سافرنا مصر
وسكنا في فندق سيتي ستارز في مدينه نصر
الفندق جديد و راقي وخمس نجوم .
سكنا في غرفة عادية
بس بصراحه ( وهذا رأي شخصي ) ارتحت فيها وايد !
حسيت بها ذوق ورقه واحساس عالي بالألوان .
يضاف الى ذلك , انها غرفة ( عملية ) يعني توفر لج خدمات وايد
ضمن مساحه مب كبيره وايد !
وطبعا هذا معروف في عالم الفنادق ( يعني مب شي يديد ) !
اللحين شوفو هذي الصوره للغرفة
طبعا اعتذر عن ( صغر ) الصورة !
بس ما باليد حيله !
لأني أخذت الصوره من موقع الفندق في النت
يعني ما صورتها بنفسي !
ملاحظاتي عن الغرفة بوجزها في نقاط :
1- الشكل المستطيل للغرفة سمح للمصمم أنه يوفر مساحات كافية لقطع كثيره من الأثاث .
2- سرير النوم بسيط في فكرته , لكن جميل في تصميمه , ونوع الخشب ممتاز .
3- الكنبه رومانسية وحالمه وموقعها استراتيجي مقابل طاولة التلفزيون .
4- حجم النافذه كبير جدا , اعطى اضاءه طبيعيه مريحه للنفس .
5- توظيف الكورنر لوضع كنبة استرخاء من جانب , و مكتب من الجانب الآخر !
6- المساحه المقابله للسرير تحتوي على الطاوله والمراية ( غير ظاهره في الصوره ) .
7- الحمام موقعه في المدخل , ويقابله دولاب الملابس وكورنر الكوفي ( غير ظاهرين في الصوره ) .
8 – الصبغ عادي ( فلوماستك ) ورخيص لكنه ( من وجهة نظري ) احلى بوااااايد من الأصباغ الزيتيه
السائده عندنا في الخليج !!
9- الجبس بسيط ورقيق ومتناسق مع روح الغرفه .
10 – الموكيت جميل ورقيق وعاطي خصوصية للغرفه , وأشوفه احلى من الجرانيت , وان كنت
ما أفضله لسلبياته على الصحه .
هذي كل ملاحظاتي على الغرفه .
المهم
سألت موظفة الرسيبشن عن مصمم الغرف
قالت لي , هو مصمم فرنسي ( رئيسي ) مع مصممين مصريين ( فرعيين ) !
الخلاصة :
قررت أسوي غرفة نومي ( الماستر ) بنفس الأسلوب !
وانا اللحين بديت في تصميم البيت !
المطلوب منكم حبيباتي
تعطوني ملاحظاتكم على الغرفة
واذا كانت عندكم أي اضافات ؟
أختكم ( بوح القلوب )
انتي شفتي لون الاثاث كبار وكل وحده لون جنه حريم متان وكل وحده لابسه غير عن الثانيه
اسفه هذا رايي والله المستعان
والجبس صار هذا الدارج خاصة في غرف النوم … بوردر عادي بلون ابيض او لون خشبي وخلاص
الحلو في الغرف من هالنوع مثل ما قلتي المساحة .. وانا يعجبني كبر النافذة … يعطي اتساع وانارة كافية للغرفة
اما عن الاثاث والالوان فهذا شي راجع لك
ملاحظة بسيطة : يفضل عدم وضع تلفزيون في غرف النوم
ومنزل مبروك مقدما ياحلوة .. ولو احتجتي اي استشارة احنا في الخدمة
انا قلت في البداية ان الغرفة ( عادية ) !
وكل كلامي ينصب على حسن التريتيب والتوظيف الجيد
اضافه الى الراحه و العملية !
اما الفخامه فأنا ما اتكلمت عنها ابدا !!
لكن بخصوص قطع الاثاث , اختلف معاج
كل القطع احس بها حلوه , ومتناسقه .
ومشكوره يالغاليه على اهتمامج .
ـــــــــــــ
الغاليه مرموم
اتفق معاج قلبا وقالبا في ( عدم وضع تلفزيون في غرفة النوم ) !
وطبعا وضع الغرفة اللي في الصوره مختلف
لأنها غرفة فندقية !
ومشكوره يالغاليه على اهتمامج والله يبارك فيج .
,, بالعكس انا احس الغرفه ستايلها حلوو .. عجبتني مره لانها بسيطه ومتناسقه ,,
,, الله يوفقكي يارب.. بس ممكن تخليني الفخامه تسود على غرفتك بانك تغييرين بالابجوره..والــلوحه .. احس راح تطلع غرفتك ان شاء الله تجنن ,,
..::..
تحيــاتــي
يا دلوعة القصيم على مرورج
واعتقد ان ذوقنا متشابه الى حد ما