ابي المساعده من اي احد عنده خبره مب كلام علمي يعني مو مجرب عندي بنت عمرها ثمان سنوات ومجننتني دايما تخاف من اقل شئ حتى في النهار لما اطرشهه الغرفه تفتح جميع اللمبات وتاخذ اخوها معاها مع اني ما اتبع اسلوب التخويف ولا اخليهم يطالعون الافلام المرعبه حتى اخوها صار مثله من كثر ماهيه تخاف لدرجة ان ما تركب فوق للغرفه بعد اذان المغرب ولو اللمبات مفتوحه وحتى لو تكلمت بصوت مرتفع شوي تخاف وبعد في الليل لما ارسلها تنام دايما تتعذر بالم في بطنها يعني لازم اجلس معاها لما اتنام مع ان اللمبه مفتوحه طول الليل ولما تقعد اتجي الغرفة عندي تنام جمبي مع ان غرفتهم مفتوحة على غرفتي
حبيبتي الله ياعدش معاها
لمه كنت صغير كنت وايد اخاف وللحين ما اضل في الشقه بروحي
بس الله يرحمه ابوي كان يعالج هذا الشي فيني ما اقول انه اختفى بس صرت غير شويه يعني يقول حقي روحي غرفتي وتكون في الطابق العلوي ويبي الشي الفلاني
اقوم اتعذر واقول له اي شي يصر اني اروح ولمه اروح اوقف في اخر ضوء للدرج واقعد اصيح ويحاول مره ثانيه ويايه يعني لازم اجيب الشي إلي طرشاني حقه واحاول مع نفسي لين ما اروح في الظلام واوري لمه الغرفه واخذ الشي وفلت على تحت خخخخخخخخخخخخخخ
بس الحمد لله خف الخوف مع الأيام ،، بس الحين ما اخاف وايد بس وايد اتزهق ولاقل شي
يمكن يكون هاي الشي وراثي احد منج او من زوجك يوم كان صغير كان يخاف او من احد الاجداد …واتمني البنات يفيدونج.