أنا لي أول مشاركة في هالمنتدى وأتمنى إنكم تساعدوني وما تخيبون ظني :shy: في تأثيث صالة بيتنا.
يا بنات أثاث الصالة باللون الأخضر الزيتوني مع مكتبة التلفزيون والطاولات باللون الأسود بس محتارين في لون الستاير والسجاد شو ممكن إندخل لون يكسر هاللونين ويركب معاهم في نفس الوقت ؟؟؟
بخصوص الستاير هل تكون سادة وأي لون ؟؟ والسجاد بعد شو لونها ؟؟
أتمنى تساعدوني ويزاكم الله كل خير
بغيت لون ثالث يركب مع هاللونين للستاير ، السجادة ، الخداديات والإكسسوارات ؟؟ ..
أنتوا كرماء وانا أستاهل
أنتظر الآراء
معقولة ما في ولا وحده عندها خبرة في الديكور ممكن تفيدني وتكسب أجر ؟؟!!!!!!!!!!
يالله في الإنتظااااااااااار
انصحج تحطي صورة للصالة حتى تسهل على الاخوات مساعدتج
ومشكورررة
عزيزتي يتيمة 2024
أنتي أخترتي ألوان محايده وسهله جداً
يعني أي لون يخطر على بالك ممكن أنه يتناسق مع الأخضر والأسود
فشوفي أنتي أي لون تفضلين
كإقتراح
ممكن تجربين ألوان قويه مثل الأحمر أو الرتقالي لإعطاء لمسه منعشه
أو ممكن تجربين اللون الزهري أو الموف لأعطاء لمسه حالمه
أو الدرجات الترابيه لأعطاء لمسه طبيعيه وكلاسيكيه
والدرجات الترابيه تتيج لك خيارات عديده من حيث الألوان
مبتدئة بالبيح الفاتح أو الأوف وايت حتى البني الغامق المائل للسواد
وكلها تتناسق بشكل جميل جداً مع الأخضر والأسود
والأكسسوارات أيضاً ممكن تختارينها بأي لون سواء الفضي أو الذهبي أو النحاسي أو الصدفي الؤلؤي
بس عموماً لو أخترتي ألوان بارده أختاري الفضي والذهبي مع الألوان القويه يكون أفضل
بالنسبة للسجاد أتوقع اللون الغامق يكون أفضل وطبعاً حسب الألوان إللي أخترتيها
بس عادة الألوان الغامقه الحياديه مثل البني أو الأحمر ستعطي شكل جميل
موفقه إن شاء الله
بس للأسف ماعرف انزل الصور جان حطيت
يزاج الله خير
أشكرج من كل قلبي على مساعدج لي وأنا فكرت في الأحمر بس كنت مترددة إنه مايركب مع هاللونين وإن شاء الله راح آخذ بنصيحتج
الله يجزاج كل خير
هلا عزيزتي يتيمة 2024
أنا بصراحه ردي كان مستعجل
كان عندي موعد في المستشفى فرديت عليك بسرعه
فما كان عندي وقت أشوف لك صور كفايه
بس أنا مثل ما قلت لك ألألوان إللي أخترتيها حلوه وحياديه
يعني لا تخافي إنك تحطين شي ويطلع مره شاذ
والأحمر أكيد بيطلع حلو
موفقه عزيزتي
مثل ما إقترحتى حطيت السجادة باللون الأحمر الغامج واللحين أريد رايج في لون الستارة شو ممكن تكون لونها ؟ وهل ممكن أدخل معاها لونين ؟ وشو ممكن يكونون هاللونين ؟ على فكرة لون الجدار أبيض
والمخدات كيف أنسقهم؟ يعني كيف أدخل ألوان تركب على اللون الزيتوني؟ وألوان الأثات الباجية
والإكسسوارات هل أحلى بيكون اللون الفضي أو الذهبي؟؟
أنتظر ردج
يزاج الله كل خير
عزيزتي يتيمة 2024
دام أنك أخترتي اللون الأحمر للأرضيه
أعتقد الأفضل أنك تكملين بألوان دافئه
مثل البرتقالي والأصفر والأحمر الناري
بس بما أن الحائط لونه أبيض
أعتقد إن الألوان القويه بتكون صارخه على لون الحائط لو أستخدمتيها للستاره
لذلك أستخدمي هالألوان لللمخدات مثلاً ومفارش الطاولات
تمنيت لو أن لون الحائط بيج كان راح تتناسق معاه الألوان أكثر ويظهر بشكل أجمل
بالنسبة للستاره أعتقد أن أفضل لون ممكن يكون الزيتي
عشان يصير بعد مناسب للأثاث
ولو حبيتي تدخلين معاه لون ثاني ممكن أحمر غامق بس ما يكون فاقع
يعني مثلاُ لون الأرضية إللي أخترتيه
وممكن بعد تختاري تدرجات من اللون الأخضر
أما الأكسسوارت أعتقد أن الذهبي أو النحاسي
راح يكون أفضل إذا أنك أخترتي هذه الألوان
هذه صوره ممكن توضح "نوعاً ما" خلطة الألوان
وياريت نشوف آراء باقي العضوات