### ملف للأكلات المصرية,,,,واتفضوا بالمشاركة ## 2024.

1 كوب عدس بجبة (العدس أبو قشرة سوداء من عند بائع البقول)

2 كوب أرز

1 كوب مكرونة صغيرة

12 كوب شعرية

12 كوب حمص شامي

4 بصلة كبيرة

2 كوب عصير طماطم

1 ملعقة صلصة طماطم

3 فصوص ثوم مدقوقين

خل و ملح و كمون

2 حبة طماطم متوسطة

زيت ذرة

الطريقة:
=======
1- نغسل العدس جيدا و نتركه ينشف ثم ننقيه ثم نسلق العدس في 2 كوب ماء و بعد السلق نتركه في ماء سلقه.

2- نقطع البصل أربع إرباع ثم شرايح رقيقة جدا و بعدين نحضر حلة الطهي (إناء يكفي تسوية 3 أكواب أرز مثلا) و نضع فيه كمية من الزيت لتحمير شرايح البصل و نقلب البصل باستمرار. ناخد بالنا إن البصل ميتحرقش يعني أول ما يكون لونه ذهبي مائل للاحمرار نبعد الحلة عن النار و بعدين نميل الحلة على جانب بحيث أن الزيت يفصل عن البصل و بالملعقة ننشل البصل (نرفعه) من الزيت في قلب الحلة على الجانب الآخر من الزيت و بعدين نضعه في طبق مسطح مفرود و نوزعه بالملعقة عشان ميلزقش في بعضه.

3- في نفس الزيت نضع العدس المسلوق بمياهه (أنها سبب لون الكشري المتعارف عليه شبه رمادي) و نضيف 12 ملعقة ملح و نتركها تغلي ثم نضيف الأرز بعد تنقيته و غسله و أهم حاجة تكون المية مغطية الأرز و العدس و نقلبهم كويس و نغطي الحلة و بعدين نوطي النار لما نحس ان الأرز بدأ يشرب المية ، يعني نسويه بعد كده زي مبنسوي الارز عادي.

4- نسلق الحمص في ماء مملح و نصفيه من الماء. و نسلق المكرونة في ماء مملح و بعد تصفيتها نجيب حلة فيها شوية زيت نسخنه كويس و بعدين نضع المكرونة و نقلبها في الزيت تقليبتين و نوطي النار و نسيبها دقيقتين و بعدين نطفي النار.

5- نحمر الشعرية في شوية زيت و بعدين نضيف لها شوية مية ساخنة تغطيها و نملحلها و نسويها زي الأرز.

6- ناخد الجزء الأكبر من الثوم المدقوق و نقلبه في شوية زيت في حلة إلى أن يصفر لونه و بعدين نضيف عصير الطماطم و لما تتسبك (تبدأ تنشف من المية) نضيف لها الصلصة و الخل و الملح و الكمون و نقلبهم و بعدين نضيف لها ماء حتى يصبح قوامها معقول زي الصوص لا غليظة قوي و لا خفيفة قوي. و نطفي عليها لما تغلي.

7- نقطع الطماطم مكعبات و نضيف لها خل و ملح و كمون و بقية الثوم المدقوق و ماء و تبقى سلطة بالدقة. في ناس مش بيضيفوا طماطم و بيعملوها دقة بس و يضيفوا لها شطة حمراء مطحونة.