج رافض
والله يوفقج ويسعدج
تتهني فيهم يارب
موضوع جميل
تسلمي ياقمر
~
°•◦● ₪ °•◦● ₪°•◦● ₪