كيف حالكم بنات عروس الحلوات القماري ( يعني زي القمر مو حمام القمرية )
أخباركم إيه وازيكم وشحالكم إنشاء الله بخير وبصحة وعافية وسلامة ( مو سلامة ولد الجيران )
بنات عروس اليوم جايبة لكم غسالتي وفيها فنايل العزيز الغالي سعادة زوجي المحترم
2
زوجي من النوع اللي يعرق مرة وانتم عارفين أن منطقة الإبطين أكثر أماكن الجسم إفراز للعرق المشكلة إن الفنيلة البيضاء الداخلية تصفر من العرق وما عاد تنظف أبد ولا حتى تخف :pain: أنا حطيت بغسالتي الماي ويا الأريال وأشغل الغسالة دورتين واشطف الفنايل وتنشف ومافي فايدة
حطيت الكلوركس مع الإريال ما نظفت ساعدوني بنات
وهذي الغسالة معاكم حطو فيها اللي تبون بس أهم شي الصفار يروح من الفنيلة وطبعا ممنوع تغسلوا فيها ملابسكم
:pain:
أنا بالانتظار …
حبيبتي أنا كنت زيك أول ماأتزوجت كانت ملابس زوجي ماهي ناصعةالبياض وكنت في غربه لمن زجعت لبلادي سألت أخواتي عن مشكلتي في الغسيل فكان الجواب:
أحط في الغساله الصابون المبشور وقليل من الكولوركس
وأحط ملابس زوجي الداخليه والثوب يعني الملابس البيضه في الغساله وخليها تلف في الغساله لفه كامله15 دقيقه وبعد ماتنتهي الفه تخلي الملابس في الغساله تتنقع الى اليوم الثاتي أو تخليها أربع ساعات على الأقل ثم تشطف وتتغير الماء وتضعي ماء أنا أحط تايد بس وتلف لفه كامله ثم تشطف وثم أحط زهرة الغسيل ألأزرق
صح أنها تعب لكن والله تلاحظي الفرق زي زوجي لاحظه وأنا أخلي للغسيل الأبيض يوم خاص 2
عندي حل اسهل من الغسيل اللي تحسين انه مامنه فايده ..
لا تخلين زوجك يتم في الفانيلة اكثر من نص يوم ..
وفري له الفلاين بحيث انه يلبس في اليوم اكثر من فانيلة
لأن اللون الأصفر يأتي من كثر اللبس والبقاء في الفانيلة الواحدة ..
وتعرفين الجو عندنا حار جدا ..
ما عليه تتكوم عليك الفلاين .. اغسليها اول بأول بحيث انه
كلما احتاج لها حصلها .. حتى لو لبس 3 فلاين في اليوم الواحد !!
ارجو اني اكون افدتك ..
وياليت اذا في خبرات ثانية تردولنا ونستفيد كلنا
عالجي سبب الصفار أولا .. يعني ..شوفي شو يستخدم مزيل العرق .. لانه سبب في اصفرار المنطقه …
أنصح باستخدام الكرستاله اللي برول تنباع في الصيدليات
يحط عليها قطرة ماء وبعدين يستخدمها يساعد على تشيف الابط
وهذه شكلها