بغيت منكم طريقة أكله سعوديه اسمها المعصوب …. يا ريت الطريقه ,,,
ومن أخواتي أبغي بعد طريقة عمل الخبز اليمني اللي مع حبة البركه ويكون مثل
الفطير المشلتت بس أحلى وأحلى ,,,,,
ما أحبها ثقيله
بس مرة كنت عند صديقتي مكاوية، و سوته قدامي، لكن ما أذكر الكمية بالضبط…
جيبي خبز لبناني أبيض أو بر و قطعيه قطع صغيرة، صديقتي قطعته بمقص المطبخ…
في مقلى عميق ذوبي كمية من الزبدة و أضيفي لها الخبز و حركي على نار هادية لحد ما يصير الخبز لين…
جيبي موز مقطع شرايح و أضيفيه للخبز مع علبة قشطة و سكر أو عسل، و أهرسيهم بمهرسة البطاطس لحد ما يتجانسون…
و إذا تحبين ترشين عليه قرفة…
و بالنسبة للخبز اليمني اسمه بنت الصحن…
أنا بعد ذقتها مرة و عجبتني و دورت عليها في النت و لقيت هذي الطريقة و طلعت مضبوطة و لذيذة جداً…
4 أكواب طحين
بيضتين
1 ملعقة كبيرة خميرة
نص ملعقة صغيرة بيكنج باودر
1 ملعقة كبيرة سكر
1 ملعقة كبيرة حليب بودرة
1 ملعقة صغيرة ملح
كاس ماء
بيالة زيت
أعجني المقادير مع بعض، و خمريها لمدة ساعة…
الحين يبدأ الشغل:
جهزي عندج بادية فيها سمن أو زبدة مذوبة… و بيضة مخفوقة…و صينية فرن دائرية كبيرة…
1- قسمي العجينة لكور بحجم البيضة تقريبا…
2- بعدين رققي كل كورة بشكل قرص رقيق، و باليد حاولي تمددينه شوي شوي لين يصير رقيييق…
3- الحين حطي القرص في الصينية و أدهنيه بالسمن… كرري الخطوات: رقي العجينة، مديها باليد، حطيها في الصينية و ادهني الوجه بالسمن… لين تصير عندج طبقات كثيرة و رفيعة مثل الكيكة…
4- ادهني الوجه بالبيض و رشي عليه سمسم و حبة البركة….
5- دخليها الفرن بحرارة 350 لحد ما تتحمر…
و ألف عافية عليكم (f)