بسم الله الرحمن الرحيم
السلام عليكم ورحمة الله وبركاته
كيف حالكم جميعا يا بنات
اخيرا هذا هو الجزء الثاني من موضوع
"اللي بدأت محاوله تخفيف الوزن وحابه تشاركنا مشاعرها اليوم"
اللي كان من فتره موجود و بدأته على اساس نتشارك سوا و نشجع بعضنا على اننا نخسر
الكيلوات الزايده بطريقه صحيه للابد و نحافظ على اوزانا الجديده
و زي ما انتو عارفات انا بديت الموضوع لي ولكم لكن حملت فوقفت التخفيف لي لكن
ابدا ما ابغاكم توقفون عشان كذا راح اظل باذن الله معاكم لحد ما تتخلصون من كل كيلو زايد
و هذا هو الهدف من هذا الموضوع..
كلنا مع بعض نشجع بعضنا عشان نتحمس و تقوى عزيمتنا لان الوحده اذا كانت لحالها ممكن
تضعف او تكتئب لكن مع احد ثاني تتشجع اكثر و اكثر..
هذا الملتقى راح يتيح الفرصه لاي وحده تبغى تنحف انها تشارك مشاعرها مع بنات في مثل
الحاله النفسيه اللي هي فيها و تتناقش معهم و تفضفض و تستفيد من تجاربهم..
و بالنسبه لما جد على الموضوع فهو:
اولا : قررت أم القوقو تعيين نبراس الشرقيه وكيله الملتقى.. فعلا نبروسه ما شاء الله عليك
واصلتي بعزيمه رائعه و قطعتي شوط .. و الصراحه لولا جهودها و مساعدتها و تحفيزها لي كان ما
حطيت الجزء الثاني بهالسرعه.. مو و الله قصور بالباقيات من البنات لا و الله كلكم ما خلاني
اتحمس لكم الا ان كل وحده تتابع الموضوع و ترد حسيت فيه تعاون من الجميع و صدقوني
ان شاء الله ربي بيوفقكم كلكم عشان تعاونكم و حبكم للخير للجميع مو بس لانفسكم بس لا تنسون
تحتسبون الاجر…و ما ابغى اذكر اسماء اخاف انسى اي أحد و تزعل علي……..
—————-
ثانيا: أي وحده تبغى تشاركنا المطلوب تحط وزنها الحالي و الوزن اللي تبغى توصل له ان شاء
الله عشان نعمل جدول كبير تقدرون تشوفون فيه نتائج التعب و التغير في الوزن و عشان
كل البنات يتحمسون و يشاركون…
——————–
ثالثا: رجاء يا بنات من البدايه ساعدوني بانكم تساعدون انفسكم … اذا كنت فعلا تبغين تنقصين
وزنك هل تتمنين انه يرجع اول ما تخلصين و تتعبين او تتمنين انه يظل للابد؟؟؟
هذا السؤال لازم اي وحده تجاوب عليه الحين قبل لا تبدا اي شي
عشان كذا اذا كنت مستعده للتحدي و التغيير الابدي بأذن الله لازم انك تلتزمين من البدايه
بشيين:
1- النظام الغذائي الصحي:
لازم يكون صحي يا بنات صدقوني لا الريجيمات الكيميائيه و لا غيرها
راح تنحفكم و اذا نقصتي عليها شي راح تكونين اذيتي صحتك اولا و اخيرا حتى لو ما
اكتشفتي هذا الشي الحين اسألي مجربات مو وحده و انا منهم بالاضافه الى ان الكيلوات راح
ترررررررررجع و بسررعه كبيره يعني حرمت نفسك و اذيتي صحتك و لا كسبتي و لا شي
يعني كأنك تلعبين على نفسك مو بس كذا فكري ايش راح يصير لجسمك كل ما كبرتي اكثر
و كل ما حملتي ان شاء الله بطفل… و الله حرام تصير الوحده ضعيفه و لا عندها مناعه و لا فيها
حيل و صحتها سيئه كنها عجوز
و هي بالعشرينات او الثلاثينات يعني اذا عجزتي وش بيصير فيك اذا هذا حالك
الحين؟؟؟
عشان كذا كل اللي يبغون يشاركوننا هنا لازم يتعهدون معانا انهم ما يضرون انفسهم
انا ما ارضى عليكم المرض و التعب يا بنات لا ترضونه على انفسكم مو عشان خاطري
عشان خاطر صحتك و صحه اطفالك و زوجك اللي راح يعانون و يحزنون عليك لو صار لك شي
و عشان ما تلومين نفسك لو لا سمح الله بعدين حصل لك مضاعفات و حالتك الصحيه صارت
سيئه و لا اثرت على الحمل او المناعه لا تستبعدين اي شي ترى كل الناس اللي تأذوا كانوا
يتوقعون انه ما راح يصير لهم شي تتوقعين لو دروا عن اللي بيصير لهم كان ضروا انفسهم؟
الخلاصه :
كلكم يا بنات باذن واحد احد راح تنحفون تدريجيا اذا التزمتوا بتخفيف الاشياء اللي تسمن او
بانظمه صحيه غذائيه انتي و اللي تفضلينه شوي شوي بدون مرض و الاحلى انه باذن الله
راح يكون ثابت للابد بشرط انك تحافظين على نفسك بعدين ما اقول تحرمينها لا لكن
تنتبهين شوي بسسسسس..
تقدرين تخففين الاكل او تطلبين نظام غذائي من مشرفتنا عذبه الاحساس او تروحين لدكتوره
او تاخذين نظام مضمون انه صحي يعني مو اي نظام.. و انتم يا بنات تقدرون تفيدون بعضكم
بهذا المجال و تتشاركون…
—————-
2- الرياااااااااااااااااااااضه:
لحظه لحظه لا تقولين ايه هاذي صعبه ليش صعبه؟؟؟؟
الرياضه مو معناها انك تقدرين تسوينها بس لو اشتركتي بنادي و صرتي تجربين كل انواع
الاجهزه هههه لا غلط يا عيوني……….
تقدرين تسوين رياضه باي مكان و باشكال ما تخطر على بالك انا اول كنت افكر زيك كذا
ان الرياضه يعني لازم كل يوم و لازم بالساعات و لازم اروح لنادي لكن اكتشفت
اني مصعبه على نفسي الموضوع……….
ممكن و انتي في البيت و بكل سهوله..
مو لازم كل يوم خلينا نقول تبدين اربع ايام بالاسبوع تحددين كل يوم عشر دقايق من المشي
وين تمشين؟
بالسطح.. بالحوش … حتى لو تدورين وسط البيت ترى كله رياضه ..
عشر دقايق بس جربي ترى حنا نقعد بالساعات قدام التلفزيون و لا باي شي خربوطي
يعني ان شاء الله تحطين ساعه خرااااشه و أول ما تخلص العشر دقايق اقعدي بمكانك
هههههههههههه…….
يعني لا تصعبين على نفسك الموضوع و هو سهل
و اتوقع انكم كلكم عارفين تأثير الرياضه الهائل في التنحيف و مو بس التنحيف
شد الجسم عشان اذا نحفتي ما يكون جسمك مترهل
انا جربت الرياضه بدون ريجيم يعني اكل سندوتش دجاج مع مايونيز و اتمرن و اللي لاحظته
هو ان الجسم صار مشدود… و طلع شكل جسمي احلى مع ان وزني هو نفسه!!
لا تحرمين نفسك و صحتك جربي وش انتي خسرانه
و الله لو نعرف اهميه الرياضه كان طرنا نركض وراها بدل ما نركض ورا شوبينغ و تسوق
و شراء ملابس تكرهنا باجسامنا اكثر.. الرياضه تحررررررق السعرات حررررق..
و ممكن برضه تكونين تسوين رياضه و انتي ما تدرين عارفه و لا لا؟؟؟
لعبي عيالك او اي اطفال حولك
تعرفون لعبه طيري طياره اللي تنسدحين على ظهرك و ترفعين الطفل برجلينك فوق؟؟
او تشقلبينه او تركضين وراه (شوي شوي لا تكسرين العيال)
تخيلي لو كل يوم لعبتي شوي من هالالعاب..
1- بتحرقين سعرات و انتي تلعبين
2- بتكسبين الاطفال و تخلينهم يسمعون كلامك و بيحبونك و تذلينهم اسمعوا كلامي و لا
ما فيه لعب خخخخخخخخخ………
3- احتسبي الأجر و باذن الله لك اجر بتلعيب الاطفال
اما بالنسبه للي تقدر تروح نادي الله الصراحه انا اتمنى لو يحصل لي احس اني بستمتع فيه
و يمكن زادعشاني محرومه من هالشي حتى قبل احمل ما كان
عندي مواصلات لكن ترى متعه و فائده ما قد رحت الا 3 اسابيع كانت مره حلوة
تخيلوا يا بنات هالشي:
لو تتفقين مع وحده من زميلاتك او اخواتك او اي وحده تعرفينها انكم تروحون سوا لنادي
تمشون مع بعض بالنادي و تسولفون ما راح تحسون بالوقت و لا تتعبون زي الوحده لما تكون
لحالها.. تخيلي تركبون الدراجه مع بعض او تسبحون او تاخذون كلاسات شد البطن سوا..
ترى شي ممتع و فيه بعد فايده ما تدرون عنها
يرفه عن الوحده شوي انتم تعرفون كيف ضغوط الحياه تخلي الوحده تكتئب لكن لما تطلع
و تشوف الناس و تغير جو و بنفس الوقت تحط حرتها بالرياضه راح تنفس عن الغضب و الشحنات
و تهدى نفسيتها بعد التمارين..
عشان كذا ابغى كل وحده تبغى تشاركنا انها توعدنا و توعد نفسها انها تسوي رياضه
بالشكل اللي تقدر عليه و اللي يناسبها…….
———————
انا عارفه اني طولت الكلام عليكم كثييييييييير بس حبيت من البدايه نبدا صح عشان نمشي صح
و بعد كل هالهذره شوفوا النتيجه ان شاء الله لاني حطيت لكل وحده صورتها قبل و بعد
ايه انا صورتكم خخخخخخخخخخخخخخخخخخخخخخخ..
شكلك قبل:
شكلك بعد:
هاه وش رايك؟؟
تبغين أي شكل؟؟؟؟؟؟؟؟؟؟
انتظر ردودكم و رأيكم………………..
انا راح ابدأ
وزني الحالي 61كيلو
الوزن اللي ابي اوصل له 50 او55
بالنسبه الى سؤالك اي شكل تبين اكييييييييييد الشكل الثاني
انا اسوي رياضه 4 ايام في الاسبوع
واستعمل سيكل الدراجه الهوائيه
وامشي في البيت
نظامي الغدائي مش متوازن يبي له تعديل هههههههه
يلا نبي تفاعل من البنات اللي كانوا معانا وغيرهم بعد
حيااااااااااااااااكم الله
هدا موقع لحساب الوزن المثالي
ما شاء الله عليك بدايه و حماس ان شاء الله دوم
و يعطيك الف عافيه على التمارين ان شاء الله كل البنات يستفيدون منها
و خلينا نشوف ردود البنات ان شاء الله يتحمسون بعد كل هذا..
الصراحه اتعرفين تقنعين
انا وزني تقريبا 63 من شهر ماوزنت بس انا اعرف انه وزني ثابت
ماشاء الله من سنه تقريبا وهو مناسب وايد على طولي
ابا انزل وزني 8 كيلو يعني ابا وزني 55كج بإذن الله
وانا من النوع الي ماحب احرم عمري من الاكل الي في خاطريه اكله
وشريت حبل ادري حشرتكم فيه
بس مستانسه ارد ايام الطفوله خخخخخخخخخخخ
بس ابا استمر على نط الحبل وتمارين عشان الخصر
وبحاول اخف من العيش بسبته طالعتلي كرشه
وشو بعد
اذا سويت اي شي بخبركن
ويسلمووو عالتشجيع وعلى هالموضوع الي يدل على انج اتحبين بنات المنتدى
وتبيلهن الخير
ومبرووووك على الحمال والله يقومج بالسلامه يارب
حياك الله معانا يا عسل ان شاء الله تستفيدين
اجل تقولين اعرف اقنع ؟؟ ممم فكره بصير مندوبه مبيعات خخخخخخخخخ بايخه ادري هههههه
ما شاء الله عليك الحبل حلو كثير بس قليل ناس يقدرون او يبغون يجربونه لانه يبغا له لياقه و خفه
يعني يبغا له بنات صغار مو حريم (احسن خل كل البنات يقولون انا صغيره و ينططون ههههههه)
لكن عن تأثيره اتوقع مرررره فعال ان شاء الله و احسه رياضه ممتازه
ان شاء الله تنحفين معانا بدون شر يا رب و توصلين للوزن المطلوب و انتي بصحه و عافيه
و مشكووووره على مشاركتك لا تقطعين و قولي لنا وش يصير معاك..
—————————–
صار معنا للحين
نبراس الشرقيه الوزن الحالي: 61 الوزن المطلوب:50
صلصوحه الوزن الحالي: 63 الوزن المطلوب:55
و كل الثنتين الحلوات ما شاء الله رياضه و بيخففون ان شاء الله يعني احنا ماشين صح…
ان شاء الله كلكم يا بنات تشاركون و تستفيدون
احتمال اغيب عنكم كم يوم بس ابغا ارجع القى ردود خياليه و القى همه و حماس .. راح ارد عليكم لين اسافر بس لو غبت
نبروسه ان شاء الله بتكمل و تتابعكم لين اجي..(مصدقه نفسي مديره خخخخخخخخ)
بالتوفيق
اا وانتي تقريبا متقاربين في الاوزان
انا ابي انقص 55في البدايه وبعدين اوصل 50
ووزني ثابت من3 اشهر
هلا وغلا بالمديرة ام القوقو
مسكوره حبيبتي على تشجيعك الدائم لنا
وتسافرين وتردين لنا بالسلامه
وادعي لنا يا حلوة
الله يكون في العون
وشلونكم اليوم ان شاء الله تمام
حياك الله لوليتا معانا و ما شاء الله عليك ماشيه عال العال
ما بقى الا القليل
شدي الهمه خلاص قربتي تفوزين على الشحم اللدود
و باذن الله للابد
عقبال الباقيات كلهم ان شاء الله
يعني للحين صار معانا:
1- نبراس الشرقيه الوزن الحالي: 61 الوزن المطلوب:55 (و لما توصلين لها ان شاء الله نحط 50)
2- صلصوحه الوزن الحالي: 63 الوزن المطلوب:55
3- لوليتا الوزن الحالي:58 الوزن المطلوب:54
——————————————————–
ما ادري يا بنات انا قلت لكم اللي بقوله الحين او لا
اللي هو اننا راح نسوي قروبات و فئات علشان اللي اوزانهم متقاربه يتحدون
بعض و يصير بينهم تنافس
هاه وش رايكم؟
اذا عجبتكم الفكره نطبقها و اسوي لكم قائمه فئات الاوزان اذا تحبون…
لا تنسون تردون لي..
على فكره عارفه تقولون وش جايبها هاذي هنا مو بتسافر خخخخ
لسا بعد العشاء ان شاء الله ادعوا لي اوصل بالسلامه
بس لحد العشاء ان قاعده على قلوبكم هنا ههههههههههه