حبيباتي اختي ريلها مسافر وبي اخر الاسبوع :shy: وتبا اتسوي شي يديد في الغرفه والحمام وهي من قبل استخدمت
الشموع والورود الطبيعيه الي طبعا انثرتهن في كل زاويه مع الشموع فحاااااابه اتسوي هالمره شي يديد ومختلف وغريب اذا]
اتـمنى ماتبخلن على بافكاركن الحلوه والمبدعه اتريا الرد
بتحاترين من الاشياء الي موجوده فيه
والله يسهل امرج
امممممممممم ييبي دبه مسافي او ماي العين
وغلفيها بطريقه حلوه
وخلي داخل الدبه رساله وسكريها عدل وخليها طفي فالمااي
صدقيني بيستانس وايد من هالحركه
وييبي شموع اللي تطفي ع المااي
او نفيخات اصغار
وع زاويه المسبح خلي كمن شمعه ولا ورد طبيعي احمرر
اما حق الغرفه خليها اتييب قلوب واتعلقهن بخيط
واتنزله من الثريا
بيطلع شكله روووووووعه
ومن النص اتنزل ورد احمر طبيعي ( يكون مربوط بخيط )
اممممم
ولا تخلي ع طرف السرير شريطه حمره كأنها مربوطه وفيها رساله
ويمكن بعد من الورد تكتب ع السرير اي عباره مثل احبك فديتك
ربي لا يحرمني منك اشتقتلك ..الخ
واذا تبا اتغير بعد فيه فالهوم سنتر مجموعه ليتات صغار ع شكل قلوب
او نجوم او دوائر حلووو يمكن تستبدله بالشموع
والسموحه اتمنى اني اكون افدتج
