السلام عليكم خواتي العزيزااااااات ….
ممممم انا منحرجه شوي من الموضوع إلي بكتبه لكم .. بس إسمحوولي لأن والله هالشي موجووده …
وانا أشوف إنه منتشر بالمنتديات بعد …. :ss:
شرايكم بالبنات إلي ماتزوجوا … وقاعدين يكتبون مواضيع زوجيه … وجنسيه ,,, !!
بصراحه ماأدري إشلوون البنت تقبل تكتب في مثل هالمواضيع … ويييين الحياااااء …؟؟؟
أستغررررب لما أقرى موضوع مشووق .. ورمانسي ’’’ وفي الأخير ألقى بالتوقيع … إدعوا لي بالزوج الصالح ….. !!!
اوكي انا ماأقول حرام البنت تعبر عن أشياء تدوور في بالها .. وتتخيلها … بس مب بهالأساليب الجريييئه …
والله حتى المتزوجه وأم العيال ’’ تستحي تقرااا ….
انا وحده تزوجت صغيره .. كان عمري 18 سنه …
حاليا انا كملت 4 سنوات ماشالله ولله الحمد … وتوني من سنه بس قدرت أتكلم عن الزاج ’’ والحركات الرومانسيه ’’ وإلي تأثر عالأزواج … وقبل لأتزوج مااعرف ولا شييييي …
ممممم مادري إشلوون نتقبل مواضيع جنسيه ومثيره .. من بنات مراهقات ,, ويفكروون بخيالاااات وجايبينها من مسلسلااات فيها جرئه وفتنه ….
انا ماني متشدده وااااايد .. وعادي آخذ بالكلام إلي فيه فايده لي ,,
بس انا أسأل وين الحياااا ؟؟ … والله إني ماكتبت لكم إلا بعد ماشفت بلااااااااااووووي ومواضيع أجرأ من الجررررئه وصور قويه … وفي الأخير غلي تحطها بنوته ماكمل عمرها 17 ولا 18 سنه …
اوكي إحنا ندري إن العالم صار فيه تفتتتتتح كبيييير .. وأغلب البنات صاروا يعرفوون أكثر من الحريم المتزوجات والامهات …
بس إنتوا شرايكم بهالشي ’’’ ؟؟؟
تأيدوون إن البنت تكوون متفتحه وإسلوبها جرييييييء لدرجة إنها تعرض مثل المواضيع القويه…؟
او تخش إلي تعرفه لها .. وإن شالله يوم تتزوج تجرررب وبعدين تكتب ….
ماتلاحظوون إن الصوره إنقلبت …. !!
يعني البنات ماعاد يستحووون … وإلي تستحي هي المتزوجه وأم العيال …. ؟؟؟؟
شرايكم ؟ ياليت تشاركوونا بآرائكم … !!!
هذا زمن العجايب وانتكاس القيم
وزمن حق فيه الباطل مكان الحق وكل شئ تغير
صارت دنيا غريبه عجيبه وبالذات الي يبعدون عن ربهم
وفعلا حتى امي تقول وين بنات زمان من عشر سنوات تقريبا ووين بنات هاليوم
تلقين الوحده ما طلعت من البيضه وما كملت ال17 سنه وتجلس تدعي قدام
الحضور وقدام الحريم الكبار يارب اتزووووووووووووووج وابي اسوي عرس كبير
اوكي كلنا ودنا بس وين الحياء والكرامه ؟؟؟؟؟
حتى في اللبس في الزواجات والرقص الجرئ عند المراهقات شئ يسود الوجه الصراحه
وشئ يحسسك ان هالبنات استغفر الله ما قد تربوا او عرفوا الادب والحياء .
انا انسانه متوسطه في كل شئ وكل شئ بحدود حلووو ويجنن
بس كل شئ يزيد عن حده ينقلب ضده واكيد كلكم معي.
وبالاخير اقولك قالوها الي قبلنا وما كذبوا فيها…….((ان لم تستحي فأصنع ما شئت))
والله يتتم علينا اخلاقنا ويهدي هالبنات
تحياتي
صدقتي يا اختي
…….((ان لم تستحي فأصنع ما شئت))
و انا معاج اختي في هذا المثل
اكيد ان هذه الموضيع تكون حساسة …
و خاصتا على المراهقات و ما ادراك ما المراهقة ؟؟
الله المستعان
يزاج الله خير على الموضوع
لما اوصل لنهاية الموضوع واكتشف انها مو متزوجة
يضيق قلبي وتلوع شبدي بصراحة!!!!
وبصراحة اتنرفز اكثر لما يبررون اهتماماتهم هذي باسم الرومنسية
هذي للأسف قلة حياء مالها مسمى ثاني
ولو انه باقي عندها ذرة حياء تكتفي بالقراءة بدون تعليق او اضافات!!!
الله يهديهم البنات يشغلون نفسهم بهذي الأمور اللي تاكل طاقاتهم وافكارهم
بدل ما يوجهونها ويستثمرونها لمصلحة انفسهم ومجتمعهم
الله يهدي بناتنا ويجملهم بالحياء ويحسن حالهم واوقاتهم
وتسلمي حبيبتي على الطرح القيم …
انا من وجهة نظري ما اشوف فيها شي لو البنت تقرا عن الثقافه الجنسيه
اكيد الا بتقرا بتكون تخطط لحياتها لمن تزوج
وافضل مصدر للثقافه الجنسيه سواء للبنت او المتزوجه انها تقراء..افضل من التفكير في اخذ الثقافه من الأفلام الخليعه …اعوذب الله..ابعدنا الله واياكم عن رؤيه ماحرمه
وماتدري سبحان الله
البنت الاكاتبه الموضوع يكون هدفها انها تأخد اجر من الله
تخيلي ممكن فكره او نصيحه قدمتها بنت في منتدى واستفادت منها متزوجه وعجبت زوجها…البنت ح تاخد اجر وممكن دعوه حلوه
لكي فائق احترامي وتقديري
هاذي تعتبر رشيدة وتقدر تقرأ وتتثقف وتكتب عاااادي وابد ابد مووووو عيييييب … العيب اننا نمثل على انفسنا
وأأيد اللي تتزوج وهي فاااااهمه كل شئ كل صغيرة وكبيرة ,, مو زي زمااان اول على وقت جداتنا يدخلون ماهم عارفين شئ
تحياااتي ..
الرجال مهما كان .. يبي الأخلاق والأدب والحياااااااااااااااء … ياحلات الحياااا على البنوته بأول زواجها …
طبعا انا مااعرف كل الرجال وإشلوون تفكيرهم …. بس حلات الوحده تتزوج وهي تعرف بعض الأشياء إلي تعرفها بالفطره ’’ او بمواضيع سمعتها وممكن قرتها … لكن حلوووو لما الزوج هو يعلمها حبه حبه ’’ ويربيها على يده …
لو قلنا عن الرجال إلي يبوون يلعبووون … شوووووووووور يحبوون الفاهمه وإلي تعرف كل الحركات الجنسيه والمتفتحه بزياده .. لأن السالفه لعبه بلعبه ….
بس إذا جا بيتزوج .. يطلب من أمه بنوته حياويه ’’ ومثل مايقولوون .. قطوه مغمضه … 
هدفي من الموضوع إني أوعي البنات عالحيااااااء … وخصوصا بهالمواضيع ’’ حتى لو بالتمثيل ’’ وماله داعي تنقل مواضيع وصوور جريئه عشان تبين إنها فاهمه …
ممكن تحتفظ بالمعلومات بنفسها .. والنت فيه بلاوي الدنيا ’’ وإلي تبغي تتعلم ,, بتتعلم من الحريم الي تزوجوا .. وجربوا … مب البنات ’’’
السالفه كلها وجهة نظر ’’’
اتذكر يوم خطوبتي .. يعني من 5 سنوات … قبل لأدخل قاعة الحفل … جاتني بنت من اهل زوجي .. وأول مره أشوفها … يجي عمرها تقريبا 13 سنه …
قالت لي بكل جرأأأأأه …
وااااااااااااااااووو حلووووووه تجننيييين .. هاي كله حق فلان … << زوجي يعني …
انا إنصدمممت من كلامها …
قالت لي ’’ متى يجي دوري يارب ’’ متى أعررررس انا … << وتقولها بحرااااااره … ولهفه ,,,, 😮
والله ياخواتي من زود ماإنصدمت في هالبنت .. قلت حق اهلي كلهم عنها …
إشلووووووووووووووون ماتستححححي ؟؟؟؟؟
واحلف لكم بالله إن بعد العرس ’’ وعقب مارجعت من شهر العسل ’’ كانت موجوده …
وقالت لي بعد ماراحوا الناس وانا أسولف مع بنات خال زوجي …
وبصووووت عالي ’’’’ هااااااااااااااا ؟؟؟ شسويتواااااا بشهر العسل …..؟؟؟؟
أكيد كله قاعدين بالفندق ,,,,, !!!!!!!!!!!! :eek::eek:
بالذمه بالذمه ’’’ هاي كلام من وحده كانت في ال13 ,,,,؟؟؟؟؟؟؟؟؟؟؟؟؟؟؟
إنصعقققققققققققت وقسم بالله العظيم ….
انا أممممييي إلي هي أمممممي .. ماقالت لي هالكلام ولا لمحت لي بشي أببدااااااااااااااا ….
وحتى جدتي والله إلي تبي تتطمن علينا … ماقالت لي ولا كلمه غير شلونج حبيبتي …؟؟ بسسسسس …
معقووووله توصل هالجرأأأأأأأه ببنات هالأيااااام …
الله يستر من الجيل الجاي ’’’
أسمحيلي …
عااادي جدا الوحده تعرف عن الثقافه الجنسيه والزوجيه لان ها الشئ بيفيدها بعدين بحياتها
حتى لاتكون مثل الاطرش في الزفه وتنصدم <<<مثلي
والمواضيع هذي عاديه مافيها لاصور ولاشئ احسن من تلجأ الى طرق آخرى..
وآخيرا اقول لاتكبرو السالفه
وبعدبن اذا كانت المرأة المتزوجة مايجوز تكتب اش تسوي هي وزوجها
وهم شر الناس منزلة عندالله يوم القيامة
فمابالك بالفتاة واللي ماتزوجت يييييييييييييييييييييييه
وربي شئ يقهر أعوذبالله
ومأكثر المنتديات اللي فيها هيك مواضيع وماهي الا من باب
اثارة الشباب وفعل السيئات
الله يتوفانا ويقبضنا اليه غير مفتونين
موضوعك جدا رائع
شكرا لك غاليتي