مكياج كل الموظفات 2024.

نداء لكل الموظفات شنو المكياج الي تستخدمينة يوميا وانت رايحة الدوام اذا كنت تستخدمين كريم اساس قولي لنا الماركة وشنو تحسين هل ناسبك ولا لا والعطر اللي تستخدمينة للدوام وتحسين انة منعش

اللة واكبر 11 وحدة دخلت ولا رد ترى واللة بزعل وبطلع من المنتدى

هلا حبيبتي …ولا تزعلين انا برد عليج ولو اني ما احط ميك اب واااايد
يعني بالنسبه للاساس احط ماك لاني احسه طبيعي وخفيف …وارسم عيني بالكحل من فوق وتحت اي شادو خط بسيط …وغلوس وبلاشر وردي فااااتح من ماك بعد ….بس اهم شي لا تنسين واقي الشمس اهم من الميك اب …خليه في شنطج عشان على نهايه الدوام اتردين اتحطين منه
بالنسبه للعطور طبعا تختلف على حسب الجو …الصيف لازم العطر فريش ومنعش…والشتا ثجيل شوي
وسلالالامتج من كل شر

مكياج الصبااح لازم يكون ناعم وحلوو بنفس الوقت

عن نفسي كريم اساس من ماركة بدي شوب وحلو للبشره وينعمها

كحل+ماسكارا+بلاشر+روج خفيف او غلووس وبسسس

والعطر انا احب عطر ستيلا +برتني الجديد رووعه

انشالله افدتج ولا تزعلين حبيبتي علييناا

انا استنخدم ماكس فكتر

بالنسبه لي احب كثير الميك اب بس وانا رايحه الدوام تعرفين تصير الوحده توها صاحيه من النوم مالها مزاج تتفنن فاهم شي بالنسبه لي بودره خفيفه على الوجه او كريم اساس ماكس فاكتر لانه طبيعي وصباحي ماسكرا وقلوس فاتح مناسب للبس والعطر احب العطور الخفيفه خاصه الصباح اللي تكون بارده ودايم افضل شانيل الور أو عطر جيرلان بس اكثر شي الور احبه كثير خاصه الصباح ماهو مزعج ابداً

بالنسبة لي

أحط أول ما أقوم الصبح أغسل بشرتي بجل ومرر ثلجة وأمسح بتونر

أو عصير البقونس

وأحط مرطب (لويس ويدمر)طبي

وأنتظر شوي

ألبس ملابسي

وبعدها أخلط واقي بكريم أساس من ماكس فاكتور

وأحطها على بشرتي

وأحط مسحة خفيفة من بودر نيفيا الجديدة أو بودي شوب

وأحط كحل

ومرطب شفاي

بس

وكان الله غفوراً رحيما

ويش اسم البودة اللي من بودي شوب ي لاهم الا هم الاخرة؟؟؟

انا احط كريم مرطب من ساشيدو وبعده فونديشن بودر من ميك اب فور إيفر واذا حابة اثقل ولي مزاج حطيت قبله فونديشن لكود من كنيبو

بعدين مسكره ومحدد وردي او لحمي فاتح بعين غلوس

بعد بلاشر وردي عشان ايضننون ان خدودي ورديه من الله(r)

انا احط سن بلوك وبعدين بودرة سسيدو وكحل داخل العين وماسكرة لانكوم وبلاشر وزدي وجلوس وردي اوجلوس شفاف بدون لون الحين استخدم عطر لوليتا الجديد وايد حلو