الله يعطيكن العافيه…المنتدى روعه
انا مسجله في هذا المنتدى من فتره لكن ما أشارك وايد
بس كنت دايما ادخل المنتدى وصراحه إستفدت منكن وايد
حبيت اليوم أسألكن عن طريقة ريوق أو فطور يديد أو مبتكر
ملينا من البيض والطماط والفول والجبن واللبنه 🙁 أكيد كل وحده فيكن لها طريقتها وأسلوبها ياريت نتعلم منها
والسموحه على هذا الطلب بس حبيت أستفيد وأغير[/grade]
:shy:
مو بس الريوق حتى العشاء
ولا حد رد 🙁 😥
صراحه عدم رد الأعضاء على بعض
هو السبب الرئيسي اللي يخلينا نتفرج بدون ما نشارك
شكرا………تحياتي
:pain:
..
والله وياكم ماعندنا افكار غير هالسوالف
يااما بيض او انواع الجبن والمربى
ادلع روحي ساعات واحط جبن مملح وزيتون وتفاحه >>يازعم كشخه خخخ
..
..
ان شاء الله يفيدونا العضوات ومايقصرون
يالله ننتظر الافكار
ونبغى حركات خفيفة للعشا تمللنا من العشا الثقيل والمتعب
..
..
الله يعطيك الف عافية خيو على الفكره الحلوة
ولا حرمنا مشاركاتك الرائعه
..
..
أم قاسم ..تحياتي
..
.
..
الريوق لازم يكون شئ خفيف مثل الأصناف الي ذكرتنها البيض الجبن المربى ممكن تنوعن بالخبز طبعا الي تسونه في البيت أو الي من المخبز .
بالنسبة للعشى عندك البيتزا الفطاير دجاج الكنتاكي البيتي المكرونه بانواعها بالبشميل أو بدون الشوربات بأنواعها دجاج مع الخظار . مسقعه وأشياء كثيرة ومعظم طريقت عمل هالصناف موجوده في هذا الركن.
أولا بما أن ماحب الجبن ، فسندويشات الشغل معروفة (بيض، فول، طعمية مقلية أحطها في صمون، أحيانا بيتزا صغار، سندويش عسل)،، وأحينا نطلب من برع يوم في الإسبوع..
بس لما أفطر في البيت بيض، زيتون، عسل، فاصوليا حمراء…
دوري بالركن وبتشوفي طرق كثيرة تساعدك…
اول وحده ..
سندويش جبن مغلف بالبيض ومقلي روووعه
الطريقه :
تاخذين روتي توست وتدهنينه بجبن او جبنه شرايح
في مله تحطين البيض معا ملح وفلفل ابيض وتغمسين السندويش فيه وتقلينه ..
يطلع رووعه ..
وممكن تحطين مشروم وبينز ..
الاومليت تقدرين كل يوم تسوين اومليت شكل يوم بالجبن والمشروم ،، ويوم بالطماط والفلفل .. وحسب انتي ماتحبين ..
البيض المخفوق ..
وطريقته سهله وحلوه ..
تخفقين البيض معا فلفل وملح
تقلينه معا تحريك مستمر بحيث مايكون قرص ..
ولي بدا يستوي حطي شوية حليب فرش وجبنة كرفت ملعقه حركيه شوي ..
ويناكل معا خبز او تعملينه سندويش معا شريحة طمام وخس ..
هاي الي جا على بالي اتمنى اني افدتكم بشي ..
حالياً انا اسوي رجيم اتكنز و لقيت موقع فيه اختراعات للريوق واايد يم يم
بس يباله ترجمه, إن شاء الله بترجم بعض الوصفات اللي تنفع للريوق و بحطها
و بنات اللي تمل من الجبن و البيض و السندويتشات, ترومون تسوون كريب بالمربى
او تسوون سندويتشات بس يكون فيها انواع مختلفه من الخضره بدل الخس و الطماط !!
و الجبن ترا في انواع تقدرون تغيروون بينهن
اومليتات ع كيفكم, سلطة فواكه 😉
و بعد في كويش (اللي مثل الفطاير بس غير)
الخيارات وايد, بس كل وحده تحدد الوقت اللي عندها الصبح تسوي ريوقها
و اللي عندها بشكاره بترتاح 
انا عني ماعندي بشكاره ف كل يوم اخترع شي, و في اسوء الحالات يعني اذا كنت متأخره
اطلب ريوق من اي كوفي شوب جريب من الدوام و يسوون توصيل
بنات مب لازم تلزمون عماركم بشي ممل و يلوع جبدكم من الأكل
هههه تراني كنت جي لين ما صرت اكره الأكل, و بعدين عودت عمري على التغيير
و الحين و انا اسوي اتكنز, ادلع عمري ع كييييييييييفي
(f) مشكوره الغاليه على المرور والرد الطيب
ريحانة القلوب
(f) مشكوره حبيبتي على الرد واحنا ما قلنا نبغي مجبوس والا برياني
نبغي فطور مبتكر ..خفيف ..وجديد.. وحبيت كل وحده تفيدنا وتقولنا
طريقتها………..يسلمو خيتو على المرور…….
رانيا البحرينيه
(f) مشكوره الغلا على المرور الطيب …. تحياتي
نونوقطر
(f) تسلمين يا عسل على المرور الطيب……..لا خلينا
وإنشاء الله بجرب طريقتج شكلها لذيذه.. يم يم تحياتي
serenity
(f) مشكوره على المرور الطيب………تحياتي