انا سافرت البحرين رحت حق دكتوري اللي اتعامل معاه دكتور التغذيه
وهالمره شد علي اعطاني دايت وايد قوي بالنسبة لي طبعا
لاني متعوده اكل وايد
ومراجعتي معاه بعد شهر تقريبا
ادعو لي
امس ابتديت ومحاولة التزم كثر ما اقدر
مشكلتي تبتدي بالليل يعني طول النهار اكون ملتزمه ع الدايت بحذافيره لكن اجي تالي الليل اخبص الدنيا
اشوه امس ما خبصت وايد اليوم ان شاء الله بشد اكثر :shy:
ترى على فكرة انا وزني كبير يعني اذا في حد يبي الدايت عشان يبتدي معاي بعطيكم اياه
كتلة الجسم عندي 41 وقبل ما اتعامل مع الدكتور كانت 46
يعني في فرق كبير وواضح الحمدلله
الدايت فيه رز أو مكرونه أو ساندويش فاست فود لو تبون ،،يعني الرجيم
منوّع طبعا هالأصناف تكون في فترة الغدا بس وبكمية محدده
ادعو لي الصراحه ضيعت من وقتي سنة مازرت فيها الدكتور وهو زعلان مني
وانا ابي انزل وزني عشان يرضى ويعطيني رجيم اهون من هذا 
2
على فكره ترى في رياضه مع هالرجيم بس مو وايد ابدا يعني رياضه خفيفه وما تتعب ابدا
اذا تبون بقول لكم عنه واذا ما تبون بليز شجعوني بس ،،
ما اطلب وايد بلييييييييييييييييييييييييييييييز (u)
بالتوفيق ان شاء الله
وراح نكون معاكِ نشجعك حتى توصلي للوزن المطلوب:smile::smile:
وتحياتي لكِ
أختك
عين الحياة
إنطلقي نحو الهدف
ونحن معاك
تسلمووووووون ما تقصرون وان شاء الله اوصل للوزن المثالي
—————————-
شروووووق
هلا اختي
تدرين انا العام استمريت مع هالدكتور لمدة 6 شهور ونزل وزني نزلة حلوه يعني قريب 20 كيلو بس بعدين مادري شصادني
كأنها عين لان كل اللي يشوفوني يقول وايد ضعفتي وان جسمي وايد تغير عن اول وصار احلا
المهم قطعت الدكتور سنة كامله وطبعا في هالسنه تدرين الواحد اللي متعود ع الاكل يزيد وزنه وانا طبعا ما قصرت زدت 8 كيلو
:confused:
رديت رجعت له وهو الحين زعلان مني طبعا يقول هالسنة اللي ضيعتيها الحين برويج شلون انزل لج وزنج
قبل كنت مدلعج ومعطيج اكل وايد
الحين لا
😮
الدكتور في البحرين واسمه برسله لج ع الخاص واذا تبين رقمه بعد
بس ترى هو بيسافر الحين واذا تبين موعد نصيحه احجزي من الحين لان صعب صعب تلاقين عنده مواعيد انا حجزت للشهر الجاي والحين ابي اغير موعدي مو لاقيه موعد قبل ابدا
قسم المواعيد يقولون لي خلج على موعد احسن
وايضا رح ابدأ اخفف الأكل ان شاء الله بس ادعى لى
ويالله نبدأ——-
بس لا تحرمين نفسج من الاكل
وكثري الخضار والفواكه
وحاولي ما تاخذين اي شي فيه سكر خففي السكر كثر ما تقدرين
المهم احب اقول لك انى صاحبة حلويات يعنى حلويات لكن بديت اخفف مثل ما قلنا من قبل عشان الريجيم ونشجع بعض —
* غادة*
وراعية شوكلاته ما اقصر فيها ابد
بس الدكتور قال لي هي ادمان اصلا وما تفيدج بشي بالعكس تزيد وزنج
قاوميها مره ومرتين و3 لحد ما تشوفين نفسج ما تشتهين تاكلينها
ونصيحه خففي الدهون بكل انواعها وخلج ع اللو فات و خففي السكر بعد
يعني شربي دايت بدل البيبسي العادي
ولا تقربين الحلويات ابدا
اذا حسيتي انج تبين تاكلين شي حلو اشغلي نفسج بأي شي عشان تنسين
سوي مثلي
ولا من يصدق ان انا اتعشى فواكه بس :rolleyes:
انا اللي كنت اكل بالهبل
بس يالله الحمدلله الحين احس نفسي خفيفه صج كلها كم يوم من ابتديت الدايت
بس الحمدلله ملتزمه فيه
يالله همتج انتي بعد
بس لا تتبعين دايت ينشف الدم من كثر ماهو قاسي
اخذي شي معقول تقدرين عليه
اول شي ان شاءالله تقدريين توااصلين على الريجيم وتوصلين للوزن المطلووب ..
اختي ماعليج امر تقدرين تحطين لنا الريجيم 
<<<<<<< أذيه على الخاص واهني 😮